Monday, December 30, 2013

სიქა 2013 წლის ახალგაზრდულ ორგანიზაციად დასახელდა!

სიქა - საგანმანათლებლო ინიციატივების ქართული ასოციაცია საქართველოს სპორტისა და ახალგაზრდობის სამინისტროს მიერ დასახელდა 2013 წლის ახალგაზრდულ ორგანიზაციად!

Tuesday, December 24, 2013

სიქა-ს საშობაო კარნავალი "სად დამალა გრინჩმა საშობაო საჩუქრები?"


2014 წლის 6 იანვარს გიწვევთ სიქა-ს მოხალისეების მიერ ორგანიზებულ კოსტუმირებულ საშობაო კარნავალზე, რომელიც დატვირთული იქნება სახალისო და საინტერესო აქტივობებით, კონკურსებით, სიურპრიზებით..ერთად ვიპოვოთ გრინჩის მიერ გადამალული საჩუქრები. კარნავალში მონაწილეობა შეუძლია ყველა მსურველს, ასაკის შეუზღუდავად. კარნავალი ჩატარდება ქ. რუსთავის #18 სკოლაში. საკარნავალო ბილეთები, ღირებულებით 13 ლარი, შეგიძლიათ მოითხოვოთ სიქა-ს ოფისში. დამატებითი ინფორმაციისათვის დაგვიკავშირდით სიქა-ს ოფისში, შარტავას #4 მიმდ. ტერიტორიაზე, ან დაგვირეკეთ (0341) 223133.

"ინგლისური ენის ხელმისაწვდომობის პროგრამის" მონაწილეებმა მოაწყვეს საშობაო ღონისძიება

23 დეკემბერს სიქა-ში მიმდინარე "ინგლისური ენის ხელმისაწვდომობის პროგრამის" მონაწილეებისათვის, სიქას ევროპელი და ამერიკელი მოხალისეებით ჩართულობით მოეწყო საშობაო ღონისძიება "Give a little more love this Christmas!". მოსწავლეები გაეცვნენ სხვადასხვა ქვეყნის საშობაო ტრადიციებს, ერთმანეთს მიულოცეს შობა-ახალი წელი მათ მიერ ხელნაკეთი საშობაო ბარათებით. ღონისძიების დასასრულს თითოეულმა მათგანმა მცირედი საშობაო საჩუქარიც მიიღო.
https://www.facebook.com/media/set/?set=a.382749131871909.1073741847.227659210714236&type=1

Thursday, December 19, 2013

სიქამ მონაწილეობა მიიღო საქართველოს ახალგაზრდული ორგანიზაციების ფორუმში

სიქა აქტიურადაა ჩართული საქართველოს ახალგაზრდული ორგანიზაციების ფორუმში, რომელიც 18 – 19 დეკემბერს თბილისში საქართველოს სპორტისა და ახალგაზრდობის საქმეთა სამინისტროს მხარდაჭერით იმართება.
საქართველოს ახალგაზრდული ორგანიზაციების ფორუმი ხორციელდება 2007 წლიდან, ყოველწლიურად ფორუმის მონაწილეთა რაოდენობა მატულობს. წელს ფორუმში მონაწილეობს საქართველოს 140-დე ახალგაზრდული ორგანიზაცია. ფორუმის მიზნები:
- სამთავრობო და არასამთავრობო ახალგაზრდული ორგანიზაციების წარმომადგენლებს შორის კონსტრუქციული დიალოგის ხელშეწყობა;
- მონაწილე ორგანიზაციების საქმიანობის შესახებ ცნობადობის ამაღლების ხელშეწყობა;
- მონაწილე ორგანიზაციებს შორის საქმიანობის კოორდინაცია და თანამშრომლობის გაღრმავების ხელშეწყობა;
- მონაწილე ორგანიზაციებისათვის ინფორმაციის მიწოდება ახალგაზრდულ სფეროში არსებული და სამომავლოდ დაგეგმილი პროგრამებისა და ფონდების შესახებ.
ფორუმი გახსნა საქართველოს სპორტისა და ახალგაზრდობის მინისტრმა ლევან ყიფიანმა. სამინისტროს წარმომადგენლებმა, სსიპ „ბავშვთა და ახალგაზრდობის ეროვნული ცენტრის" და „ბავშვთა და ახალგაზრდობის განვითარების ფონდის“ წარმომადგენლებმა გააკეთეს პრეზენტაციები მათი ორგანიზაციების მუშაობის შესახებ.
18 დეკემბერს, დღის მეორე ნახევარი დაეთმო ახალგაზრდული ორგანიზაციების გამოფენას.

ბაკურიანის ზამთრის ბანაკი - 2014

თუ შენ,
გინდა განსხვავებულად გაერთო, დაისვენო, იხალისო, შეიმეცნო ან უბრალოდ, არაჩვეულებრივი და განსაკუთრებული დღეები გაატარო, მაშინ მიჰყევი ამ ტექსტს ბოლომდე!

SIQA, EMT და CISV–ის გთავაზობთ უნიკალურ შესაძლებლობას, ერთ–ერთ ყველაზე დასამახსოვრებელ ბანაკს ბაკურიანში!!!
დაგეგმილია უამრავი საბანაკე აქტივობა, მხიარული და თავსატეხი სავარჯიშოები, გასართობი ენერჯაიზერები, თამაშები და გასვლები ბაკურიანის ტერიტორიაზე.

ბანაკის თარიღებია: 03.01.2014 – 07.01.2014
ბანაკის ღირებულება: 274 ლარი;
მონაწილეობა შეუძლია ყველა მსურველს 13 წლიდან 30 წლამდე.

ბანაკი გაიმართება ზამთრის ყველაზე, აქტიური სეზონის დროს, ამიტომ, იჩქარეთ ადგილები ძალიან სწრაფად ივსება!

დარეგისტრირდით შემდეგ ელ. ფოსტაზე: Teklabuadze@gmail.com ან Kakhipasu@gmail.com ;

კითხვების არსებობის შემთხვევაში, დაგვიკავშირდით:
571 740 861 (კახა ფაშურიშვილი)
599 455 233 (თეონა ბუაძე)
 

სამოქალაქო კლუბების ვიზიტი გადაუდებელი დახმარების ოპერატიული მართვის ცენტრში "112"

სამოქალაქო განათლებისა და პედაგოგთა გადამზადების პროგრამის ფარგლებში, სიქა-ს ორგანიზებით 12 დეკემებერს, რუსთავის სამოქალაქო კლუბების (#1, #2, #9, #15, #20, #21, #26 საჯარო სკოლებიდან) წევრები ესტუმრნენ საქართველოს შინაგან საქმეთა სამინისტროს "112"-ის დეპარტამენტს.
ვიზიტორებს საინტერესო გიდობა გაუწიეს საზოგადოებასთან ურთიერთობის სამსახურის წარმომადგენლებმა. მოსწავლეებმა დაათვალიერეს გადაუდებელი დახმარების მართვის ცენტრი, გაეცვნენ 112-ის მუშაობის სპეციფიკას, ზარების მიღებისა და გადამისამართების ტექნიკას, ასევე სამსახურში მომუშავე პერსონალის დასაქმების საფეხურებს.
კლუბების წევრებმა მასპინძლებს, დაუსვეს მათთვის საინტერესო შეკითხვები, რაზეც ამომწურავ პასუხებს მიიღეს.
აღნიშნული სახის ღონისძიებები მიზნად ისახავს, მოზარდებში სამოქალაქო კულტურის ამაღლებას, საქართველოში მოქმედი გადაუდებელი დახმარების ერთიანი ნომრის ცნობადობის ამაღლებას და გადაუდებელ სიტუაციებში ქცევის წესების გაცნობას.
ვიზიტის დასასრულს გადაუდებელი დახმარების ოპერატიული მართვის ცენტრი 112-ის თანამშრომლებმა ვიზიტის მონაწილეებს გადასცეს სამახსოვრო საჩუქრები.

