Thursday, February 26, 2015

შეხვედრა ბულინგის თემაზე სკოლა "რუსთველის" მოსწავლეებთან

"მომავლის თაობპროგრამის ფარგლებში, 25 თებერვალსსიქას ორგანიზებით სკოლა რუსთველისX კლასის მოსწავლეებთან  ჩატარდა შეხვედრა ბულინგის თემაზე. შეხვედრის მიზანი იყო მოსწავლეების ცნობიერების ამაღლება ბულინგის შესახებ და საქართველოში ამ მხრივ სიტუაციის ანალიზი. სიქა-ს მოხალისემ, მარიამ გოგუაძემ და ნიკა გაბათაშვილმა მოსწავლეებს პრეზენტაცია წარუდგინეს ბულინგის თემაზე. გაიმართა დისკუსია მოსწავლეებს შორის ძალადობის ამ სახეობის შესახებ, არის თუ არა სკოლაში მოსწავლეების მხრიდან აგრესიული და ნეგატიური ქცევა თანატოლთა მიმართ, რომელი ფიზიკური და ფსიქოლოგიური ტერორი შეიძლება აღქმული იქნას ბულინგად, რატომ ხდებიან ბავშვები მოძალადეები.

 შეხვედრის დასასრულს მოეწყო ვიდეო ჩვენება-დისკუსია. ტრენერებმა მოსწავლეებს გაუზიარეს ბულინგთან ბრძოლის მსოფლიოში აპრობირებული მეთოდები.

Wednesday, February 25, 2015

მოსწავლეები ქალთა უფლებების დამცველს შეხვდნენ

19 თებერვალს სიქა-ს ორგანიზებით მოეწყო მოსწავლეების შეხვედრა ქალთა უფლებების დამცველთან ლეილა სულეიმანოვასთან. შეხვედრა გაიმართა მარნეულის დემოკრატიული ჩართულობის ცენტრში, რომელშიც მონაწილეობა მიიღეს პროგრამამომავლის თაობისსამიზნე სკოლების უფროსკლასელმა მოსწავლეებმა გარდაბნის, ბოლნისისა და მარნეულის მუციპალიტეტის აზერბაიჯანული სკოლებიდან.
მოსწავლეებთან აქტიური დისკუსია გაიმართა აზერბაიჯანულ თემში არსებულ ქალთა პრობლემებსა და დისკრიმინაციის შემთხვევებზე, ნაადრევი ქორწინების უარყოფით მხარეებზე.  მოსწავლეებმა ჯგუფებში განიხილეს ქალთა უფლებების დარღვევის კონკრეტული მაგალითები. პრეზენტაციების სახით წარმოადგინეს ქალთა უფლებების დაცვის შესაძლებლობები.

მოსწავლეები ფოტოგრაფთა ასოციაციის ფოტოგრაფებს შეხვდნენ

17 თებერვალს პროგრამის „მომავლის თაობა“ ფარგლებში სიქა-ს ორგანიზებით, "მზეკაბანის", "ჩირაღდნის", "რუსთველის",  რუსთავის #6 და ახალი სამგორის სამიზნე სკოლების მოსწავლეები საქართველოს ფოტოგრაფთა ასოციაციის გამგეობის თავმჯდომარეს კახა ფხაკაძეს და გამგეობის წევრს ნინო მღებრიშვილს შეხვდნენ. შეხვედრის მიზანი იყო, მოსწავლეები გაცნობოდნენ ფოტო სამოყვარულო კამერით გამართული ფოტოს გადაღების ხერხებს,  რა დეტალებს უნდა მიექცეს ყურადღება ფოტოს გადაღების დროს, რომ ფოტომ ამბის გადმოცემა შეძლოს.
შეხვედრაზე ფოტოგრაფებმა ისაუბრეს კარგი ფოტოს მნიშვნელობაზე   განსხვავებული სიტუაციების მიხედვით.
შეხვედრის ძირითადი ნაწილი პრაქტიკულ რჩევებს დაეთმო. მოწვეულმა სტუმრებმა მოსწავლეებს აუხსნეს როგორ უნდა აეწყოს  კომპოზიცია, რითი განსხვავდება ჩვეულებრივი ფოტო რეპორტაჟის ფოტოსაგან, როგორ გადაიღონ  გამართული ფოტო. 
მოსწავლეებმა საკუთარი სამოყვარულო კამერებით შეხვედრაზევე გადაიღეს ფოტოები და მოწვეული ფოტოგრაფებისგან კონკრეტული მითითებები მიიღეს .

