Monday, November 19, 2018

სიქა-ს ხელმძღვანელობით დელეგაციამ მონაწილეობა მიიღო პროექტის "მეტი შეგვიძლია" შემაჯამებელ ღონისძიებებში


12-16 ნოემბერს ქართული რვა კაციანი დელეგაცია სიქას ხელმძღვანელობით .ბერლინში დაესწრო პროექტის "მეტი შეგვიძლია" შემაჯამებელ ღონისძიებებს. ქართული დელეგაციის შემადგენლობაში შედიოდნენ : პროექტის "მეტი შეგვიძლია" ხელმძღვანელი საქართველოში ინგა პაიჭაძე, პროექტის რეგიონული კოორდინატორები: ლიანა ღუღუნიშვილი, მაკა ბიბილეიშვილი, ნათია ნამიჭეიშვილი, ნინო კაპანაძე, მაია ქათამაძე, ოთარ რევიშვილი და თამარ ცქიფურიშვილი. სამუშაო ვიზიტის განმავლობაში დელეგაციამ წარმოადგინა პროექტის მიმდინარეობა საქართველოში; უკრაინისა და რუსეთის სამუშაო ჯგუფთან ერთად იმუშავა პროექტის სამომავლო პერსპექტივებზე. მოეწყო შეხვედრები ბერლინის რატუშაში და საგარეო საქმეთა სამინისტროში, სადაც ასევე წარმოდგენილი იქნა პროექტის მიმდინარეობა და შედეგები. პროექტი "მეტი შეგვიძლია" 2017-2018 წლებში განხორციელდა საქართველოში, მასში 21000-ზე მეტმა მოსწავლემ მიიღო მონაწილეობა.

Thursday, November 15, 2018

სიქას „მომავალ ლიდერთა კლუბი“ ჩაერთო საერთაშორისო პროექტში "საშობაო ბარათების გაცვლა" - Holliday Cards Exchange


სიქას „მომავალ ლიდერთა კლუბი“ ჩაერთო www.iearn.org-ის საერთაშორისო პროექტში საშობაო ბარათების გაცვლა - Holliday Cards Exchange, რომელიც ითვალისწინებს საშობაო მისალოცი ბარათების დამზადებას და გაგზავნას საზღვარგარეთელი თანატოლებისთვის, საახალწლო ტრადიციების შესახებ ინფორმაციის გაზიარებას და ერთმანეთის უკეთ გაცნობას, დამეგობრებას. ყოველ შაბათს კლუბის წევრები სიქას გერმანელ მოხალისეებთან ერთად დაამზადებენ ხელნაკეთ ბარათებს, რომ საახალწლოდ გაუგზავნონ ამერიკელ, ავსტრალიელ, იტალიელ, ტაივანელ, ბელორუს, მოლდოველ და რუს თანატოლებს.

Thursday, November 8, 2018

ქართველი EVS მოხალისეები რუმინეთში გაემგზავრნენ

სიქა-ს დახმარებით 4 ქართველი ახალგაზრდა ერთი წლით გაემგზავრა ბუქარესტში ევროპული მოხალისეობრივი პროგრამის EVS ფარგლებში. სიქა-ს პარტნიორ ორგანიზაცია COSI-ს წევრებთან ერთად ქართველი ახალგაზრდები ნაყოფიერ წელიწადს გაატარებენ რუმინეთში, რაც ხელს შეუწყობს მოხალისეების კომპეტენციების გაზრდას.