გარდაბნის #1 საჯარო სკოლის სამოქალაქო კლუბის წარმატებული ინიციატივა

სიქა-ს სამიზნე სკოლის გარდაბნის #1 საჯარო სკოლის სამოქალაქო კლუბმა „ერთსულოვნება“ წარმატებული საქმიანობისათვის „სამოქალაქო განათლებისა და პედაგოგთა გადამზადების პროგრამის“ ფარგლებში ტექნიკის შთამბეჭდავი პაკეტი მიიღო საჩუქრად.
კლუბის წევრება გადაწყვიტეს მიღებული ტექნიკით სარგებელი თემის წევრებსაც ენახათ, საჭიროებების ანალიზის შედეგად მათ აღმოაჩინეს- გარდაბნის საბავშო ბაღებში არ არის მედია საშუალებები, რათა პატარებმა ერთად ნახონ და განიხილონ ანიმაციური ფილმები, რაც ხელს შეუწყობდა პატარების განათლებას, სხვადასხვა ეროვნების ბავშვების ინტეგრაციას, ეთნიკური უმცირესობების წარმომადგენელ პატარებში ქართული ენის ცოდნის ამაღლებას.
კლუბ „ერთსულოვნების“ წევრები გარდაბნის მუნიციპალიტეტის სკოლამდელი სააღმზრდელო დაწესებულების დირექტორს ბ-ნ ჯემალ დავითაძეს ეწვივნენ, სთხოვეს დახმარება და შუამდგომლობა, გარდაბნის საბავშო ბაღებთან თანამშრომლობის შესახებ. ბატონი ჯემალის დახმარებით კლუბის წევრები 11 დეკემბერს გარდაბნის #3 ბაგა-ბაღს ეწვივნენ, სადაც ქართველი, აზერბაიჯანელი, სომეხი, რუსი, აისორი და სხვა ეროვნების პატარები ერთად იღებენ სკოლამდელ განათლებას. კლუბის წევრებმა ბავშვებს აჩვენეს რამდენიმე ანიმაციური ფილმი. ღონისძიებამ პატარების დიდი აღტაცება გამოიწვია.

Tuesday, December 10, 2013

სიქა-ში აქტიურად გრძელდება აივ ინფექცია შიდსზე ანონიმური ტესტირება

სიქა-ში აქტიურად გრძელდება აივ ინფექცია შიდსზე ანონიმური ტესტირების პროცესი. ტესტირება მოიცავს მარტივი სისხლის ანალიზის პროცესს, რომელიც უსაფრთხოდ და კონფიდენციალურად ტარდება. ტესტი არის უფასო და 20 წუთის განმავლობაში ატყობინებს თავის აივ/სტატუსის შესახებ ტესტის ჩატარების მსურველს. 
ტესტირებების ჩატარება გაგრძელდება 2014 წლის მაისის ბოლომდე ყოველ სამშაბათს და ოთხშაბათს სიქას ოფისში, მეგობრობის ქ. #12-ში, 11:00 საათიდან 18:00 საათამდე.
ანონიმური ტესტირება მიმდინარეობს ევროკავშირის ფინანსური მხარდაჭერით მიმდინარე პროექტის ფარგლებში, რომელსაც ახორციელებს გაეროს ბავშვთა ფონდი საზოგადოებრივ გაერთიანება ბემონთან და სიქა - საგანმანათლებლო ინიციატივების ქართულ ასოციაციასთან ერთად.

სიქა-ს ახალგაზრდული დელეგაცია იტალიაში გაემგზავრა

სიქა-ს ახალგაზრდული დელეგაცია იტალიაში გაემგზავრა, სადაც ისინი მონაწილეობას იღებენ პროგრამა "ახალგაზრდები მოქმედებაში" - "Youth in Action"-ის ფარგლებში დაგეგმილ პროექტში "Raise your voice". 30 ახალგაზრდა ევროპის სხვადასხვა ქვეყნიდან 10 დღის განმავლობაში ერთად შეიმუშავებს ახალგაზრდული აქტივობების დაგეგმვისა და განხორციელების გზებს, ახალგაზრდული საქმიანობის პოპულარიზაციისათვის მედიის სხვადასხვა საშუალებების აქტიურ გამოყენების შესაძლებლობებს. 

Sunday, December 8, 2013

რეგიონული დებატების ტურნირი

8 დეკემბერს, სიქა-ს ორგანიზებით, ქ. რუსთავის #22 სკოლაში რეგიონული დებატების ტურნირი მოეწყო, ტურნირში მონაწილეობას იღებდნენ ქ. რუსთავისა და ბოლნისის მუნიციპალიტეტის სასკოლო სამოქალაქო კლუბების წევრები.დებატების ტურნირი კარლ პოპერის/ფასეულობათა ფორმატით ჩატარდა, რეზოლუციით "საქართველოში მონარქიული მმართველობა გამართლებულია". ტურნირში მონაწილე 8 გუნდი ახალგაზრდა თანასწორგანმანათლებლებმა მოამზადეს, რომლებმაც მიმდინარე წლის გაზაფხულზე დებატ ბანაკში მიღებული ცოდნა სიქა-ს დებატების ტრენერებთან განამტკიცეს. ტურნირში პირველი ადგილები რუსთაველმა ახალგაზრდებმა დაიკავეს! ვულოცავთ მათ ამ გამარჯვებას და გვჯერა, წინ კიდევ ბევრი წარმატებები ელით. გამარჯვებულ გუნდებს და საუკეთესო მოდებატეებს სამახსოვრო პრიზები გადაეცათ. იხილეთ ფოტოალბომი.

ახალგაზრდული ფორუმი რუსთავში

2013 წლის 7 დეკემბერს სიქა-მ ორგანიზება გაუკეთა ახალგაზრდულ ფორუმს, რომელიც სამოქალაქო განათლებისა და პედაგოგთა გადამზადების პროგრამის ფარგლებში მოეწყო რუსთავის #1 საჯარო სკოლაში. ფორუმში მონაწილეობდნენ რუსთავისა და გარდაბნის მუნიციპალიტეტების სკოლების სამოქალაქო კლუბების აქტიური წევრები. მოსწავლეებმა ფორუმზე შეიმუშავეს მუნიციპალიტეტებში არსებული პრობლემების მოგვარებისათვის ინიციატივები, რომლებიც გააცვნეს ფორუმზე მოწვეულ ადგილობრივი თვითმმართველობებისა და საზოგადოებრივი ორგანიზაციების წარმომადგენლებს. მოწვეულმა სტუმრება მოიწონეს ახალგაზრდების მიერ გამოვლენილი პრობლემების მოგვარების გზები და მხარდაჭერა აღუთქვეს პროექტების განხორციელების მიმართულებით. იხილეთ ფოტოალბომი.

პრეზენტაცია ამერიკაში შოპინგის თემაზე

5 დეკემბერს სიქა-ში მიმდინარე ინგლისური ენის ხელმისაწვდომობის სასტიპენდიო პროგრამის (English Access Microscholarship Program) მონაწილეებს ორგანიზაციის მშვიდობის კორპუსის მოხალისემ ალ ჩანდლერმა წარუდგინა პრეზენტაცია ამერიკაში შოპიგის თემის შესახებ. ახალგაზრდებს მიეცათ საშუალება უფრო ახლოს, პირველწყაროდან, გაცნობოდნენ ამერიკულ კულტურას და გაეუმჯობესებინათ ინგლისური ენის ფლობის დონე.
იხილეთ ფოტოალბომი.

