Wednesday, February 27, 2013

სიქამ საზოგადოებას წლიური ანგარიში წარუდგინა


26 თებერვალს რუსთავის დემოკრატიული ჩართულობის ცენტრში არასამთავრობო ორგანიზაციამ სიქასაგანმანათლებლო ინიციატივების ქართული ასოციაცია 2012 წლის შემაჯამებელი შეხვედრა გამართა. შეხვედრას დაესწრნენ არასამთავრობო ორგანიზაციების, მედია საშუალებებისა და საზოგადოების წარმომადგენლები.
ამსწრე აუდიტორია ორგანიზაციის აღმასრულებელმა დირექტორმა და ახალგაზრდა ლიდერებმა  წარუდგინეს 2012 წლის წლიური ანგარიშის პრეზენტაცია და გააცნეს სამომავლო გეგემები.
ინგა პაიჭაძე, სიქას აღმასრულებელი დირექტორი: - საზოგადოებას გავაცნით ის პროგრამები და აქტივობები, რომელსაც ორგანიზაცია ახორციელებდა 2012 წელს. მათ შორის გამოვყოფდი საკლუბო მუშაობას, სხვადასხვა ასაკის ახალგაზრდებისთვის ფუნქციონირებდა განსხვავებული თემატიკის კლუბები, მაგალითისთვის მე მომავალი ჟურნალისტი”, უნარები პროფეიული წარმატებისთვის, დებატ კლუბი, სიქა მოგზაური და .. ამას გარდა, სიქა ახორციელებს სხვადსხვა პროგრამებს, რომელიც წარმატებულად მიმდინარეობს ქვემო ქართლში. ერთ-ერთია სამოქალაქო განათლებისა და პედაგოგთა გადამზადების პროგრამა, რომელშიც ჩართულია რეგიონის 86 სკოლა. სიქა მუდმივად ახორციელებს  პროგრამებსა თუ პროექტებს, რომელიც ემსახურება ახალგზარდების სამოქალაქო ცხოვრებაში აქტიურად ჩართვას.
2013 წელს სიქა კიდევ უფრო აქტიურად განაგრძობს საქმიანობას ძველი პროექტებით და ახალი პროგრამებით.

Thursday, February 21, 2013

სიქა-ში გრძელდება "ინგლისური ენის შესწავლის ხელმისაწვდომობის სასტიპენდიო პროგრამა - ACCESS"


სიქა-ში გრძელდება "ინგლისური ენის შესწავლის ხელმისაწვდომობის სასტიპენდიო პროგრამა - ACCESS". პროგრამა ხორციელდება ორგანიზაცია PH International-თან პარტნიორობით. პროგრამა განკუთვნილია 13-16 წლამდე მოზარდებისათვის სოციალურად დაუცველი და შეჭირვებული ოაჯხებიდან. ინგლისური ენის შესწავლის ინტენსიურ პროგრამას ორი წლის განმავლობაში 25 მოსწავლე გაივლის, რომლებიც შეირჩევიან შემდეგი კრიტერიუმებით:

  • სოციო ეკონომიკური სტატუსი;
  • აკადემიური მოსწრება;
  • ინგლისური ენის ცოდნა (მინ. საბაზო დონე). 

მონაწილეების შერჩევა მოხდება აპლიკაციების საფუძველზე. აპლიკაციის მიღების ბოლო ვადა - 28 თებერვალი. დამატებითი ინფორმაციისათვის მობრძანდით სიქა-ს ოფისში - შარტავას #4 მიმდ.ტერიტორია.

Sunday, February 17, 2013

კლუბი "უნარები პროფესიული წარმატებისათვის" დაიწყო

16 თებარვალს შედგა კლუბის "უნარების პროფესიული წარმატებისთვის" პირველი შეხვედრა. ტრენინგი გაცნობითი ხასიათის იყო, ჯგუფის წევრებმა გაიცნეს ერთმანეთი და ფასილიტატორები, ასევე მიიღეს მეტი ინფორმაცია სიქას აქტივობების და პროექტების შესახებ, სადაც ასევე შეუძლიათ ჩაერთონ. კლუბში მონაწილეობას ირებს 20-მდე ახალგაზრდა თბილისიდან და რუსთავიდან.
კლუბი  "უნარების პროფესიული წარმატებისთვის"  სიქას ერთ-ერთი წარმატებული კლუბია, რომნელიც არაერთი წელია რაც ფუნქციონირებს.