ვიზიტი პროგრამის U18-ის კიევის ახალგაზრდულ ფორუმზე

28 ოქტომბერს სიქას აღმასრულებელი დირექტრი და პროგრამის "მეტი შეგვიძლია" კოორდინატორი საქართველოში ინგა პაიჭაძე მიწვეული იყო პროექტის ფარგლებში კიევში გამართულ ახალგაზრდულ ფორუმზე. ფორუმზე შეაჯამეს პროექტის მიმდინარეობა უკრაინაში, ახალგაზრდული აქტივობები და ინიციატივები. პროექტი „მეტი შეგვიძლია! - ბავშვებისა და ახალგაზრდების სამოქალაქო მონაწილეობის გაძლიერების ხელშეწყობა აღმოსავლეთ ევროპაში“ საქართველოში ხორციელდება 2016 წლიდან გერმანიაში დაფუძნებულ არასამთავრობო ორგანიზაციასთან "DRA“ www.austausch.org პარტნიორობით და დაფინანსებულია გერმანიის საგარეო საქმეთა ფედერალური სამინისტროს; ბერლინის განათლების, ახალგაზრდობისა და მეცნიერების დეპარტამენტის სენატისა და ქ. ბერლინის საქველმოქმედო ასოციაცია პარიტეტის მიერ.

სიქას მოხალისეები საერთაშორისო დამკვირვებლებთან ერთად აკვირდებოდა არჩევნების მიმდინარეობას

28 ოქტომბერს სიქას 13 მოხალისე საერთაშორისო დამკვირვებლებთან ერთად აკვირდებოდა არჩევნების მიმდინარეობას თბილისისა და რუსთავის სხვადასასხვა საარჩევნო უბნებში.

Thursday, October 11, 2018

დაიწყო გერმანული ენის შემსწავლელი წრე დამწყებთათვის

გერმანული ენის შემსწავლელმა წრემ დამწყებთათვის მუშაობა დაიწყო. წრეს უძღვებიან სიქას გერმანელი მოხალისეები იელნა და ემი, რომლებიც მხიარული სავარჯიშოებითა და შემეცნებითი აქტივობებით გერმანულ სალაპარაკო ენასთან ერთად გერმანულ კულტურას გააცნობენ ბავშვებს. წრე განკუთვნილია 7-11 წლის ბავშვებისთვის და  დასწრება უფასოა. 45 წუთიანი წრის მეცადინეობები ჩატარდება ოთხშაბათს 12:00 საათზე და ხუთშაბათს 16:00 საათზე. მსურველები დაგვიკავშირდით ტელეფონზე (0341) 223133, 599433848. მისამართი: ქ.რუსთავი, მეგობრობის ქ. #12-56.

Saturday, October 6, 2018

მომავალი ლიდერებისა და მენეჯერებისთვის ერთწლიანი პროგრამა დაიწყო სიქა-ში

ერთწლიანმა პროგრამამ მომავალის ლიდერებისა და მენეჯერებისთვის მუშაობა დაიწყო. პირველი შეხვედრის თემა იყო ფასეულობები. მონაწილეებმა თემის განხილვის შემდეგ გამოთქვეს სურვილი ქალაქში დაიდგას მხიარული ქანდაკებები და ყველამ აკეთოს ის საქმე, რაც აბედნიერებს, სხვისთვის ზიანის მიუყენებლად. 
მსურველებს ნებისმიერ დროს შეუძლიათ შემოუერთდნენ ჯგუფს.
შეხვედრები ჩატარდება ყოველ შაბათს, 10-13 წლის ასაკისთვის 10:00-14:00 სთ, 14-16 წლის ასაკისთვის - 14:30-18:30სთ.
მისამართი: ქ.რუსთავი, მეგობრობის ქ. #12-56.
რეგისტრაცია გრძელდება, მიჰყევით ბმულს  https://webanketa.com/forms/68tk0c1k6rqkjcsp68wk2shn/ 

Monday, October 1, 2018

გერმანული ენის წრე დამწყებთათვის


გსურთ დაეუფლოთ გერმანული ენის საწყისებს და გაიგოთ მეტი გერმანული კულტურის შესახებ
სიქა - საგანმანათლებლო ინიციატივების ქართული ასოციაცია გერმანელ მოხალისეებთან ერთად გთავაზობთ გერმანული ენის წრეს დამწყებთათვის, რომელიც დატვირთული იქნება სახალისო სავარჯიშოებითა და შემეცნებითი აქტივობებით. ბავშვები ნაყოფიერად გაატარებენ 45 წუთს, სალაპარაკო ენასთან ერთად გაეცნობიან გერმანულ კულტურას მოხალისეების ემისა და იელნას დახმარებით.
დასწრება თავისუფალია (უფასოა);
ასაკი: 7-11 წელი;
I ჯგუფის შეხვედრები გაიმართება ოთხშაბათობით, დღის პირველი ნახევარში,
II ჯგუფის შეხვედრები გაიმართება ხუთშაბათობით, დღის მეორე ნახევარში.
მისამართი: ქ.რუსთავი, მეგობრობის ქ. #12-56
რეგისტრაციისთვის დაგვირეკეთ: 599433848, (0341)22 31 33