Monday, December 2, 2013

სიქა-ს აქცია შიდსთან ბრძოლის საერთაშორისო დღეს მიეძღვნა

1 დეკემბერს რუსთავში სიქა-ს ორგანიზებით გაიმართა ღია აქცია, რომელიც შიდსთან ბრძოლის საერთაშორისო დღეს მიეძღვნა. ღონისძიება ჩატარდა ევროკავშირის ფინანსური მხარდაჭერით მიმდინარე პროექტის ფარგლებში, რომელსაც ახორციელებს გაეროს ბავშვთა ფონდი საზოგადოებრივ გაერთიანება ბემონთან და სიქა - საგანმანათლებლო ინიციატივების ქართულ ასოციაციასთან ერთად.
აქცია დაიწყო სიქას ოფისიდან მსვლელობით, რომელშიც მონაწილეობდა სიქას ქართველი და უცხოელი მოხალისეები და სამოქალაქო კლუბების წევრები. ღონისძიების მონაწილეები გზაში არიგებდნენ შიდსის სიმბოლოს წითელ ლენტებს, საინფორმაციო ბროშურებს და სტიკერებს. 
მსვლელობა დასრულდა რუსთავის მერიის წინ, სადაც მონაწილეებმა მოაწყვეს აივ ინფექციასთან დაკავშირებული სტიგმის თემაზე დახატული პლაკატების გამოფენა. 
პარალელურ რეჟიმში სიქას ოფისში, მეგობრობის ქუჩა #12-ში მიმდინარეობდა ტესტირების პროცესი. ტესტირება მოიცავს მარტივი სისხლის ანალიზის პროცესს, რომელიც უსაფრთხოდ და კონფიდენციალურად ტარდება. ტესტი არის უფასო და 20 წუთის განმავლობაში ატყობინებს თავის აივ/სტატუსის შესახებ ტესტის ჩატარების მსურველს. 
ტესტირებების ჩატარება გაგრძელდება 8 თვის მანძილზე ყოველ სამშაბათს და ოთხშაბათს სიქას ოფისში, მეგობრობის ქ. #12-ში, 11:00 საათიდან 18:00 საათამდე.
ღონისძიება დასრულდა მერიის წინ მიმდებარე მოედანზე მანათობელი ფრანების გაშვებით.

Sunday, December 1, 2013

სამოქალაქო კლუბების ვიზიტი საქართველოს განათლებისა და მეცნიერების სამინისტროში

სამოქალაქო განათლებისა და პედაგოგთა გადამზადების პროგრამის ფარგლებში სიქა-ს ორგანიზებით 29 ნოემბერს მოეწყო ქვემო ქართლის სასკოლო სამოქალაქო კლუბების ვიზიტი საქართველოს განათლებისა და მეცნიერების სამინისტროში. მარნეულის #5, #6, #8, კუმისის, კოდის და რუსთავის #2, #9, #11, #15, #17, #20, #21, #22, #26 საჯარო სკოლების სამოქალაქო კლუბების წევრები გაეცვნენ სამინისტროს შენობის ისტორიას, სამინისტროში მუშაობის სპეციფიკას.
ვიზიტორები გაეცვნენ რამოდენიმე დეპარტამენტის სტრუქტურას, დაათვალიერეს საკონფერენციო და მოლაპარაკების სივრცეები. მოსწავლეებს გიდობას უწევდა საზოგადოებასთან ურთიერთობის საორგანიზაციო სამსახურის უფროსი ქალბატონი ნატო დგებუაძე.
სიქა მომავალშიც გეგმავს სამოქალაქო კლუბებისთვის საჯარო სამსახურებში ვიზიტებს.

ევროპელმა მოხალისეებმა "წმინდა ენდრიუს დღესთან" დაკავშირებით აქტივობა მოაწყვეს

29 ნოემბერს სიქა-ს პოლონელი, რუმინელი და ფრანგი მოხალისეების ინიციატივით, პოლონურ დღესასწაულ "წმინდა ენდრიუს დღესთან" დაკავშირებით სიქა-ს ოფისში მოეწყო საინტერესო აქტივობა, სადაც ახალგაზრდებს მიეცათ შესაძლებლობა უკეთ გაცნობოდნენ პოლონურ ტრადიციულ რიტუალებს.

ახალგაზრდული ფორუმი მარნეულში

30 ნოემბერს სიქა-ს ორგანიზებით მარნეულის #5 საჯარო სკოლაში ჩატარდა ახალგაზრდული ფორუმი. ფორუმში მონაწილეობა მიიღო მარნეულის, ბოლნისის, თეთრიწყაროსა და დმანისის მუნიციპალიტეტების 31 საჯარო სკოლის სამოქალაქო კლუბების წევრებმა. სიქა-ს ფასილიტატორების დახმარებით მოსწავლეებმა მუნიციპალტეტების მიხედვით გამოავლინეს თემში არსებული პრობლემები, შეიმუშავეს პრობლემების მოგვარების გზები. ფორუმზე სტუმრად მოწვეულ მხარდამჭერებს - მარნეულისა და თეთრიწყაროს გამგეობის წარმომადგენლებს, ახალგაზრდებმა წარუდგინეს შემუშავებული პროექტები და მომავალი თანამშრომლობის გზებიც დასახეს. ახალგაზრდულ ფორუმში მონაწილეობა მიიღო რეგიონის 90-ზე მეტმა ახალგაზრდამ.
ახალგაზრდული ფორუმი ჩატარდა "სამოქალაქო განათლებისა და პედაგოგთა გადამზადების პროგრამის" ფარგლებში, რომელსაც აშშ საერთაშორისო განვითარების სააგენტოს (USAID) დაფინანსებით ახორციელებს ორგანიზაცია PH-International, სიქა წარმოადგენს პროგრამის პარტნიორს ქვემო ქართლის რეგიონში.

Saturday, November 30, 2013

ENO - კლუბი აგრძელებს გარემოსდაცვით კლუბში ახალგაზრდების მიღებას

ENO - კლუბი აგრძელებს გარემოსდაცვით კლუბში ახალგაზრდების მიღებას. კლუბში მუშაობისას 11-14 წლის მოსწავლეები აიმაღლებენ ცნობიერებას თემსა და თემის გარეთ არსებული გარემოს შესახებ. შეხვედრები არაფორმალური განათლების მეთოდით წარიმართება ეკოლოგიური პრობლემების შესწავლის და მათი მოგვარების გზების გამოსავლენად. კლუბის მონაწილეები შეასრულებენ პროგრამით გათვალისწინებულ სხვადასხვა დავალებებს. ჩაატარებენ კვლევებსა და აქტივობებს.
პროგრამაზე მუშაობისა დროს მოსწავლეები განივითარებენ პრეზენტაციის, კვლევის, კომუნიკაციის, აქტივობების დაგეგმვისა და განხორციელების, სოციალური მედიის გამოყენების უნარებს. კლუბში გაწევრიანებისათვის დაინტერესებულ პირებმა უნდა შეავსონ ონლაინ სარეგისტრაციო ფორმა
http://webanketa.com/forms/6mv3cd1h5wvkjcv665h3cd0/

ინგლისური ენის ხელმისაწვდომობის სასტიპენდიო პროგრამა - ACCESS მონაწილეებმა მადლიერების დღე აღნიშნეს

28 ნოემბერს ინგლისური ენის ხელმისაწვდომობის სასტიპენდიო პროგრამა -ACCESS მონაწილეებმა მორიგ სესიაზე სიქა-ს ევროპელ და ამერიკელ მოხალისეებთან ერთად აღნიშნეს მადლიერების დღე. მოსწავლეები აქტიურად იყვნენ ჩართულნი ინტერაქტიულ და სახალისო აქტივობებში. დასასრულს შექმნეს ლამაზი მადლიერების ხე, რომელიც მორთეს თავიანთი სურვილების შეტყობინებებით "მე მადლიერი ვარ ...".

On November 28, one more unforgettable Enrichment Session was organised by the English Access Microscholarship Program - Georgia/Rustavi, SIQA. The students were actively involved into the number of interactive and fun activities. They have summarized information about Thanksgiving Day after Power Point Presentation provided by Peace Corp volunteer. They have also completed crossword, learned new vocabulary, but at the end of the session they have created beautiful Thanksgiving Tree and decorated it with their "I am thankful for" messages. All these activities were conducted by Access ELT in cooperation with volunteers from Europe.
We are really thankful for the unique chance to be a part of the big Access family!