Friday, February 15, 2013

კლუბ "სიქა-მოგზაურის" მესამე სეზონი დაიწყო


ამა წლის 9 თებერვალს, კლუბმა „სიქა-მოგზაური“ განაახლა მესამე სეზონის აქტივობა. შემოტანილი აპლიკაციების  საფუძველზე მოხდა მონაწილეების შერჩევა და კლუბმაც დაიწყო მუშაობა. პირველ, გაცნობით შეხვედრაზე მოხდა კლუბის მიზნების, აქტივობების და ლიდერთა გუნდის წარდგენა. გაიმართა საბანაკე  აქტივობები, რითაც მონაწილეებმა მოახერხეს ერთმანეთის გაცნობა-დაახლოება. ასევე გაშუქდა ვიდეო, სადაც წარმოდგენილი იყო ფოტო-ვიდეო მასალა იმის შესახებ, თუ როგორ ფუნქციონირებდა კლუბის პირველ და მეორე სეზონზე. 

Monday, February 11, 2013

სემინარი კარლ-პოპერის (ფასეულობითი) ფორმატის დებატებში

სიქა - ს ახალგაზრდა ტრენერებმა 2013 წლის 9 თებერვალს თსუ-ს სტუდენტებისთვის გამართეს სემინარი კარლ-პოპერის (ფასეულობითი) ფორმატის დებატებში.
სემინარის 25 მონაწილე გაეცნო ფორმალური დებატების სხვადასხვა სახეობას, ხოლო კარლ-პოპერის (ფასეულობითი) ფორმატი კი დეტალურად განიხილეს, მონაწილეები გაეცვნენ ფორმატის სტრუქტურას, წესებს, მომხსენებელთა მოვალეობებს, პოზიციის ჩამოყალიბების და წარდგენის ტექნიკას. სემინარის მეორე ნახევარი მიღებული ცოდნის პრაქტიკაში განმტკიცებას დაეთმო და მოწყო საჩვენებელი დემო-დებატები.
აღნიშნული სემინარი მოეწყო "ელსა - ევროპის იურისტ სტუდენტთა ასოციაციის თბილისის" პროექტის ფარგლებში, რომელიც თბილისის უნივერსიტეტებს შორის დებატების ტურნირის მოწყობას ითვალისწინებს.
აღნიშნული პროექტის ფარგლებში, სიქა- საგანმანათლებლო ინიციატივების ქართული ასოციაციის გამოცდილი ტრენერები და მსაჯები გაუძღვებიან ფასეულობითი დებატების სემინარებს, შიდა და საბოლოო ტურნირის ეფექტურ ორგანიზებას.
ასევე სიქა გეგმავს ეროვნული მასშტაბით სტუდენტური და მოსწავლეთა დებატების ჩემპიონატების ორგანიზებას.

სამოქალაქო განათლებისა და პედაგოგთა გადამზადების პროგრამის შუალედური შემაჯამებელი ღონისძიება