Thursday, September 27, 2018

რუსთაველი ბავშვებისთვის: ერთწლიანი მრავალპროფილიანი პროგრამა EMT და სიქა-სგან მომავალი ლიდერებისა და მენეჯერებისთვის

სიახლე რუსთავში, შაბათობით!

ერთწლიანი მრავალპროფილიანი პროგრამა EMT და სიქა-სგან მომავალი ლიდერებისა და მენეჯერებისთვის
ასაკობრივ ჯგუფებში:
10-დან 13- წლამდე, შაბათს, 10:00 - 14:00 სთ.
14-დან 16 -წლამდე, შაბათს, 14:30 - 18:30 სთ.
პროგრამის ხანგრძლივობა  ოქტომბრიდან ივნისის ჩათვლით

რეგისტრაცია დაწყებულია, მიჰყევით ბმულს:
http://webanketa.com/forms/68tk0c1k6rqkjcsp68wk2shn/

პროგრამის დასრულების შემდეგ გაიცემა სერტიფიკატი.
კურსის ღირებულებაა: 69 ლარი თვეში.
მობილური 599 556234

პროგრამა მოიცავს:
* კონკრეტული ღონისძიებებისა და პროექტების დაგეგმვა, განხორციელება, შეფასება;
* პროექტების მართვის დროს მმართველობით პოზიციებზე ყოფნის გამოცდილების მიღება და გაანალიზება;
* დამოუკიდებლად გადაწყვეტილებების მიღება, პასუხისმგებლობა;
* ფინანსებისა და დროის მართვა;
* თემატური საკითხების შესწავლა, გაანალიზება, დასკვნების გაკეთება და საზოგადოების წინაშე წარდგენა;
* კომუნიკაციისა და მასალების დამუშავებისთვის საინფორმაციო ტექნოლოგიებისა და კომპიუტერული პროგრამების მიზნობრივი გამოყენება;
* გარე აქტივობების დაგეგმვა და განხორციელება;
* რისკების და შესაძლებლობების ანალიზი;
* თანამშრომლობა საერთაშორისო ორგანიზაციებთან;
* დებატებისა და საზოგადოების წინაშე წარდგენის უნარების განვითარება;
* ბევრი ინტელექტუალური და გასართობი სამაგიდო ან სივრცითი თამაში. თამაშების დროს უნარების განვითარება.

Friday, September 21, 2018

სიქას გერმანელმა მოხალისეებმა ბაიდარის სკოლის მოსწავლეებისთვის სემინარი ჩაატარეს


20 სექტემბერს სიქას გერმანელმა მოხალისეებმა იელნა იაკობსენმა და ემი სტელტერმა სემინარი ჩაატარეს მარნეულის მუნიციპალიტეტის სოფბაიდარის საჯარო სკოლის უფროსკლასელი გოგონებისთვის. თემა იყო აქტიური გოგონები სკოლასა და სკოლის გარეთ. ევროპელმა მოხალისეებმა აზერბაიჯანელ გოგონებს გაუზიარეს, თუ როგორ ატარებდნენ თავისუფალ დროს სკოლაში სწავლის დროს და რა გამოცდილება მიიღეს. შეხვედრაზე განიხილეს, თუ რა აქტივობები შეიძლება განხორციელდეს სამოქალაქო განათლების პროგრამისმომავლის თაობაფარგლებში გოგონათა გააქტიურების კუთხით. მოსწავლეები კმაყოფილები დარჩნენ შეხვედრით, რომელიც მათთვის ძალიან საინტერესო აღმოჩნდა.