ახალგაზრდული ფორუმი წალკაში

სიქა-ს ორგანიზებით 28 ნოემბერს წალკის #1 საჯარო სკოლის სააქტო დარბაზში გაიმართა ახალგაზრდული ფორუმი, რომელშიც მონაწილეობა მიიღო სასკოლო სამოქალაქო კლუბების მოსწავლეებმა და სამოქალაქო განათლების პედაგოგებმა წალკის მუნიციპალიტეტის 8 პარტნიორი სკოლიდან. ეს სკოლები ჩართულნი არიან სამოქალაქო განათლებისა და პედაგოგთა გადამზადების პროგრამაში, რომელიც USAID-ის დაფინანსებით PH International-ის მიერ ხორციელდება მთელ საქართველოში. სიქა წარმოადგენს პროგრამის პარტნიორ ორგანიზაციას ქვემო ქართლის რეგიონში.
ახალგაზრდული ფორუმის მიზანია მოსწავლეთა აქტიური მონაწილეობით თემის ადგილობრივი საჭიროებების კვლევა, პრობლემის გადაჭრის გზების ძიება, რეკომენდაციების შემუშავება და თანამშრომლობა გადაწყვეტილების მიმღებ პირებთან.
ფორუმზე ახალგაზრდებმა შეიმუშავეს პროექტები მუნიციპალიტეტში არსებული ორი დიდი პრობლემის მოგვარებისათვის - წალკასთან ნაგავსაყრელის მოწესრიგებისა და წალკის სოფლებში საგზაო ნიშნების საშუალებით გზებზე უსაფრთხო გადაადგილების პრობლემებზე.
შემუშავებული პროექტები სკოლების აქტიურმა უფროსკლასებელმა წარუდგინეს წალკის გამგეობის თანამშრომლებს - გამგეობის სამსახურის უფროსს, ჯანდაცვისა და კულტურის სამსახურების ხელმძღვანელებს. შეხვედრას ასევე ესწრებოდა ადგილობრივი მედია - გაზეთ "თრიალეთის ექსპრესის" ჟურნალისტი.
მოწვეულმა სტუმრებმა მოიწონეს ახალგაზრდების ინიციატივები. დაისახა თანამშრომლობის გზები პრობლემების მოგვარებისათვის. დეკემბრის თვეში დაიგეგმა წალკის გამგეობასთან სასკოლო სამოქალაქო კლუბების წევრების შეხვედრა აღნიშნული თემების ირგვლივ კონკრეტული ნაბიჯების დასაგეგმად.

Tuesday, November 26, 2013

პროექტის "მეგობრული გზები" პრეზენტაცია რუსთავის სასკოლო სამოქალაქო კლუბებისთვის

25 ნოემბერს სიქა-ს ორგანიზებით, გაიმართა პროექტის "მეგობრული გზები" პრეზენტაცია. პრეზენტაციას უძღვებოდა ფონდის „პარტნიორობა საგზაო უსაფრთხოებისთვის“ დირექტორი ირაკლი იზორია. პროექტი „მეგობრული გზები“ ითვალისწინებს ვებ-პორტალის შექმნას, რომლის მეშვეობითაც საქართველოში მცხოვრები ადამიანები მოკლე ტექსტური შეტყობინების სახით გააგზავნიან ინფორმაციას (ფოტო, ვიდეო) მათთვის საშიში ადგილის შესახებ (მაგალითად, ადგილის შესახებ, სადაც ხშირად ხდება ავტო საგზაო შემთხვევა, გზა და ინფრასტრუქტურაა გამოსასწორებელი, სხვ.). აღნიშნული ინფორმაცია ავტომატიზირებულ რეჟიმში სპეციალურად შექმნილ ონლაინ რუქაზე აისახება, რომელიც ხელმისაწვდომი იქნება ყველა დაინტერესებული პირისთვის.
2012 წელს საქართველოში 605 ადამიანი დაიღუპა და 7734 ათასი ადიამიანი დაშავდა საქართველოს გზებზე ავტო ავარიის შედეგად, რაც არის ახალგაზრდა ადამიანების გარდაცვალების ერთ-ერთი ძირითადი მიზეზი.
რუსთავის სასკოლო სამოქალაქო კლუბების წევრებმა უკვე არაერთი ღონისძიება გამართეს გზებზე უსაფრთხო გადაადგილების თემაზე. მოსწავლეთა თხოვნის საფუძველზე ფონდმა "პარტნიორობა საგზაო უსაფრთხოებისათვის" რუსთაველ აქტიურ ახალგაზრდებს შესთავაზა გზებზე უსაფრთხო მოძრაობის შესახებ ტრენინგის გავლა, რის შემდეგაც ისინი შეძლებენ თანატოლებისა და თემის წევრებისათვის ჩაატარონ სემინარები აღნიშნულ თემაზე.

Monday, November 25, 2013

რუსთავისა და ბოლნისის სასკოლო სამოქალაქო კლუბების აქტიური წევრები საზოგადოებრივი ტელევიზიაში Etanews.ge-ს პრეზენტაციას დაესწრნენ

სიქა-ს ორგანიზებით 23 ნოემბერს რუსთავისა და ბოლნისის სასკოლო სამოქალაქო კლუბების აქტიური წევრები საზოგადოებრივი ტელევიზიაში Etanews.ge-ს პრეზენტაციას დაესწრნენ. Etanews.ge-ს ეს არის საინფორმაციო პორტალი, რომელზეც სიახლეების განთავსება დარეგისტრირების შემთხვევაში ნებისმიერ მსურველს შეუძლია. შეხვედრაზე აღნიშნული პროექტის მენეჯერმა პავლე თვალიაშვილმა მონაწილეებს პროექტის ძირითადი დანიშნულება და მიზანი გააცნო. ახალგაზრდებმა დეტალური ინფორმაცია მიიღეს თუ როგორ შეუძლიათ პროექტში ჩართვა.
სამოქალაქო კლუბების წევრები აქტიურად ჩაერთვნენ შეხვედრის მიმდინარეობაში, აუდიტორიას გააცნეს საკუთარი კლუბების ბლოგები და გამოთქვეს სურვილი აქტიურად ითანამშრომლონ Etanews.ge-ს რედაქციასთან და გახდნენ საიტის სტაჟიორები, შემდეგში კორესპოდენტები.
ახალგაზრდები საინფორმაციო პორტალის მეშვეობით საზოგადოებას მიაწვდიან ინფორმაციას მათ რეგიონში მიმდინარე საინტერესო ამბებისა და არსებული პრობლემების შესახებ.
პროექტში მონაწილეობა ახალგაზრდებს დაეხმარებათ განივითარონ დაკვირვებისა და წერის, რეპორტინგის უნარი. შეხვდნენ საინტერესო ადამიანებს, გახდნენ კიდევ უფრო აქტიურები და მეტად ჩაერთონ საზოგადოებრივ ცხოვრებაში.
შეხვედრაზე მიღებულ ინფორმაციას მონაწილეები კლუბის სხვა წევრებსაც გაუზიარებენ.

Sunday, November 24, 2013

A special guests of Access students

On November 22, English Access Microscholarship Program/Georgia, Rustavi hosted Jerrold Frank, Regional English Language Offiser (RELO) for Ukraine, Georgia, Azerbaijan, Armenia, Belarus and Moldova and Lika Gumberidze, English Language Programs Coordinator from the US Embassy Tbilisi, Georgia. Our special guests have attended scheduled Enrichment Session that was devoted to the students future career preferences - "Access to my future success". During the lesson were used some inovative language teaching technics, such as pair work, collaborative learning through group work, using authentic materials, contextualization, peer checking and other. The session was important not only by its topic, but also by the reason that the learners have had a chance to communicate with English Language teaching experts. At the end of the Enrichment Session, Access students were able to present their future job preferences and identify their interests orally and in writing. They have also summarized skills that must be developed for their successful future.