Friday, February 20, 2015

სიქა შეუერთდა მსოფლიო მშობლიური ენის დღეს

სიქა შეუერთდა მსოფლიო მშობლიური ენის დღეს და 20 თებერვალს გერმანელ და პოლონელ მოხალისეებთან ერთად რუსთავის #16 საჯარო სკოლაში ჩაატარა პრეზეტაცია. შეხვედრის განმავლობაში მონაწილეებს შესაძლებლობა მიეცათ გაეგოთ გერმანიისა და პოლონეთის კულტურისა და მათი ენის შესახებ. მოსწავლეებმა განიხილეს ქართულ საზოგადოებაში დამკვიდრებული სტერეოტიპები ამ ერების მიმართ. მოხალისეებმა ღონისძიების ბოლოს მონაწილეებს ევროპული ღირებულებები და ცხოვრების სტილი გაუზიარეს. შეხვედრას 20  მოსწავლე ესწრებოდა.

Tuesday, February 17, 2015

სიქას გუნდი შეურთდა სიკეთის ეპიდემიის კამპანიას


17 თებერვალს სიქას გუნდი შეურთდა სიკეთის ეპიდემიის კამპანიას და ეს თარიღი სხვადასხვა აქტივობებით აღნიშნა.
სიქას მოხალისეებმა გადაწყვიტეს ქ. რუსთავში დადებითი განწყობა გაევრცელებინათ და დილიდან შარტავას გაჩერებაზე განაწილდნენ. მოქალაქეებს უფასო ცხელი ყავით გაუმასპინძლდნენ და პატარა ბარათები დაურიგეს სხვადასხვა პოზიტიური ფრაზებითა და კეთილი სურვილებით. 
სიქას გუნდი მშვიდ და ჰარმონიულ დღეებს გისურვებთ!

სემინარი ადამიანის უფლებების თემაზე

11 თებერვალს სიქა-ს EVS მოხალისეებმა პოლონეთიდან ჯანდარის საჯარო სკოლაში ჯანდარისა და კალინინოს აზერბაიჯანული საჯარო სკოლების უფროსკლასელ მოსწავლეებს ჩაუტარეს სემინარი ადამიანის უფლებების თემაზე. შეხვედრაზე მოსწავლეებს მიეწოდათ ინფორმაცია ადამიანის უფლებების დეკლარაციის შესახებ, მიმოიხილეს საქართველოში ოჯახური ძალადობის შემთხვევების სტატისტიკა. მოსწავლეებმა ერთმანეთს გაუზიარეს მათი შეხედულებები ქალთა უფლებებისა და ოჯახური ძალადობის შესახებ.

Saturday, February 14, 2015

სიქა-მ ვალენტინობის დღე აღნიშნა

14 თებერვალს სიქას ქართველი და ევროპელების ორგანიზებით ქ. რუსთავის მერიის წინ ვალენტინობის დღე სახალხოდ აღინიშნა. რუსთავის სხვადასხვა ასაკის მოქალაქეებს შესაძლებლობა მიეცათ ჩართულიყვნენ სხვადასხვა საინტერესო და სახალისო აქტივობებში, გაეკეთებინათ გულის ფორმის ორიგამები, გამოეხატათ თავისი დამოკიდებულება სიყვარულისადმი, მოხალისეებთან ერთად შეესრულებინათ ენერგიული ენერჯაიზერები... დასასრულს ახალგაზრდებმა გულის ფორმის მანათობელი ფრანები გაუშვეს. ფოტომასალა