30 იანვარს მარნეულის გამგეობის შენობის სააქტო დარბაზში სიქა-ს ორგანიზებით გაიმართა სამოქალაქო განათლებისა და პედაგოგთა გადამზადების პროგრამის შუალედური შემაჯამებელი ღონისძიება. შეხვედრას ესწრებოდნენ ქვემო ქართლის რეგიონის აქტიური სამოქალაქო კლუბების წევრები. პროგრამის კოორდინატორმა ქვემო ქართლის რეგიონში ინგა პაიჭაძემ გააკეთა ანალიზი პროგრამის მესამე წლის პირველი ნახევრის განმავლობაში მიღწეული შედეგების შესახებ. რეგიონში ხუთმა აქტიურმა კლუბმა გააკეთა საკლუბო მუშაობის პრეზენტაცია. PH-International-ის მცირე გრანტების პროგრამის კოორდინატორმა ინგა ქიბროწაშვილმა კმაყოფილება გამოთქვა რეგიონში პროგრამის მიმდინარეობით. ღონისძიების დასასრულს აქტიური სამოქალაქო კლუბები დაჯილდოვდნენ სიგელებითა და სამახსოვრო საჩუქრებით. შემაჯამებელ შეხვედრას ესწრებოდა 120-ზე მეტი აქტიური კლუბის წევრი და მეურვე.



დასრულდა ინგლისური ენის ხელმისაწვდომობის პროგრამა

2011-2012 წლებში სიქა იყო ინგლისური ენის ხელმისაწვდომობის პროგრამის  (English Access Microscholarship Program) პარტნიორი ქ.რუსთავში. ამ პროგრამით 25 მოსწავლეს სოციალურად დაუცველი ოჯახებიდან საშუალება მიეცათ გაეფართოებინათ თავიანთი ცოდნა და უნარები ინგლისურ ენაში.
2013 წლის 28 იანვარს რუსთავის დემოკრატიული ჩართულობის ცენტრში გაიმართა ინგლისური ენის ხელმისაწვდომობის პროგრამის გამოსაშვები შეხვედრა. საპატიო სტუმარმა, აშშ საელჩოს საზოგადოებრივ საქმეთა ოფიცერმა, ბატონმა მაიკლ ტერნერმა ეს პროგრამა შეაფასა, როგორც პირველი ნაბიჯი მომავალი წარმატებისაკენ.  განსაკუთრებული მადლობა გადაუხადა PH International-სა და Access პროგრამის კორდინატორს ნანა იოსელიანი-მაისნერს.
შეხვედრის დასასრულს ყველა მოსწავლეს გადაეცა სერტიფიკატები და მცირე საჩუქრები.

სიქა -ს კიდევ ერთი წარმატება

SALTO -მ დადებითად გადაწყვიტა სიქა-ს მოთხოვნა Youth In Action პროგრამის ფარგლებში და სიქა-ს უკვე შეუძლია ერთდროულად 9 ევროპელი მოხალისე მიიღოს.

Friday, February 8, 2013

EVS პროგრამის მოხალისე სიქა-დან შეხვდა სასკოლო სამოქალაქო კლუბის წევრებს

15 იანვარს რუსთავის დემოკრატიული ჩართულობის ცენტრში სამოქალაქო განათლებისა და პედაგოგთა გადამზადების პროგრამის ფარგლებში ჩატარდა შეხვედრა სტუმართან. სტუმარი იყო სიქა-ს ქართველი მოხალისე დათო ოდიკაძე, რომელიც ამჟამად არის EVS პროგრამის მოხალისე რუმინეთში. შეხვედრამ საინტერესოდ ჩაიარა. სამოქალაქო განათლების კლუბების ბავშვებმა ბევრი რამ შეიტყვეს იმაზე, თუ რას ნიშნავს იყო მოხალისე.

სიქა-ს ზამთრის ბანაკი "სიქა ბაკურიანში 2013"

2013 წლის 3 იანვრიდან 7 იანვრის ჩათვლით განხორციელდა სიქა-ს ზამთრის ბანაკი "სიქა ბაკურიანში 2013", რომელშიც მონაწილეობა მიიღო 26-მა მონაწილემ. ბანაკი იყო დატვირთული სახალისო საბააკე აქტივობებით.

სიქა-ს კარნავალი

2012 წლის 30 დეკემბერს გაიმართა სიქა-ს საახალწლო კარნავალი, რომელსაც 70-ზე მეტი სიქა-ს წევრი და მეგობარი დაესწრო.
კარნავალი დატვირთული იყო სხვადასხვა სახალისო აქტივობებითა და კონკურსებით.
იხილეთ ფოტოალბომი.