Wednesday, November 20, 2013

სიქა-ს კონფერენცია თემაზე მცირე საგრანტო პროექტების გავლენა ახალგაზრდებში სამეწარმეო კომპეტენციების გაზრდაზე


2013 წლის 18 ნოემბერს სიქა- საგანმანათლებლო ინიციატივების ქართული ასოციაცის ორგანიზებით საქართველოს სპორტისა და ახალგაზრდობის საქმეთა სამინისტროს დარბაზში მოეწყო კონფერენცია, რომლის თემა გახლდათ მცირე საგრანტო პროექტების გავლენა ახალგაზრდებში სამეწარმეო კომპეტენციების გაზრდაზე.
სიქა- საგანმანათლებლო ინიციატივების ქართული ასოციაციის მიერ 2013 წლის მაის-ივნისში ჩატარდა კვლევა რათა დადგენილიყო, თუ როგორ იცვლება საკვანძო კომპეტენციები, კერძოდ ინიციატივისა და მეწარმეობის კომპეტენცია ახალგაზრდებში (18 წლის ზევით), მცირე საგრანტო პროექტების მმართველ ჯგუფში მონაწილეობის შემდეგ. კვლევის ერთ-ერთ მიზანს ასევე წარმოადგენდა იმის განსაზღვრა, როგორ ვითარდება ახალგაზრდა მას შემდეგ, რაც ის იწყებს მცირე საგრანტო პროექტებში მონაწილეობას და რამდენად გააზრებული აქვთ ახალგაზრდებს პროექტების არსი და გავლენა.
კონფერენციაზე კვლევის პროექტზე მომუშავე გუნდმა ილია სახელობის უნივერისტეტის დოქტორანტ პავლე თვალიაშვილის ხელმძღვანელობით, დამსწრე საზოგადოებას მიაწოდა ინფორმაცია პროექტის შესახებ, გააცნო კვლევის შედეგები და შემუშავებული რეკომენდაციები, რომლებიც განხილვისათვის გადაეცემა საქართველოს პარლამენტს. 
საერთაშორისო ორგანიზაცია World Vision International-ის წარმომადგენელმა ნანა ბერძენიშვილმა აღნიშნა, რომ ძალიან მნიშვნელოვანია, იმისათვის რომ საქართველოს ყველა რეგიონის მუნიციპალიტეტების ახალგაზრდებმა მიიღონ საგრანტო პროექტების გამოცდილება, მცირე პროექტების გრანტების გაცემა ხდებოდეს ადგილობრივად, მუნიციპალიტეტების თვითმმართველობების დონეზე. 

Monday, November 18, 2013

რუსთავის სასკოლო სამოქალაქო კლუბების წევრებმა საგზაო-სატრანსპორტო შემთხვევების მსხვერპლთა საერთაშორისო დღეს სათემო აქტივობა განახორციელეს

17 ნოემბერს, სიქა-ს ორგანიზებით,  რუსთავის შვიდი  სამოქალაქო კლუბის 30-მა წევრმა ავტო-კატასტროფებში დაღუპულთა ხსოვნის საერთაშორისო დღე აღნიშნა.
ღონისძიება ორ ნაწილისაგან შედგებოდა,  პირველ ნაწილში ქ. რუსთავის #26 და #2 საჯარო სკოლების სამოქალაქო კლუბების წევრებმა  აუდიტორიისთვის წარადგინეს მათ მიერ მომზადებული  პრეზენტაციები.
რუსთავის #26 სკოლის კლუბის  წევრებმა აუდიტორიას წარუდგინეს მათ მიერ მოპოვებული ბოლო წლების სტატისტიკური მონაცემები ავტო საგზაო შემთხვევების შესახებ. წარმოდგენილი იყო მთავარი გზავნილები, რომელთა  გათვალისწინებითაც შესაძლებელია მსგავი შემთხვევების თავიდან აცილება. ასევე ნაჩვენები იქნა მოსწავლეების მიერ მომზადებული ვიდეო, სადაც ქალაქის მაცხოვრებლები უხეშად არღვევენ გზაზე გადასვლის წესებს. მაშინ როდესაც ქალაქში არის ე.წ. ზებრა გადასასვლელები, ღილაკიანი შუქნიშანი და დაჯარიმების საშიშროებაც.
ქ. რუსთავის  #2 საჯარო სკოლის კლუბის წევრებმა  აჩვენეს ასევე მათ მიერ მომზადებული ორი  ვიდეო, პირველი ეხებოდა  მოტოციკლეტით მგზავრობისას ავარიის მაღალ რისკებს. ნაჩვენები იყო  ბოლო თვეებში მომხდარი უბედური შემთხვევები, ხოლო მეორე ვიდეო ასახავდა მათ მიერ ჩატარებული გამოკითხვას.
ღონისძიების მეორე ნაწილში, სასკოლო სამოქალაქო კლუბების წევრებმა  საინფორმაციო პლაკატებით მოეწყვეს  ქუჩაში მსვლელობა. ღონისძიების მონაწილე თემის წევრებმა აღნიშნეს, რომ ძალიან დროული და აქტუალურია, ავტომანქანების  გაზრდილი  რაოდენობის ფონზე, მოსახლეობას შევახსენოთ საგზაო შემთხვევების რისკების შესახებ, მოვუწოდოთ მოქალაქეებს დაიცვან მეტი სიფრთხილე გზებზე ქვეითად თუ ავტომანქანით მოძრაობის დროს.  მოსწავლეებმა თემში ასევე გაავრცელეს მოძრაობა „საჭესთან ფხიზლად“  მიერ მომზადებული სტიკერები.
საგზაო-სატრანსპორტო შემთხვევების მსხვერპლთა საერთაშორისო დღე 2005 წლიდან აღინიშნება. 2005 წლის 26 ოქტომბერს გაეროს ასამბლეამ მიიღო რეზოლუცია და შესთავაზა გაეროს წევრ ქვეყნებსა და საერთაშორისო საზოგადოებას, რომ ყოველწლიურად ნოემბრის მესამე კვირას პატივი მიაგონ საგზაო-სატრანსპორტო შემთხვევების მსხვერპლთა ხსოვნას და უთანაგრძნონ მათ ოჯახებს.
ქ. რუსთავში ორგანიზებულ  ღონისძიებაში დიდი ენთუზიაზმით იყვნენ ჩართულები ქალაქის რუსთავის #1, #2, #9, #11,#20, #21 და #26 საჯარო სკოლების სამოქალაქო კლუბების წევრები.

Friday, November 15, 2013

მზადება საგზაო-სატრანსპორტო შემთხვევების მსხვერპლთა ხსოვნის საერთაშორისო დღისადმი მიძღვნილი ღონისძიებისათვის

15 ნოემბერს სიქა-ს ოფისში შეიკრიბნენ რუსთავის #2, #11 და #21 საჯარო სკოლების სამოქალაქო კლუბების აქტიური წევრები და დაიწყეს მზადება 17 ნოემბრის ღონისძიებისათვის, რომელიც საგზაო-სატრანსპორტო შემთხვევების მსხვერპლთა ხსოვნის საერთაშორისო დღეს ეძღვნება. მოსწავლეებმა დაამზადეს პლაკატები, რომლებსაც გამოფენენ დაგეგმილ აქციაზე. 
საგზაო-სატრანსპორტო შემთხვევების მსხვერპლთა საერთაშორისო დღე 2005 წლიდან აღინიშნება.  2005 წლის 26 ოქტომბერს გაეროს ასამბლეამ მიიღო რეზოლუცია და შესთავაზა გაეროს წევრ ქვეყნებსა და საერთაშორისო საზოგადოებას, რომ ყოველწლიურად ნოემბრის მესამე კვირას პატივი მიაგონ საგზაო-სატრანსპორტო შემთხვევების მსხვერპლთა ხსოვნას და უთანაგრძნონ მათ ოჯახებს.
17 ნოემბრის ღონისძიება ეწყობა "სამოქალაქო განათლებისა და პედაგოგთა გადამზადების პროგრამის" ფარგლებში, რომელშიც მონაწილეობას მიიღებენ რუსთავის სასკოლო სამოქალაქო კლუბები.

