Wednesday, February 26, 2014

სიქა-ს ქველმოქმედება

20-21 თებერვალს სიქა-მ ტრენინგები ჩაუტარა რუსთავის დემოკრატიული ჩართულობის ცენტრთან არსებულ "ქალთა კლუბს".  სიქამ ქალაქის აქტიურ ქალბატონებს პროექტების წერა და ორგანიზაციული განვითარებისთვის აუცილებელი - სხვადასხვა ფონდებთან ურთიერთობის გამოცდილება გაუზიარა. ტრენინგებს ორგანიზაციის ერთ-ერთი დამფუძნებელი ცირა თავშავაძე უძღვებოდა.

აღნიშნული აქტივობა წარმოადგენს სიქას ქველმოქმედებას. 
ინფორმაცია მომზადებულია kkpress.ge მასალების მიხედვით. http://kkpress.ge/index.php?do=fullmod%2Fnews&id=1978

მორიგი კინო ჩვენება სიქა-ში

25 თებერვალს, სიქა-ს ევროპელმა და ქართველმა მოხალისეებმა ერთობლივად გამართეს მორიგ კინო ჩვენება. ნაჩვენები იყო ანიმაციური ფილმი "მამაცი" "BRAVE" ინგლისურ ენაზე.
კინო ჩვენებას ესწრებოდა 25 ახალგაზრდა. კონოსეანსის დასრულების შემდეგ გაიმართა დისკუსია ფილმის შესახებ ინგლისურ ენაზე. ახალგაზრდებმა გამოთქვეს თავიანთი მოსაზრებები, ასევე დეტალურად განიხილეს თითოეული პერსონაჟი.

 კინოჩვენების მიზანია ხელი შეუწყოს ინგლისური ენის მოსმენის უნარის განვითარებას და სასაუბრო პრაქტიკის მიღებას.
სიქა-ს კინო კლუბი იმართება ყოველ სამშაბათს 17:00 საათზე, დასწრება თავისუფალია.

რუსთავის სასკოლო სამოქალაქო კლუბების სამუშაო შეხვედრა

25 თებერვალს, სიქა-ს ოფისში რუსთავის სამოქალაქო კლუბების მორიგი საკონსულტაციო შეხვედრა გაიმართა. შეხვედრას დაესწრნენ მოქმედი სამოქალაქო კლუბის აქტიური წევრები, რომლებმაც ერმანეთს უკვე განხორციელებული და სამომავლო  აქტივობები გააცნეს.
შეხვედრის განმავლობაში ახლგაზრდებმა იმსჯელეს და იმუშავეს ინიციატივებზე, რომლითაც  ქალაქის  თვითმმართველობას მიმართავენ. ინიციატივები კი თემში არსებული პრობლემების მოგვარებას ემსახურება.
კლუბები აქტიურად განაგრძობენ თემის პრობლემების კვლევასა და მათ მოსაგვარებლად სხვადასხვა სტრუქტურებთან თუ კერძო სექტორთან თანამშრომლობას.

ტრენინგი "გენდერული თანასწორობა" ქესალოს სასკოლო სამოქალაქო კლუბის წევრებისთვის


სიქა-ს ევროპელ მოხალისეებმა 24 თებერვალს, სამოქალაქო განათლებისა და პედაგოგთა გადამზადების პროგრამის ფარგლებში ჩაატარეს ტრენინგი თემაზე „გენდერული თანასწორობა“. ტრენინგი ჩატარდა გარდაბნის მუნიციპალიტეტის სოფელ ქესალოს საჯარო სკოლაში და დაესწრო ამავე სკოლის სამოქალაქო კლუბის 37 წევრი.
ტრენინგის მიზანი იყო მონაწილეები გაცნობოდნენ უფრო დეტალურ ინფორმაციას გენდერულ თანასწორობის შესახებ. ტრენინგი მიმდინარეობდა ინტერაქტიულად კითხვა-პასუხის რეჟიმში. მონაწილეებმა ნახეს უცხოელი მოხალისეების მიერ მომზადებული პრეზენტაცია, სადაც მოყვანილი იყო საქართველოში გენდერული თანასწორობა-უთანასწორობის მაგალითები.
ტრენინგი მიმდინარეობდა თარგმანით ინგლისურიდან ქართულ და აზერბაიჯანულ ენებზე.
შეხვედრამ დიდი მოწონება დაიმსახურა აზერბაიჯანელი მოსწავლეებისგან, რომლებმაც აიმაღლეს ცოდნა გენდერული თანასწორობის მიმართულებით.