Tuesday, February 10, 2015

სიქა-ს ორგანიზებით კონფერენცია მოეწყო

10 თებერვალს სიქამ რუსთავის დემოკრატიული ჩართულობის ცენტრში კონფერენცია ჩაატარა. კონფერენციაზე მოწვეულნი იყვნენ ქვემო ქართლის რეგიონის სკოლების მოსწავლეები და სამოქალაქო განათლების პედაგოგები. პროგრამა "მომავლის თაობის " ფარგლებში სიქამ ორგანიზება გაუკეთა ესეების კონკურსს ოჯახური ძალადობის თემაზე. მოსწავლეები მიერ გამოგზავნილი თემები შეაფასა ჟიურიმ, რომლის შემადგენლობაში შედიოდნენ ეკატერინე ფავლენიშვილი - საიას რუსთავის ფილიალის ხელმძღვანელი, ლიანა ჩარკვიანი - რუსთავის დემოკრატიული ჩართულობის ცენტრის კოორდინატორი, სოფო ხუციშვილი - რუსთავის ახალგაზრდული ცენტრის ხელმძღვანელი. ჟიურის მიერ საუკეთესო ნაშრომად დასახელდა ბოგვის საჯარო სკოლისა და რუსთავის კერძო სკოლა "რეცას" მოსწავლეების ესეები. კონკურსში მონაწილე მოსწავლეებს გადაეცათ სერტიფიკატები, საუკეთესო ნამუშევრების ავტორებს კი - სიგელები და წიგნები. პროგრამა "მომავლის თაობა" -ს ფარგლებში სიქა კიდევ მრავალ აქტივობებს გეგმავს პროგრამაში ჩართული სკოლებისათვის. პროგრამა ხორციელდება USAID  დაფინანსებით, PH International ახორციელებს პროგრამას საქართველოს მასშტაბით. სიქა წარმოადგენს პროგრამის პარტნიორ ორგანზიაციას ქვემო ქართლის რეგიონში.

Monday, February 9, 2015

სიქა-ს პოლონელმა მოხალისეებმა გარდაბნელ მოსწავლეებს გენდერულ თანასწორობაზე ტრენინგი ჩაუტარეს

6 თებერვალს, პროგრამა "მომავლის თაობის" ფარგლებში, სიქას პოლონელი მოხალისეები გარდაბნის #4 საჯარო სკოლის სამოქალაქო კლუბის წევრებს შეხვდნენ და ტრენინგი ჩაუტარეს  გენდერული თანასწორობის თემაზე.
შეხვედრის დასაწყისში მონაწილეებმა იმსჯელეს, რა არის ზოგადად ადამიანის უფლება და იციან თუ არა საკუთარი უფლებები. განიხილეს ცხოვრებისეული მაგალითები, რომლის დროსაც ირღვევა ქალთა უფლებები. მაგალითები, რომლებიც მოსწავლეებმა დაასახელეს, აზერბაიჯანულ ოჯახებში ადრეულ ასაკში გოგონების გათხოვებას, სწავლისა და მუშაობის  უუფლებობას შეეხებოდა.
მეორე ნაწილში მონაწილეები გადანაწილდნენ ჯგუფებად და სხვადასხვა ქეისები დაურიგდათ განსახილველად. ჯგუფში დისკუსიის  შემდეგ კი ხმამაღლა დააფიქსირეს საკუთარი პოზიცია.
"აქამდე არ ვიცოდი, რა ითვლებოდა დისკრიმინაციის შემთხვევებად. ტრენინგზე მაგალითების მოყვანის შედეგად, მივხვდი ყოველდღიურ ცხოვრებაში სად ხდება დისკრიმინაცია, რაზეც აქამდე ყურადღება არ გამიმახვილებია" - აღნიშნა ტრენინგის ერთ-ერთმა აზერბაიჯანელმა მონაწილემ. 
სიქა მსგავს ტრენინგებს პროგრამის "მომავლის თაობა" პარტნიორი სხვა აზერბაიჯანულენოვანი სკოლების მოსწავლეებისთვისაც გეგმავს.

Monday, February 2, 2015

სიქა-ს ორგანიზებით შედგა მოსწავლეების ვიზიტი რუსთავის იუსტიციის სახლში

30 იანვარს,  პროგრამის ,,მომავლის თაობა“  ფარგლებში სიქა-ს ორგანიზებით შედგა ქ.რუსთავის და ახალი სამგორის პროგრამის პარტნიორი სკოლების IX-X კლასელი მოსწავლეების ვიზიტი ქ.რუსთავის იუსტიციის სახლში.
მოსწავლეებს რუსთავის იუსტიციის სახლის მენეჯერმა ლანა წულაიამ უმასპინძლა და სტუმრებს იუსტიციის სახლის მუშაობის პრინციპი გააცნო. ვიზიტორებმა გაიგეს  რა არის იუსტიციის სახლის დანიშნულება და დაინახეს თუ რა  კავშირშია იუსტიციის სახლი მოქალაქესთან.