Thursday, November 14, 2013

სიქა-ს კონფერენცია საქართველოს სპორტისა და ახალგაზრდობის საქმეთა სამინისტროში

ორშაბათს, 18 ნოემბერს 17:30 სთ-ზე სიქა - საგანმანათლებლო ინიციატივების ქართული ასოციაცია ორგანიზებას უკეთებს კონფერენციას, რომლის თემაა მცირე საგრანტო პროექტების გავლენა ახალგაზრდებში სამეწარმეო კომპეტენციების გაზრდაზე.
კონფერენცია მოეწყობა საქართველოს სპორტისა და ახალგაზრდობის საქმეთა სამინისტროს შენობაში.
სიქა- საგანმანათლებლო ინიციატივების ქართული ასოციაციის მიერ 2013 წლის მაის-ივნისში ჩატარდა კვლევა, რათა დაგვედგინა, როგორ იცვლება საკვანძო კომპეტენციები, კერძოდ ინიციატივისა და მეწარმეობის კომპეტენცია ახალგაზრდებში (18 წლის ზევით), მცირე საგრანტო პროექტების მმართველ ჯგუფში მონაწილეობის შემდეგ. ასევე გაგვეგო, როგორ ვითარდება ახალგაზრდა მას შემდეგ, რაც ის იწყებს მცირე საგრანტო პროექტებში მონაწილეობას და რამდენად გააზრებული აქვთ ახალგაზრდებს პროექტების არსი და გავლენა.
კვლევა ჩატადა პროექტის "პროგრამა არასამთავრობო სექტორსა და საქართველოს პარლამენტს შორის საჯარო პოლიტიკაზე დიალოგის ხარისხის გაუმჯობესებისთვის " - ფარგლებში. პროექტს ახორციელებს ვესტმინსტერის დემოკრატიის ფონდი, პროექტის პარტნიორი ორგანიზაციებია ესექსის უნივერსიტეტი, ტომსონ როიტერის ფონდი და საია.
კონფერენციაზე განხილული იქნება კვლევის შედეგებზე გაკეთებული დასკვნები, რომლებიც უახლოეს მომავალში რეკომენდაციის სახით გადაეცემა პარლამენტს.
 

Wednesday, November 13, 2013

სამოქალაქო კლუბების წევრები სტაჟირებას გადიან


სამოქალაქო განათლებისა და პედაგოგთა გადამზადების პროგრამის ფარგლებში ქვემო ქართლში აქტიურად მიმდინარეობს სტაჟირების პროგრამაც.
პროგრამის მეოთხე წელს, 2013 წლის ნოემბერში, ქვემო ქართლში პროგრამის პარტნიორი ორგანიზაციის სიქა-ს ორგანიზებით, სასკოლო სამოქალაქო კლუბების 14 წევრი სტაჟირების პროგრამით მუშაობს რეგიონის სხვადასხვა დაწესებულებებში.
რუსთავის ოთხი საჯარო სკოლის მოსწავლეები (რუსთავის # 12, #15, #17 და #20) სტაჟირების პროგრამით მუშაობენ რუსთავის იუსტიციის სახლში. ხოლო მარნეულის #5 და #8 საჯარო სკოლების ქართველი და აზერბაიჯანელი მოსწავლეები კი სტაჟირებას მარნეულის იუსტიციის სახლში გადიან. საერთო ჯამში იუსტიციის სახლებში სტაჟირების პროგრამით 12 მოსწავლე მუშაობს. მოსწავლეები იუსტიციის სახლების შესასვლელებში ეგებებიან მომხმარებლებს, ეხმარებიან მათ ფოტო ჯიხურთან საჭირო სერვისის მიღებაში და ამისამართებენ მათთვის საჭირო სივრცეში. მოსწავლეებისათვის ეს ძალიან საინტერესო გამოცდილებაა.
რუსთავის #1 და #22 სკოლის მოსწავლეები კი სტაჟირებას გადიან მსოფლიო ენების აკადემიაში ოფის მენეჯერის პოზიციაზე. მოსწავლები ეუფლებიან საორგანიზაციო საკითხების მართვის კულტურას.
ჯული მამუკელაშვილი, ქ. რუსთავის სსიპ #15 საჯარო სკოლის მოსწავლე: იუსტიციის სახლში თითოეულ ჩვენგანს უვითარდებაა თავაზიანობის , შრომისმოყვარეობის და სხვა მრავალი დადებითი თვისება. ვფიქრობ რომ ყველა ეს ჩვენ მიერ არჩეულ პროფესიაში გამოგვადგება.
ქრისტინე ნოზაძე, ქ. რუსთავის სსიპ #15 საჯარო სკოლის მოსწავლე: სტაჟირების პროგრამა პირველ რიგში მრავალფეროვანია, იგი მივითარებს კომუნიკაბელურობის უნარს, ვსწავლობ ადამიანებთან ურთიერთობასა და თანამშრომლობას. ასევე ძალიან მნიშვნელოვანია ადამიანებთან მიდგომა, რომელსაც იუსტიციის სახლში ვიყენებთ: თავაზიანობა დაკვირვებულობა და ა.შ. ვფიქრობ ეს უნარები და გამოცდილება სამომავლოდ გამომადგება

შეხვედრა რუსთავის #11 საჯარო სკოლის სამოქალაქო კლუბის ახალ შემადგენლობასთან

სამოქალაქო განათლებისა და პედაგოგთა გადამზადების პროგრამის ფარგლებში სიქას წარმომადგენელი ანი ციცქიშვილი რუსთავის #11 საჯარო სკოლის მე-9 კლასის მოსწავლეებს შეხვდა. 
შეხვედრაზე მოსწავლეები გაეცვნენ პროგრამის მიმდინარეობასა და პრიორიტეტებს.
იმის გამო, რომ აღნიშნულ სკოლაში სამოქალაქო კლუბმა დროებით შეწყვიტა ფუნქციონირება, მე-9 კლასელებმა გამოთქვეს სურვილი გააქტიურონ კლუბი. მოსწავლეებმა დეტალური ინფორმაცია მიიღეს სამოქალაქო კლუბის დანიშნულების შესახებ, მუშაობის სტილის შესახებ, თუ რა აქტივობები უნდა აკეთოს კლუბმა.
ამავე შეხვედრაზე მოსწავლეებმა უკვე დაგეგმეს კლუბის პირველი შეხვედრა და ჩამოწერეს ის სავარაუდო აქტივობები, რომელსაც კლუბის წევრები მუშაობის დაწყებისთანავე განახორციელებენ.
კლუბის წევრები ქალაქში არსებული პრობლემების დიაგნოსტიკისთვის პირველ ეტაპზე მოსახლეობის გამოკითხვას გეგმავენ, რის შემდეგაც იმ პრობლემებზე მუშაობას დაიწყებენ, რომლის მოგვარებაც თვითმმართველობასთან თანამშორმლობით შეუძლიათ.

Friday, November 8, 2013

ტრენინგი ბოლნისის სამოქალაქო კლუბებისთვის

8 ნოემბერს ბოლნისის #1 საჯარო სკოლის სააქტო დარბაზში სიქას ორგანიზებით ჩატარდა ტრენინგი თემაზე „როგორ დავგეგმოთ სამოქალაქო აქტივობა“.
ტრენინგს ესწრებოდა ბოლნისის #1, #5 და რატევანის საჯარო სკოლების სამოქალაქო კლუბების 28 წევრი.
ტრენინგის მიზანი იყო, მოსწავლეებს მიეღოთ ინფორმაცია ღონისძიების დაგეგმვის, მომზადების, წარდგენის და შეფასების ეტაპებზე.
ინფორმაციული ნაწილის გაცნობის შემდეგ მონაწილეებმა დაგეგმეს 3 ღონისძიება, რომელსაც დეკემბრის ბოლომდე ჩაატარებენ. თითო სკოლამ დაგეგმა თითო ღონისძიება:
  • ბოლნისის #1  საჯარო სკოლა - ღონისძიების თემა: ტოლერანტობა (16 ნოემბერი);
  • რატევანის საჯარო სკოლა - ღონისძიების თემა: აივ–შიდსი (1 დეკემბერი);
  • ბოლნისის #5 საჯარო სკოლა - ღონისძიების თემა: ტრეფიკინგი (2 დეკემბერი);
სიქა მომავალშიც გეგმავს მსგავს ტრენინგებს სასკოლო სამოქალაქო კლუბებისთვის.
ტრენინგი ჩატარდა "სამოქალაქო განატლებისა და პედაგოგთა გადამზადების პროგრამის" ფარგლებში, რომელსაც აშშ საერთაშორისო განვითარების სააგენტოს (USAID) დაფინანსებით ახორციელებს ორგანიზაცია  PH International. სიქა წარმოადგენს პროგრამის პარტნიორს ქვემო ქართლის რეგიონში