Monday, June 25, 2018

Access პროგრამის საზაფხულო სკოლა სიქაში


20-24 ივნისს სიქას ოფისში მოეწყო ინგლისური ენის შესწავლის ხელმისაწვდომობის სასტიპენდიო პროგრამის English Access Micro scholarship Program ბენეფიციართათვის საზაფხულო სკოლა, რომელშიც მონაწილეობა მიიღო 25-მა რუსთაველმა მოსწავლემ. 4 დღის განმავლობაში მიმდინარეობდა ინგლისური ენის უნარ-ჩვევების განმავითარებელი აქტივობები (მეტყველება, მოსმენა, წერა, კითხვა), პროექტების პრეზენტაციები, ინტერაქტიული თამაშები, სკაიპ-ჩართვები სხვადასხვა ქვეყნებთან: იაპონია, შრი-ლანკა, აშშ, პაკისტანი, რუსეთი, გერმანია. საზაფხულო სკოლის მეხუთე დღეს მოეწყო გასვლითი ღონისძიება-ექსკურსია შიო-მღვიმეში. პროგრამის მეორე წელი სექტემბრიდან განახლდება.

Saturday, June 23, 2018

სიქამ მონაწილეობა მიიღო ღონისძიებაში "თბილისის ფორუმი ადამიანის უფლებებისთვის"

22 ივნისს სიქამ მონაწილეობა მიიღო ღონისძიებაში "თბილისის ფორუმი ადამიანის უფლებებისთვის". ფორუმის მიზანი იყო ადამიანის უფლებების საკითხებზე მომუშავე რეგიონული ორგანიზაციების შეკრება თბილისში მომავალი თანამშრომლობის მიზნით. სიქამ წარმოადგინა მიმდინარე აქტივობებისა და პროექტების შესახებ ინფორმაცია ბეჭდური მასალის სახით და გაუზიარა ფორუმზე დამსწრე ორგანიზაციების წარმომადგენლებს. 
ღონისძიება განახორციელა თბილისის ადამიანის უფლებათა სახლმა და მისმა  წევრმა ორგანიზაციებმა საქართველოში ნიდერლანდების სამეფოს საელჩოს ფინანსური მხარდაჭერით.

Thursday, June 21, 2018

დასრულდა სიქას ლიდერთა კლუბის 2018 წლის გაზაფხულის სეზონი

17 ივნისს დასრულდა სიქას ლიდერთა კლუბის 2018 წლის გაზაფხულის სეზონი. სამი თვის განმავლობაში 9-12 წლის მოზარდებმა ყოველკვირეული საკლუბო შეხვედრების საშუალებით გაიუმჯობესეს ლიდერობის, კომუნიკაციისა და გუნდურობის უნარები. ლიდერთა კლუბის კურსადმთავრებულებს გადაეცათ სერტიფიკატები და დაჯილდოვდნენ სამახსოვრო საჩუქრებით.

Thursday, June 14, 2018

პროგრამის "მომავლის თაობა" სემესტრის შემაჯამებელი ღონისძიება ქვემო ქართლში

13 ივნისს სიქას ორგანიზებით მარნეულის კულტურის სახლში ჩატარდა პროგრამის "მომავლის თაობა" 2018 წლის პირველი ნახევრის მუშაობის შემაჯამებელი ღონისძიება. პროგრამაში ჩართული სკოლების მოსწავლეებმა წარმოადგინეს პროგრამის ფარგლებში განხორციელებული საკლასო და საკლუბო პროექტები, სათემო ინიციატივები. შეჯამდა სკოლების მუშაობა. საანგარიშო პერიოდის აქტიური სკოლები და პედაგოგები დაჯილდოვდნენ სიგელებითა და ფასიანი საჩუქრებით. შეხვედრას დაესწრო 110 ადამიანი - სამიზნე სკოლების სამოქალაქო განათლების პედაგოგები და მოსწავლეები, არასამთავრობო ორგანიზაციების, საგანმანათლებლო რესურსცენტრის წარმომადგენლები.

