21 აპრილს სიქას ორგანიზებით მარნეულის დემოკრატიული ჩართულობის ცენტრში პროგრამის "მომავლის თაობა" ფარგლებში განხორციელებული ორი პროექტის: "დავიცვათ ჩვენი დედა-ბუნება" და "ვიზრუნოთ ჩვენს ჯანმრთელობაზე" შემაჯამებელი ღონისძიება გაიმართა.
პროექტები პროგრამის ფარგლებში გამართულ მოსწავლეთა ახალგაზრდულ ფორუმზე მონაწილე სამოქალაქო კლუბების წევრების მიერ შეიქმნა.
"დავიცვათ ჩვენი დედა-ბუნება" გარემოსდაცვითი პროექტია, რომელიც კაჩაგანის #1, კაჩაგანის #2 და კირაჩმუღანლოს საჯარო სკოლების სამოქალაქო კლუბის წევრების მიერ განხორციელდა, პროექტის:"ვიზრუნოთ ჩვენს ჯანმრთელობაზე" მიზანი კი ცხოვრების ჯანსაღი წესის პოპულარიზაცია იყო. პროექტში ქვემო სარალის, ზემო სარალის, დამიაგეორარხისა და ჯავშანიანის სკოლების სამოქალაქო კლუბების წევრების მონაწილეობდნენ.
შეხვედრაზე ორივე პროექტში ჩართულმა შვიდივე სკოლამ წარმოადგინა პრეზენტაციები პროექტის ფარგლებში მათ სკოლაში განხორციელებული აქტივობების შესახებ. თითოეულ მონაწილე სამოქალაქო კლუბს გადაეცა პროექტში მონაწილეობის სერთიფიკატები, გამოვლიდნენ და დაჯილდოვდნენ აქტიური მოსწავლეები და მასწავლებლები, რომლებმაც პროექტების განხორციელებაში განსაკუთრებული წვლილი შეიტანეს. ფეხბურთის ტურნირის გამარჯვებულ ქვემო სარალის სკოლის ვაჟთა გუნდსა და ფრენბურთის ტურნირში გამარჯვებულ ზემო სარალის სკოლის გოგონათა გუნდს გადაეცა ტურნირის თასები.
No comments:
Post a Comment