Tuesday, February 25, 2014

კლუბ "უნარები პროფესიული წარმატებისთვის" ახალი სეზონი დაიწყო

23 თებერვალს სიქა-ს ოფისში ჩატარდა კლუბ "უნარები პროფესიული წარმატებისთვის" ახალი სეზონის პირველი სატრენინგო შეხვედრა, რომელიც სტერეოტიპების თემას დაეთმო. შეხვედრა დატვირთული იყო სხვადასხვა აქტივობით, ვიდეო ჩვენებითა და დისკუსიით. მომდევნო სამი თვის განმავლობაში კლუბის ყოველკვირეული შეხვედრები სხვადასხვა თემატიკას დაეთმობა, როგორიცაა ეფექტური კომუნიკაცია, კონფლიქტების მართვა, ლიდერობა და გუნდური მუშაობა, პროექტების წერა, დებატების ხელოვნება, ეფექტური პრეზენტაცია, CV-ის შედგენა და საჯარო გამოსვლა. ასევე, კლუბის წევრებს მიეცემათ შესაძლებლობა მონაწილეობა მიიღონ სხვადასხვა საერთაშორისო გაცვლით პროგრამებში. 

სამოქალაქო კლუბების შეხვედრა თამარ გურჩიანთან


21 თებერვალს სიქა-მ ორგანიზება გაუკეთა საინტერესო შეხვედრას ქალბატონ თამარ გურჩიანთან, რომელსაც აქტიური მოქალაქეობის დიდი გამოცდილება აქვს. სამოქალაქო კლუბების ლიდერებთან შეხვედრისას მან ახალგაზრდებს გაუზიარა თავისი გამოცდილება, რაც საინტერესო დისკუსიაში გადაიზარდა. ახალგაზრდები დაინტერესდნენ თამარის შეხედულებებით სხვადასხვა აქტუალურ თემაზე, ასევე მისი საქმიანობით.
თამარ გურჩიანმა საკუთარი გამოცდილების საფუძველზე არაერთხელ გააჟღერა მთავარი გზავნილი, რომ ყველა სფეროში წარმატება მოდის მხოლოდ და მხოლოდ ბევრი შრომის და სწავლის შედეგად. ახალგაზრდები დიდი ინტერესით უსმენდნენ მოწვეულ სტუმარს.
შეხვედრას ესწრებოდნენ რუსთავის სამოქალაქო კლუბების წევრები. შეხვედრის ბოლოს ახალგაზრდებმა დიდი მადლობა გადაუხადეს მოწვეულ სტუმარს ნაყოფიერი და საზოგადოებისთვის სასარგებლო ცხოვრების გამო.

სოც. მედიის ტრენინგი თემაზე "როგორ გადავიღოთ ვიდეო"


21 თებერვალს სიქას ოფისში სამოქალაქო განათლებისა და პედაგოგთა გადამზადების პროგრამის ფარგლებში ჩატარდა სოც. მედიის ტრენინგი თემაზე "როგორ გადავიღოთ ვიდეო". ტრენინგს უძღვებოდნენ წარმატებული ბლოგერები, ბლოგერების კონკურსში გამარჯვებული ქეთი შოშიაშვილი და ქეთი ეპიტაშვილი. ტრენინგს ესწრებოდნენ რუსთავის #1, #4, #15 და #17 საჯარო სკოლების სამოქალაქო კლუბების წევრები. ქეთი შოშიაშვილმა თანატოლებს გაუზიარა სოც.მედიის ბანაკში მიღებული გამოცდილება. მოსწავლეებმა ისწავლეს ვიდეოკამერით მუშაობა, კადრების სწორად შერჩევა ვიდეოს გადაღების პროცესში, თუ როგორ მოახდინონ ვიდეოს დისტრიბუცია და ასევე გაეცვნენ ვიდეო ადვოკატირებით პრობლემის მოგვარების გზებს.
ტრენინგის მონაწილეებმა შეასრულეს პრაქტიკული დავალებაც და მათ 4 კადრში გადმოსცეს სხვადასხვა თემა თუ პრობლემა.
ტრენინგი საინტერესო და ინფორმაციით დატვირთული აღმოჩნდა მოსწავლეებისთვის. 
სიქა მომავალშიც გეგმავს სამოქალაქო კლუბების წევრებისთვის ტრენინგების ორგანიზებას.