პროექტის "ბიბლიოთეკა სკოლაში" შემაჯამებელი ღონისძიება

8 ივნისს სიქას აღმასრულებელი დირექტორი ინგა პაიჭაძე დაესწრო ბოლნისის მუნიციპალიტეტის სოფელ დარბაზის საჯარო სკოლის პროექტის "ბიბლიოთეკა სკოლაში" შემაჯამებელ ღონისძიებას. პროექტი განხორციელდა პროგრამის "მომავლის თაობა" საგრანტო კონკურსის ფარგლებში. პროექტის მენეჯერის ნინო ნადაშვილის ხელმძღვანელობით ქართული მხატვრული ლიტერატურით გამდიდრდა სკოლის ბიბლიოთეკა. მცირე გრანტით შეძენილი ინვენტარით მოსწავლეებმა დაბეჭდეს ქართული ენის სასწავლო ელ.ლიტერატურა, მოსწავლეებმა დიდი ინტერესით დაიწყეს ბიბლიოთეკისთვის შეძენილი ახალი ქართული მხატვრული ლიტერატურის გაცნობა, ასევე გაიზარდა მოთხოვნილება მოსწავლეების მიერ ახალამობეჭდილ და დაკაბადონებულ ქართული ენის სასწავლო წიგნებზე.
შემაჯამებელ ღონისძიებაზე აზერბაიჯანული სკოლის მოსწავლეებმა წარმოადგინეს მინი სცენები ქართულ ენაზე, წაიკითხეს ქართველი პოეტების ლექსები. ღონისძიებას ესწრებოდნენ სოფელ დარბაზის თემის წევრები. პროექტი ხელს შეუწყობს მოსწავლეების მიერ ქართული ენის შესწავლას, რაც დაეხმარება მათ აქტიურ მოქალაქეებად ჩამოყალიბებაში.

სიქას მოხალისეებმა მონაწილეობა მიიღეს მოხალიესობის ფორუმ/გამოფენაში

31 მაისს სიქას, CISV Georgia და EMT მოხალისეებმა მონაწილეობა მიიღეს თბილისში ყოველწლიურ მოხალისეობის ფორუმ/გამოფენაში, რომელშიც 30 სამოქალაქო ორგანიზაცია მონაწილეობდა. ფორუმი ორგანიზებული იყო "ჰელფინ ჰენდის" მიერღონისძიება საქართველოს განათლებისა და მეცნიერების სამინიტროს ახალგაზრდული პოლიტიკის მართვის დეპარტამენტის მხარდაჭერით ჩატარდა.

Wednesday, May 30, 2018

სიქას ორგანიზებით მოსწავლეები შეხვდნენ საქართველოს სახალხო დამცველის წარმომადგენლებს


22 მაისს, პროგრამის „მომავლის თაობა“ ფარგლებში, სიქას ორგანიზებით მოეწყო საქართველოს სახალხო დამცველის ქვემო ქართლის ოფისის წარმომადგენლების მარიამ გვიდიანისა და მურად გუსეინოვის შეხვედრა მოსწავლეებთან. ღონისძიება გაიმართა მარნეულის დემოკრატიული ჩართულობის ცენტრში და დაესწრნენ მარნეულის, ბოლნისისა და თეთრიწყაროს მუნიციპალიტეტების საჯარო სკოლების მოსწავლეები და სამოქალაქო განათლების პედაგოგები. შეხვედრის თემა იყო ტრეფიკინგი და სახალხო დამცველის ოფისის მიერ გაწეული საქმიანობა ადამიანის უფლებების დაცვის კუთხით.