რუსთავის სამოქალაქო კლუბის წევრები ქალაქის მერის მოადგილეს გიგი ტაბატაძეს შეხვდნენ

7 ნოემბერს რუსთავის სკოლების სამოქალაქო კლუბების აქტიურ წევრებს რუსთავის მერიის სათათბირო დარბაზში მერის პირველმა მოადგილემ გიგი ტაბატაძემ უმასპინძლა. შეხვედრის მთავარი თემა რუსთავში ლეონიძის სახელობის პარკის რეაბილიტაციის პროექტი იყო.
გაზაფხულზე გამართული ახალგაზრდული ფორუმის მონაწილე მოსწავლეთა ერთ-ერთმა საინიციატივო ჯგუფმა სწორედ ამ პარკის რეაბილიტაციის პროექტი შეიმუშავა, რომელიც ქალაქის მერიის წარმომადგენლებს წარუდგინა. მოსწავლეებმა  ინიციატივაზე მერიისგან დადებითი პასუხი მიიღეს. მალევე პარკის რეაბილიტაციის პროექტზე ტენდერი გამოაცხადა. სატენდერო განაცხადები მერიის მოადგილემ გიგი ტაბატაძემ და საკრებულოს თავმჯდომარის მოადილემ ლეილა აფციაურმა მოსწავლეებთან ერთად განიხილეს და გამარჯვებული ერთად გამოავლინეს.
გასულ კვირას პარკის სარეაბილიტაციო სამუშაოები დაიწყო. მოსწავლეებმა ადგილზე დაათვალიერეს მიმდინარე სამუშაოები და მერიის მოადგილესთან ერთად კიდევ ერთხელ მიმოიხილეს პროექტის პუნქტები.  პროექტის ფარგლებში პარკში დაიგება სავალი ბილიკები, დამონტაჟდება სკამები, ურნები და სანათები, მოპირკეთდება ტროტუარი, დაიდგმება სიმბოლური ნატვრის ხე, გამწვანდება მიმდებარე ტერიტორია,  პარკის უსაფრთხოებაზე დაცვა იზრუნებს.
ამავე შეხვედრაზე დაიგეგმა 23 ნოემბრის გამწვანების აქცია, რომლის ფარგლებშიც მერიის წარმომადგენლები და სამოქალაქო კლუბების წევრები პარკის ტერიტორიაზე  100 ძირ ხეს ერთად დარგავენ.
შეხვედრაზე გიგი ტაბატაძემ მოსწავლეებს ქალაქში მიმდინარე სხვა პროექტებიც გააცნო.
შეხვედრის დიდი ნაწილი იმ პრობლემებზე საუბარს და მსჯელობას დაეთმო, რომელიც რუსთავის მოსახლეობას აწუხებს.  მოსწავლეებმა ყურადღება გაამახვილეს შემდეგი სახის პრობლემებზე: საგზაო ნიშნების ნაკლებობა, ტრანსპორტის მოუწესრიგებელი მოძრაობა, კორპუსებში არსებული ნაგვის ბუნკერები, მიმანიშნებელი აბრების არ არსებობა კორპუსებზე, დაზიანებული სანიაღვრე ჭები და სხვა.
მერის მოდგილემ მოსწავლეებს  პრობლემების ნაწილის ერთად მოგვარება შესთავაზა. რამდენიმე პრობლემა კი ამ ეტაპისთვის მოუგვარებელი  რჩება.
შეხვედრის დასასრულს სხვადასხვა ინიციატივებსა და პრობლემებზე სამუშაოდ შეხვედრები დაიგეგმა მერიის შესაბამის სამსახურების წარმომადგენლებთან.
მოსწავლეები მოსახლეობის პრობლემების მოსაგვარებლად აქტიურად განაგრძობენ ადვოკატირების პროცესს ქალაქის თვითმმართველობასთან.
შეხვედრას რუსთავის 12 სკოლის სამოქალაქო კლუბების 18 წევრი დაესწრო. 
ვიზიტი ორგანიზებული იყო სიქა-ს მიერ "სამოქალაქო განათლებისა და პედაგოგთა გადამზადების პროგრამის" ფარგლებში, რომელსაც აშშ საერთაშორისო განვითარების სააგენტოს (USAID) დაფინანსებით ახორციელებს ორგანიზაცია PH International. სიქა წარმოადგენს პროგრამის პარტნიორს ქვემო ქართლის რეგიონში.

Thursday, November 7, 2013

შეხვედრა სპორტსმენ პალიკო ჯიმშელაძესთან

6 ნოემბერს რუსთავის დემოკრატიული ჩართულობის ცენტრში სიქა-ს ორგანიზებით რუსთავისა და მარტყოფის სკოლების სამოქალაქო კლუბის წევრები შეხვდნენ წარმატებულ სპორტსმენს, ყოფილ რაგბისტს, ამჟამად რუსთავის რაგბის ნაკრების მწვრთნელს პალიკო ჯიმშელაძეს.
შეხვედრის დასაწყისში სპორტსმენი მოსწავლეებს გაეცნო და საკუთარი მოღვაწეობაზე ისაუბრა, რის შემდეგაც დისკუსია გაიმართა ცხოვრების ჯანსაღი წესის შესახებ: რატომ უნდა ვიცხოვროთ აქტიური ცხოვრებით და რა როლს თამაშობს სწორი კვება ადამიანის ჯანმრთელობაში.
სპორტსმენმა მიზნის მიღწევის გზებზეც ისაუბრა.  მოსწავლეებს ურჩია, აირჩიონ ის პროფესია და საქმიანობა, რომელიც მათ ნამდვილად სურთ, რადგან სურვილისა და მოტივაციის გარეშე, ძალით გაკეთებული საქმე მხოლოდ 50% -ით შესრულდება და შესაბამისად არც სრულყოფილი იქნება. მიზნის მისაღწევად კი დაუზოგავი შრომისკენ მოუწოდა.

Monday, November 4, 2013

თანასწორთა განათლების ტრენინგები სიქაში

01.11.2013/ 02.11.2013/03.11.2013 –ის პერიოდში ქ. რუსთავში სიქა – საგანმანათლებლო ინიციატივების ქართული ასოციაციის ოფისში გაიმართა 3 დღიანი ტრენინგი თანასწორთა განმანათლებლებისთვის.
ტრენინგის თემატიკა იყო: ეფექტური კომუნიკაცია, აივ/შიდსი და კონსულტირება, თანასწორთა განათლების მნიშვნელობა და თანასწორთა განმანათლებლების ფუნქციები.
ტრენინგი ჩატარდა ინტერაქტიულად, მონაწილეები აქტიურად იყვნენ ჩართულები  ტრენინგის მიმდინარეობაში. მათ მიიღეს საჭირო ინფორმაცია და როლური სავარჯიშოების დახმარებით გაივარჯიშეს ის უნარები, რომელიც მათ უნდა გამოიყენონ მუშაობის პროცესში.
ტრენინგს ესწრებოდა 10 თანასწორგანმანათლებელი.

Friday, November 1, 2013

Halloween დღე სიქაში

ACCESS- სიქა-ში მიმდინარე ინგლისური ენის ხელმისაწვდომობის პროგრამის მონაწილეებმა სიქას ევროპელ და ამერიკელ მოხალისეებთან ერთად Halloween დღე აღნიშნეს.


Our stunning Halloween Party took place on October 31! This is another Enrichment Session organized by English Access Microscholarship Program - Georgia/Rustavi, SIQA in cooperation with the US Peace Corp and EVS volunteers from Poland and facilitated by Access English Language Teacher. Should be emphasized Access students strong motivation and great attitude! They've learned a lot through the fun interactive activities. After Power Point Presentation and video session the learners were actively involved into the brief discussion. They've also completed some tasks with additional printable materials. At the end of the session, coordinated by the volunteers, Access students created absolutely marvelous Halloween compositions and have made oral presentation on what they've learned.