სიქა-ს გუნდმა მონაწილეობა მიიღო სასკოლო სამოქალაქო კლუბების გამოფენაში


სიქა-ს გუნდმა რუსთავის სასკოლო სამოქალაქო კლუბების წევრებთან ერთად მონაწილეობა მიღო 2014 წლის 20 თებერვალს, სასტუმრო „შერატონ მეტეხი პალასში“ გაიმართულ სასკოლო სამოქალაქო კლუბების გამოფენაში, რომელზეც მოწვეულნი იყვნენ მედიის წარმომადგენლები. 
შეხვედრაზე წარმოდგენილი იყო სასკოლო სამოქალაქო კლუბების მიერ განხორციელებული წარმატებული პროექტების ამსახველი ფოტო გამოფენა. მოსწავლეეებმა ჟურნალისტებს თავად გააცნეს საზოგადოების სასარგებლოდ მათ მიერ განხორციელებული პროექტები და ინიციატივები. რუსთავის გუნდმა მოწვეულ სტუმრებს წარუდგინა სიქა-ს მიერ ორგანიზებული სამოქალაქო ინტეგრაციის ახალგაზრდულ ბანაკში შემუშავებული და განხორციელებული წარმატებული პროექტი "უსაფრთხო წრიული", რომლის ფარგლებში ქ. რუსთავში, მე12 მკრ-თან მესხიშვილისა და ლეონიძის ქუჩების გადაკვეთაზე მოწესრიგდა საგზაო მოძრაობა - დაიხაზა ორი ზებრა გადასასვლელი, წრიული და დაიდგა 9 საგზაო ნიშანი.

Thursday, February 20, 2014

ვიზიტი ინტელექტუალური საკუთრების ეროვნულ ცენტრში

19 თებერვალს სიქა-ს ორგანიზებით „სამოქალაქო განათლებისა და პედაგოგთა გადამზადების პროგრამის“ ფარგლებში შედგა ბოლნისის მუნიციპალიტეტის სასკოლო სამოქალაქო კლუბების მორიგი საინტერესო და ინფორმაციული ვიზიტი ინტელექტუალური საკუთრების  ეროვნულ ცენტრში, „საქპატენტში“, სადაც ხდება ყველანაირი ინტელექტუალური საკუთრების დაცვა-რეგისტრაცია მთელი ქვეყნის მასშტაბით. მაგ: გამოგონებების, საავტორო უფლებების, ბრენდების სახელების და ა.შ.
ცენტში გიდობა გაწია სასაქონლო ნიშნებისა და გეოგრაფიული აღნიშვნების დეპარტამენტის უფროსმა  გიორგი  ქურდიანმა, რომელიც  ვიზიტორებს ესაუბრა ქართული გამოგონებების ბრენდების სახელების (ღვინოების, მინერალური წყლების და  სხვა) რეგისტრაციის და საავტორო უფლებების შესახებ. ბატონმა გიორგიმ ვიზიტორებს დაათვალიერებინა ცენტრში არსებული ბიბლიოთეკა, მარანი და სტუმრების მისაღები სივრცე.
ცენტრის თავმჯდომარემ ბატონმა  ირაკლი ღვალაძემ დეტალურად გააცნო მონაწილეებს საქპატენტის მუშაობის სპეციფიკა და მიმართულებები.
ვიზიტის ბოლოს ცენტრის თანამშრომლები მონაწილეებს გაუმასპინძლდნენ ლანჩით.
ვიზიტორი სკოლები იყვნენ: ბოლნისის #1 და #5, კაზრეთის #1 და #2  და რატევანის საჯარო სკოლების სამოქალაქო განათლების კლუბები, რომლებიც კარგი შთაბეჭდილებებით  დაბრუნდნენ რაიონში.

Sunday, February 16, 2014

სიქა-ს პოლონელმა მოხალისეებმა ინტერკულტურული საღამო მოაწყვეს

14 თებერვალს სიქა-ს პოლონელმა მოხალისეებმა მოაწყვეს ინტერკულტურული საღამო, სადაც დამსწრე საზოგადოებას გააცნეს პოლონეთის კულტურა, ტრადიციები, სამზარეულო და წეს-ჩვეულებები. განსაკუთრებით ვრცლად წარმოდგენილი იქნა პოლონეთის ერთ-ერთი რეგიონის Wielkopolska-ს ღირსშესანიშნაობები, ტრადიციები, კულტურა და სხვა . 