სიქას EVS მოხალისეებმა მონაწილეობა მიიღეს ახალგაზრდულ კონფერენციაში რუმინეთში

სიქა-ს EVS მოხალისეებმა ანა გელაშვილმა და ლუკა სუთიაშვილმა, რომლებიც Erasmus+ პროგრამის ფარგლებში 12 თვიანი მოხალისეობრივი პროგრამით არიან რუმინეთში, 11 მაისს ქ. დრაგასანში მონაწილეობა მიიღეს ახალგაზრდულ კონფერენციაში, სადაც ადგილობრივ ახალგაზრდებს ესაუბრნენ ევროპული მოხალისეობრივი პროგრამის შესახებ, გააცნეს საქართველოს კულტურა და ქართველი ახალგაზრდების ინტერესები. კონფერენციის დასასრულს კი ქართველმა მოხალისეებმა სტუმრებს ქართული სამზარეულოც წარმოუდგინეს.

Wednesday, May 16, 2018

სიქას ორგანიზებით ხაიშის საჯარო სკოლაში დებატების ტრენინგი ჩატარდა

14 მაისს ხაიშის საჯარო სკოლაში სიქას ორგანიზებით, პროგრამის "მომავლის თაობა" ფარგლებში, ჩატარდა დებატების ტრენინგი. ტრენინგს ესწრებოდნენ თეთრიწყაროს მუნიციპალიტეტის სოფელ ხაიშისა და წინწყაროს საჯარო სკოლების მოსწავლეები. ტრენინგს უძღვებოდა სიქას მოხალისე, გამოცდილი მოდებატე და მსაჯი თამარ ქურდაძე, რომელმაც მოსწავლეებს გააცნო კარლ-პოპერის (ფასეულობითი) დებატის სტრუქტურა და წესები. მოსწავლეებმა ტრენინგზე მიღებული ცოდნა პრაქტიკაშიც მოსინჯეს, იდებატეს რეზოლუციით "ზოოპარკი უნდა აიკრძალოს". დებატების შემდეგ, ახალგაზრდებმა აღნიშნეს, რომ დებატი წესების დაცვით მათთვის საინტერესო აღმოჩნდა, გამოსცადეს საკუთარი თავი სწრაფ აზროვნებასა და არგუმენტირებულ მსჯელობაში. ფოტო

Wednesday, May 2, 2018

მინი ფორუმი მარნეულში

30 აპრილს სიქას ორგანიზებით პროგრამის "მომავლის თაობა" ფარგლებში გაიმართა მინი ფორუმი, რომელსაც დაესწრო PH International წარმომადგენელი, პროგრამაში "მომავლის თაობა" რეგიონული ორგანიზაციების ქსელის მენეჯერი, თამარ ფრუიძე. მინი ფორუმზე მოწვეულნი იყვნენ პროგრამის პარტნიორი სკოლების წარმომადგენლები მარნეულისა და თეთრიწყაროს მუნიციპალიტეტებიდან. შეხვედრის მიზანი იყო სკოლების მიერ განხორციელებული აქტივობების შესახებ ინფორმაციის გაცნობა-გაზიარება და სამომავლო გეგმების დასახვა.

Tuesday, May 1, 2018

სიქას მოხალისეები შეუერთდნენ Erasmus+ პროექტს რუმინეთში


სიქას მოხალისეები ლუკა სუთიაშვილი და ანი გელაშვილი აპრილის თვიდან შეუერთდნენ პროგრამის Erasmus+ ფარგლებში ორგანიზებულ ევროპული მოხალისეობრივი სერვისის პროექტს რუმინეთში "Green Color for Creativity".
ქართველი მოხალისეები სხვა ევროპელ მოხალისეებთან ერთად 12 თვის განმავლობაში იმუშავებენ რუმინეთში, სადაც სკოლის მოსწავლეებისა და თემის წევრებისათვის დაგეგმავენ და განახორციელებენ გარემოსდაცვითი ცნობიერების ასამაღლებელ აქტივობებს.

Tuesday, April 24, 2018

სიქას ლიდერთა კლუბის მორიგი შეხვედრა გაიმართა

22 აპრილს შედგა სიქას მომავალ ლიდერთა კლუბის მეოთხე შეხვედრა. ინტერაქტიული თამაშებისა და სავარჯიშოების მეშვეობით მოსწავლეებმა გაიუმჯობესეს ლიდერობისა და გუნდში მუშაობის უნარები.