Sunday, October 27, 2013

ENO-კლუბის პირველი შეხვედრა

25 ოქტომბერს შედგა ახალგაზრდული გარემოსდაცვით ENO - კლუბის პირველი შეხვედრა. კლუბში გაწევრიანებული არიან 10-14 წლის მოსწავლეები, ყოველკვირეული საკლუბო შეხვედრების განმავლობაში არაფორმალური განათლების გზით მოსწავლეები გაიუმჯობესებენ საკომუნიკაციო, საპრეზენტაციო და სხვა კომპეტენციებს, დაგეგმავენ და განახორციელებენ გარემოსდაცვით აქტივობებს.

Wednesday, October 23, 2013

სემინარი FIRST AID რუსთავის სასკოლო სამოქალაქო კლუბების წევრებისათვის

22 ოქტომბერს სიქას რუმინელმა მოხალისემ, რუსთავის სასკოლო სამოქალაქო კლუბების წევრებისათვის ჩაატარა სემინარი FIRST AID, სადაც მან მოკლედ განიხილა პირველადი სამედიცინო დახმარების ძირითადი მეთოდები, თემები. მოხალისე სამოქალაქო კლუბების წევრებს ესაუბრა იმის შესახებ თუ როგორ უნდა მოიქცნენ მოტეხილობისას, კანის ზედაპირის დაზიანებისას, გულის წასვლისას და შოკური მდგომარეობისას, მოხალისემ ასევე განიხილა  გულის შეტევა და ეპილეფსია, გამოკვეთა ამ დაავადებათა ძირითადი სიმპტომები და ამ დაავადების მქონე ადამიანისათვის პირველადი გადაუდებელი დახმარების გაწევის მეთოდები.
სემინარი საინტერესო გამოვიდა, იყო საკმაოდ ინტერაქტიული და თემატური სავარჯიშოებით დატვირთული. სემინარის დასრულების შემდგომ მონაწილეებს დაურიგდათ ბროშურები პირველადი სამედიცინო დახმარების აღმოჩენის შესახებ. მოხალისემ მათ შესთავაზა როლური თამაში და თავად მონაწილეებმა თავიანთი სურვილისამებრ გაუწიეს ერთმანეთს პირველადი სამედიცინო დახმარება.

Tuesday, October 22, 2013

მიმდინარეობს ახალგაზრდულ გაცვლით პროექტში "Migration is not a crime" სიქა-ს დელეგაციის დაკომპლექტება

გაცნობებთ, რომ 2014 წლის 8-16 აპრილს მაკედონიაში დაგეგმილია ახალგაზრდული გაცვლითი პროექტი "Migration is not a crime". პროექტის მთავარი თემაა ახალგაზრდების მიგრაცია, მისი ხელშემწყობი ფაქტორები, მიგრაციის დადებითი და უარყოფითი მხარეები. პროექტში მონაწილეობას იღებენ შვიდი ევროპული ქვეყნის 35 ახალგაზრდა, თითოეული ქვეყნიდან 4 (18-25 წლის) ახალგაზრდა და ერთი ლიდერი. სიქა-ს, როგორც პროგრამის პარტნიორი ორგანიზაციის დელეგაციის დაკომპლექტება დასრულდება ოქტომბრის ბოლოს. 30 ოქტომბრამდე ველით პროექტში მონაწილეობით დაინტერესებული ახალგაზრდების გამოხმაურებას, მოგვაწოდეთ თქვენი CV და სამოტივაციო წერილი მაილზე siqa.org@gmail.com   subject-ში მიუთითეთ "Migration is not a crime". შერჩეულ კანდიდატებს დავუკავშირდებით. პროექტი ხორციელდება პროგრამის "ახალგაზრდები მოქმედებაში" ფარგლებში, ანაზღაურდება გზის ხარჯის 70%. პროექტის განმავლობაში ცხოვრება და ტრენინგები დაფინანსებულია 100%S.

სიქა-ს მოხალისეები მონაწილეობენ პროექტში ''The Rocky Road To Peace''

21 ოქტომბერს სიქას ახალგაზრდული დელეგაცია სომხეთს ეწვია პროექტში ''The Rocky Road To Peace'' მონაწილეობის მისაღებად. პროექტი ხორციელდება პროგრამა "ახალგაზრდები მოქმედებაში" - "Youth in Action" ფარგლებში. 40 ახალგზრდა რვა ევროპული ქვეყნიდან ათი დღის განმავლობაში დაესწრება ტრეინინგებსა და სამუშაო შეხვედრებს, რომელთა მთავარი თემა კონფლიქტების მოგვარება და მშვიდობის შენებაა.

Sunday, October 20, 2013

ტრენინგი ეფექტური კომუნიკაციის შესახებ

20 ოქტომბერს ჩატარდა კლუბის "უნარები პროფესიული წარმატებისათვის" მეორე ტრენინგი. ტრენინგზე განიხილეს ეფექტური კომუნიკაციის წარმართვისათვის მნიშვნელოვანი ფაქტორები - აქტიური მოსმენა და ყურადღება, უკონფლიქტო კომუნიკაციის მნიშვნელოვანი მახასიათებელი - ასერტიულობა, როლები კომუნიკაციის დროს და სხვა. შეხვედრა ინტერაქტიულად მიმდინარეობდა, დატვირთული იყო როლური თამაშებით, სადაც ხდებოდა განხილული თეორიების პრაქტიკული ანალიზი. კლუბის მომავალი შეხვედრა 3 ნოემბერსაა დაგეგმილი.

კლუბ "სიქა-მოგზაურის" მორიგი შეხვედრა

18 ოქტომბერს კლუბ "სიქა-მოგზაურის" მორიგი შეხვედრის მთავარი თემა იყო თანამედროვე ე.წ. ბეკფეკერი ტურიზმი. სიქა-ს პოლონელმა მოხალისეებმა ქართველ ახალგაზრდებს გაუზიარეს თავიანთი გამოცდილება მსგავსი მოგზაურობიდან, ჩაატარეს მცირე ვორკშოფი, თუ როგორ უნდა ჩაალაგოს ტურისტმა თავისი სამგზავრო ზურგჩანთა და რა აუცილებელი ნივთები უნდა იქონიოს თან.

სიქა-ს დელეგაცია დაბრუნდა საერთაშორისო პროექტიდან "Focus Green"

19 ოქტომბერს ქართული დელეგაცია, სიქას ახალგაზრდული ლიდერების ხელმძღვანელობით, დაბრუნდა საერთაშორისო პროექტიდან "Focus Green", რომელი მოეწყო სომხეთში "Youth in Action" პროგრამის ფარგლებში. პროექტში, ოთხი ქვეყნის: დანიის, ლიტვის, სომხეთისა და საქართველოს წარმომადგენლები იღებდნენ მონაწილეობას. სიქა-ს ახალგაზრდები აქტიურად იყვნენ ჩართული პროექტის ყოველი ეტაპის განხორციელებაში. პროექტში ჩართული მხარეები მომავალში კვლავ გეგმავენ ერთობლივი პროექტების დაგეგმვასა და განხორციელებას.

ტრენინგი ჯანსაღი ცხოვრების შესახებ ქვემო ქართლის სასკოლო სამოქალაქო კლუბების წევრებისთვის

19 ოქტომბერს სიქა-ს თანასწორგანმანათლებმა მარი გამსახურდიამ და გიორგი გოგაძემ ქვემო ქართლის სასკოლო სამოქალაქო კლუბების წევრებს ჩაუტარეს ტრენინგი ჯანსაღი ცხოვრების შესახებ - "ჯანმრთელი კვების კავშირი". ტრენინგი ჩატარდა ორგანიზაცია RTI International -თან პარტნიორობით, რომელთა მიერ მოხდა თანასწორგანმანათლებელთა გადამზადება კონკრეტული სატრენინგო მოდულის მიხედვით. ტრენინგს დაესწრნენ წალკის, გარდაბნის, მარნეულის, თეთრიწყაროსა და რუსთავის მუნიციპალიტეტების "სამოქალაქო განათლებისა და პედაგოგთა გადამზადების პროგრამის" სამიზნე სკოლების უფროსკლასელები.