სოც.მედიის ტრენინგი რუსთავის სასკოლო სამოქალაქო კლუბების წევრებისთვის


14 თებერვალს სიქა-ს ორგანიზებით ჩატარდა სოც. მედიის ტრენინგი რუსთავის სასკოლო სამოქალაქო კლუბის წევრებისთვის. ტრენინგის მონაწილეები გაეცნენ ვიდეოს დამუშავებას პროგრამა Movie maker-ში და მის ატვირთვას ონლაინში პორტალზე Youtube.com. ტრენინგზე მიღებულ ცოდნას მოსწავლეები გამოიყენებენ კლუბის აქტივობების გაშუქებისას.
ტრენინგის დასასრულს სამოქალაქო კლუბების წარმომადგენლებს გადაეცათ სამოქალაქო განათლებისა და პედაგოგთა გადამზადების პროგრამის ფარგლებში ორგანიზაცია PH International-ის მიერ გამოცემული აქტიური მოქალაქის სახელმძღვანელო "ვიდეო ადვოკატირება".
ტრენინგს დაესწრო რუსთავის #2, #17, #21 და #26 საჯარო სკოლების 6 მონაწილე.
19 თებერვალს სიქაში დაგეგმილია ანალოგიური ტრენინგი, ხოლო 21 თებერვალს - მორიგი სოც.მედიის ტრენინგი თემაზე "როგორ გადავიღოთ ვიდეო".

Thursday, February 13, 2014

სამოქალაქო კლუბის წევრების ვიზიტი საქართველოს გარემოსა და ბუნებრივი რესურსების დაცვის სამინისტროში


12 თებერვალს სიქა-ს ორგანიზებით შედგა კიდევ ერთი ინფორმაციული და საინტერესო შეხვედრა საქართველოს გარემოსა და ბუნებრივი რესურსების დაცვის სამინისტროში. შეხვედრას გიდობა გაუწია სამინისტროს დაქვემდებარებაში მყოფმა გარემოსდაცვითი ინფორმაციისა და განათლების ცენტრის ხელმძღვანელმა ქალბატონმა, ნატა სულთანიშვილმა. მონაწილეები გაეცნენ სამინისტროს სხვა დეპატრამენტებსაც: დაცული ტერიტორიების სააგენტოს, გარემოს ეროვნულ სააგენტოს, სატყეო-საბაზისო სანერგე მეურნეობას, ეროვნულ სატყეო სააგენტოს.
ვიზიტორი სკოლები იყვნენ: თეთრიწყაროს #1 და #2, კოდის, ასურეთის, რუსთავის #15 და #26 სამოქალაქო კლუბების წევრები.
მონაწილეები გაეცვნენ გარემოს დაცვის სამინისტროს თითოეული დეპარტამენტების ხელმძღვანელ პირებს და უშუალოდ მათგან მიიღეს პასუხები მათთვის საინტერესო შეკითხვებზე: ხე-ტყის უკანონო მოჭრის, ნაგავსაყრელის, ნადირობა-თევზაობის და სხვა საკითხებთან დაკავშირებით.
დეპარტამენტების ხელმძღვანელებმა გამოთქვეს ახალგაზრდებთან თანამშრომლობის სურვილი და მზაობა.
ვიზიტი შედგა სამოქალაქო განათლებისა და პედაგოგთა გადამზადების პროგრამის ფარგლებში, რომელსაც აშშ საერთაშორისო განვითარების სააგენტოს (USAID)დაფინანსებით ახორციელებს ორგანიზაცია PH International . სიქა- საგანმანათლებლო ინიციატივების ქართული ასოციაცია წარმოადგენს პროგრამის პარტნიორს ქვემო ქართლის რეგიონში.

Wednesday, February 12, 2014

სამოქალაქო კლუბმა "აქტიურები" შეაჯამა კლუბის მუშაობა

11 თებერვალს მარნეულის მუნიციპალიტეტის სოფ. აღმამედლოს საჯარო სკოლის სამოქალაქო კლუბი "აქტიურები" მოწვეული სტუმრების წინაშე კლუბის მუშაობის ამსახველი შემაჯამებელი ღონისძიებით წარსდგა. სამოქალაქო კლუბი სიქა-ს მხარდაჭერითა და ხელშეწყობით "სამოქალაქო განათლებისა და პედაგოგთა გადამზადების" ფარგლებში შეიქმნა და არსებობის 2 წლის განმავლობაში მრავალი საინტერესო აქტივობა განახორციელა. შეხვედრას სიქა-ს წარმომადგენლები და აღმამედლოს ადგილობრივი ხელისუფლების წევრები ესწრებოდნენ. კლუბის წევრებმა კლუბის მეურვის ელისო პაპასქუას ლიდერობით საინტერესო პროექტი განახორციელეს სოფელში გარემოსდაცვითი ცნობიერების ამაღლებისა და ადვოკატირების კუთხით. აღმამედლოს ტერიტორიული ერთეულის წარმომადგენელმა ქ-მა ფლორა აივაზოვამ მოიწონა ახალგაზრდების ინიციატივა და თანამშრომლობა აღუთქვა მათ სოფ. აღმამედლოს მოსახლეობის საყოფაცხოვრებო პირობების გაუმჯობესების კუთხით.