უცხოელი სტუმრები სიქა-ში

5-6 ნოემბერს სიქა-მ უმასპინძლა ორ დელეგაციას, რომლებიც საქართველოში სასწავლო ტურის პროგრამის ფარგლებში ეწვივნენ. პროექტების "Youth Work Reality in Georgia" და "Youth Work in Rural Area" მონაწილეები სიქა-ს გამოცდილების მაგალითზე გაეცვნენ საქართველოსი არასამთავრობო ორგანიზაციების მუშაობის თავისებურებებს, პრობლემებსა და გამოწვევებს. 50-მდე უცხოელი სტუმარი კმაყოფილი დარჩა სიქა-ს პრეზენტაციებზე მიღებული ინფორმაციით, გამოიკვეთა მომავალი თანამშრომლობის პერსპექტივები.

Friday, February 1, 2013

საპარლამენტო დებატების ტრენინგები ზუგდიდში

საპარლამენტო (ბრიტანული) დებატების ტრენინგები ჩაატარა სიქასა და CTC (ტრენინგებისა და კონსულტაციების ცენტრი) ტრენერებმა ზუგდიდის მოსწავლე-სტუდენტობისთვის. ტრენინგები ზუგდიდის არასამთავრობო ორგანიზაციის "დეას" ორგანიზებით მოეწყო.
13-14 დეკემბერს ტრენინგები 2 პარალელურ ჯგუფში მიმდინარეობდა, რომელსაც ჯამში 50-მდე ახალგაზრდა დაესწრო. 
ტრენინგის ფარგლებში მონაწილეები მოკლედ გაეცვნენ დებატების სხვადასხვა სახეობას (ღირებულებითი, პოლიტიკური, საპრეზიდენტო, საჯარო დებატები) დეტალურტად შეისწავლეს საპალამენტო დებატის სტრუქტურა, თამაშის წესები, მომხსენებელთა მოვალეობები, კარგი პრეზენტაციისთვის საჭირო უნარ-ჩვევები, მოეწყო 2 თამაში სხვადასხვა რეზოლუციებზე და მონაწილეებმა პრაქტიკული გამოცდილებაც მიიღეს.
დებატების ტრენინგების ციკლი გაგრძელდა 15-16 დეკემბერსაც. ამჯერად ტრენინგებს ზუგდიდელი ახალგაზრდების სხვა ჯგუფი ესწრებოდა.
დებატების ტრენინგები სხვადასხვა რეგიონებშიც ჩატარდება. სიქას ორგანიზებით კი დებატების მეგობრული ტურნირი იგეგმება საქართველოს სხვადასხვა ქალაქის სტუდენტ-ახალგაზრდებს შორის.

შეხვედრა საქართველოს განათლებისა და მეცნიერების სამინისტროში

  12 დეკემბერს საქართველოს განათლებისა და მეცნიერების სამინისტროში შედგა შეხვედრა მოსწავლეთა თვითმმართველობების აქტიური წევრების, სასკოლო ოლიმპიადებში გამარჯვებული მოსწავლეების, სასკოლო სამოქალაო კლუბების წევრებსა და განათლების სამინისტროს წარმომადგენლებს შორის. შეხვედრაზე პრეზენტაცია გააკეთა რუსთავის #18 საჯარო სკოლის სამოქალაქო კლუბმა "ბასტიონი", რომელმაც სიქა-ს მეურვეობითა და ხელშეწყობით განახორციელა მცირე საგრანტო პროექტი, რომლის ფარგლებშიც სკოლაში მოეწყო რადიოკვანძი. სკოლის მიერ განხორციელებულმა პროექტმა დიდი მოწონება დაიმსახურა განათლების სამინისტოს წარმომადგენლებს შორის, მინისტრის მოადგილემ ბ-ნმა ალუდა გოგლიჩიძემ აღნიშნა, რომ ამ შეხვედრაზე მე-18 სკოლის ბენეფისი შედგა :) სიქა ულოცავს სკოლას ამ წარმატებას!