მოსწავლეებმა მოინახულეს იუსტიციის სახლში არსებული ყველა სივრცე, შიდა ოფისების ჩათვლით. აგრეთვე მათ ჰქონდათ საშუალება უშუალოდ ენახათ ეს ყველაფერი მუშაობის პროცესში, და აქვე მიეღოთ პასუხი საკითხთან დაკავშირებულ მათთვის საინტერესო ნებისმიერ კითხვაზე.
პროგრამა „მომავლის თაობა“ ხელს უწყობს სამოქალაქო განათლების სასწავლო პროგრამის გაძლიერებას სკოლებში,  მოსწავლეების მიერ სამოქალაქო განათლების გაკვეთილზე მიღებული ცოდნის პრაქტიკაში გამოყენებას და სამოქალაქო განათლების პედაგოგთა პროფესიულ ზრდას.
პროგრამა ხორციელდება ამერიკული ორგანიზაცია PH International-ის მიერ ამერიკის შეერთებული შტატების საერთაშორისო განვითარების სააგენტოს (USAID) დაფინანსებით და საქართველოს განათლებისა და მეცნიერების სამინისტროს მხარდაჭერით. სიქა - საგანმანათლებლო ინიციატივების ქართული ასოციაცია წარმოადგენს პროგრამის პარტნიორს ქვემო ქართლის რეგიონში.

Sunday, February 1, 2015

ახალგაზრდული ფორუმი მარნეულში


2015 წლის 30 იანვარს პროგრამა "მომავლის თაობის" ფარგლებში, სიქა - საგანმანათლებლო ინიციცატივების ქართული ასოციაციის ორგანიზებით, მარნეულის დემოკრატიული ჩართულობის ცენტრში, ახალგაზრდული ფორუმი ჩატარდა. ფორუმში მონაწილეობა მიიღეს პროგრამის პარტნიორი მარნეულისა და ბოლნისის მუნიციპალიტეტების 14 სკოლის მოსწავლეებმა და სამოქალაქო განათლების პედაგოგებმა.
ახალგაზრდული ფორუმის მიზანი იყო, ახალგაზრდების მიერ თემში არსებული პრობლემების კვლევა, მათი მოგვარების გზების მოძიება და დაგეგმილი აქტივობების განხორციელება.
ფორუმის მონაწილეებმა ფასილიტატორებთან ერთად იმუშავეს ისეთ თემებზე, როგორიცაა გარემოს დაცვა, ჯანსაღი ცხოვრების წესი, საგზაო უსაფრთხოება, ინფრასტრუქტურა - შეკეთება/რეაბილიტაცია, მოსახლეობის ცნობიერების ამაღლება სამოქალაქო საკითხები. ჯგუფებში მოსწავლეებმა ისაუბრეს საკუთარ თემში და სკოლაში არსებულ პრობლემების შესახებ, იმსჯელეს მათი მოგვარების გზების შესახებ და გაწერეს სამუშაო გეგმა. ფორუმის დასასრულს მოსწავლეებმა გააკეთეს ნამუშევრების პრეზენტაციები.
ფორუმს დაესწრო ორგანიზაცია PH Intarneational-ის წარმომადგენელი, რეგიონალური არასამთავრობო ორგანიზაციების ქსელის მენეჯერი პროგრამაში "მომავლის თაობა" - თამარ ფრუიძე. მან მოსწავლეებს წარმატებები უსურვა პროგრამაში "მომავლის თაობა" მონაწილეობაში.
პროგრამა "მომავლის თაობა" ხორციელდება ამერიკული ორგანიზაცია PH International-ის მიერ ამერიკის შეერთებული შტატების საერთაშორისო განვითარების სააგენტოს (USAID) დაფინანსებით და საქართველოს განათლებისა და მეცნიერების სამინისტროს მხარდაჭერით. სიქა - საგანმანათლებლო ინიციატივების ქართული ასოციაცია წარმოადგენს პროგრამის პარტნიორს ქვემო ქართლის რეგიონში.
ახალგაზრდულ ფორუმს დაესწრო 29 მოსწავლე და 15 პედაგოგი, ღონისძიება გაშუქდა მარნეულის ტელევიზიის საინფორმაციო ქართულ და აზერბაიჯანულენოვან გამოშვებაში. სიუჟეტი