Sunday, February 9, 2014

სიქა-ს ორგანიზებით ქ. რუსთავის სასკოლო სამოქალაქო კლუბების წევრები ქალაქის მერს დავით ჯიქიას შეხვდნენ


7 თებერვალს სიქა-ს ორგანიზებით ქ. რუსთავის სასკოლო სამოქალაქო კლუბების წევრები ქალაქის მერს დავით ჯიქიას შეხვდნენ. მოსწავლეებმა ქალაქის მერს გააცვნეს სამოქალაქო ინტეგრაციის ახალგაზრდულ ბანაკში შექმნილი პროექტი, რომელიც რუსთავის ლეონიძისა და მესხიშვილის ქუჩების გადაკვეთაზე საგზაო მოძრაობის მოწესრიგებას ითვალისწინებს. პროექტის ფარგლებში აღნიშნულ მონაკვეთზე დაიდგმება საგზაო ნიშნები, მოეწყობა "წრიული" და დაიხაზება ორი "ზებრა" გადასასვლელი. პროექტისათვის გრანტი გაიცა USAID-ის მიერ დაფინანსებული "სამოქალაქო განათლებისა და პედაგოგთა გადამზადების პროგრამის " ფარგლებში, რომელსაც საქართველოში ახორციელებს PH International, სიქა წარმოადგენს პროგრამის პარტნიორ ორგანიზაციას ქვემო ქართლის რეგიონში. მოსწავლეთა მიერ ინიცირებული და ქალაქის თვითმმართველობის მიერ მხარდაჭერილი პროექტი დაარეგულირებს ქ. რუსთავის ამ რთულ მონაკვეთში ფეხითმოსიარულეთა და სატრანსპორტო საშუალებების მოძრაობას.



Monday, February 3, 2014

კიდევ ერთი EVS პროექტი პოლონეთში

იდევ ერთი EVS პროექტი პოლონეთში! სიქა-ს მოხალისე მარეხი ტუღუში (ბათუმი) შერჩეული იქნა და თებერვლის დასაწყისიდან შეუდგება მოხალისეობრივ საქმიანობას პოლონეთში, ქ. კატოვიცეს მახლობლად. 11 თვის განმავლობაში, მარეხი პროექტის "STEP" ფარგლებში იმუშავებს პოლონელ ახალგაზრდებთან, არაფორმალურ განათლების ისტრუმენტების გამოყენებით ოგანიზებას გაუკეთებს სხვადასხვა აქტივობებს - ვორკშოპებს, შეხვედრებს, სემინარებს, პერფომანსებს და სხვა. საინტერესო მოხალისეობრივ საქმიანობას და წარმატებებს ვუსურვებთ მარეხის ახალი გამოწვევების დაძლევაში! 

კლუბი "უნარები პროფესიული წარმატებისათვის" ახალ სეზონს იწყებს

კლუბის „უნარები პროფესიული წარმატებისთვის“ მონაწილეებისათვის კლუბში მიღებული ცოდნა და გამოცდილება მნიშვნელოვანი ბიძგი გახდა შემდგომი წარმატებისათვის.
კლუბის ბოლო სეზონის 2 მონაწილე: თამო ქირია და ლიკა მძელური, ევროპულ მოხალისეობრივი სერვისის ფარგლებში შეირჩა მოხალისედ რუმინეთში. გოგონები გრძელვადიანი პროექტის ფარგლებში ბუქარესტში იმუშავებენ არსამთავრობო ორგანიზაციებში, არაფორმალური განათლების კუთხით. კლუბის კიდევ ერთ მონაწილე ნუცა ჩაველაშვილი კი უკვე იმყოფებოდა იტალიაში, Youth in Action-ის პროგრამის ფარგლებში, მოკლე ვადიანი პროექტით „Raise your Voice”.
სიქა კვლავ აძლევს ახალგაზრდებს განივითარონ კომპეტენციები, რომლებიც ხელს შეუწყობენ მათ პიროვნულ და კარიერულ წარმატებებს.
კლუბში "უნარები პროფესიული წარმატებისათვის" ახალი სეზონის მონაწილეთა განაცხადების მიღება დაწყებულია.
განაცხადების მიღების ბოლო ვადა 5 თებერვალი.