Monday, April 23, 2018

სიქა დელეგაცია მონაწილეობს Erasmus+ გაცვლით პროექტში "Get New Habits"

სიქას დელეგაცია მონაწილეობას იღებს Erasmus+ პროგრამის ფარგლებში ორგანიზებულ საერთაშორისო ახალგაზრდულ გაცვლით პროექტში "Get New Habits". პროექტი ლატვიაში ტარდება და მასში მონაწილეობენ ახალგაზრდები საქართველოდან, ლატვიიდან, საფრანგეთიდან და სერბეთიდან. პროექტის თემაა გარემოსდაცვა და ნარჩენების გადამუშავება, ასევე ინტერკულტურული თანამშრომლობა და ინტერკულტურული კომუნიკაცია.

პროგრამის "მომავლის თაობა" ფარგლებში სიქა თანამშრომლოს ქვემო ქართლის სკოლებთან


სამოქალაქო განათლების პროგრამის "მომავლის თაობა" ფარგლებში სიქა აქტიურად თანამშრომლობს ქვემო ქართლის 33 სკოლასთან და ეხმარება სამოქალაქო კლუბების შექმნასა და ინიციატივების შემუშავება-განხორციელებაში.
პროგრამას ახორციელებს PH International, USAID დაფინანსებით, სიქა არის პროგრამის პარტნიორი ქვემო ქართლის რეგიონში.

Saturday, April 21, 2018

ACCESS პროგრამის ბენეფიციარებმა დედამიწის დღე აღნიშნეს

19 აპრილს ACCESS პროგრამის რუსთაველმა ბენეფიციარებმა დედამიწის დღე აღნიშნეს. სიქა-ში მოეწყო დედამიწის საერთაშორისო დღისადმი მიძღვნილი მოკლე ფილმის ჩვენება, მოსწავლეები გაეცნენ ინფორმაციას გლობალური დათბობით გამოწვეული კლიმატური ცვლილებებზე, გაიმართა დისკუსია, რომლის შემდეგ ინდივიდუალურად გაწერეს, რისი გაკეთება შეუძლიათ, რომ დედამიწა არ დანაგვიანდეს. მიღებული ინფორმაციის შეჯერებით ჯგუფებში დაამზადეს თემატური პლაკატები.

Monday, April 16, 2018

სიქაში "მომავალ ლიდერთა კლუბის" მორიგი შეხვედრა გაიმართა

15 აპრილს სიქაში ჩატარდა "მომავალ ლიდერთა კლუბის" მესამე შეხვედრა. ინტერაქტიული თამაშებისა და სავარჯიშოების მეშვეობით მოსწავლეებმა გაიუმჯობესეს ლიდერობისა და გუნდში მუშაობის უნარები.

დასრულდა პროექტის "ბრილიანტის გამოწვევა" 2018 წლის კონკურსი


დასრულდა 2018 წლის კონკურსი "ბრილიანტის გამოწვევა". აშშ-ში "ახალგაზრდა მეწარმეთა სამიტზე" წელს 17 ქვეყნის გუნდი შეხვდა ერთმანეთს. მონაწილეებს საშუალება ჰქონდათ ფულადი პრიზების მოგების გარდა შეხვედროდნენ ცნობილ ადამიანებს და მათგან რჩევები მიეღოთ, ასევე გაეცნოთ ახალგაზრდები მონაწილე ქვეყნებიდან. www.diamondchallenge.org კონკურსში მონაწილეობდა ქართული გუნდიც „დვრიტა“. 
ბრილიანტის გამოწვევა დელავერის უნივერსიტეტის საერთაშორისო კონკურსია, რომელსაც საქართველო 2014 წელს შეუერთდა. კონკურსი ორი მიმართულებით ეწყობა: ბიზნეს და სოციალური პროექტების მიმართულებით. „ბრილიანტის გამოწვევა“ სასწავლო ინიცატივაა, რომლის მიზანია უფროსკლასელ მოსწავლეებში სამეწარმეო უნარების გამომუშავება და განვითარება. დელავერის უნივერსიტეტთან მემორანდუმის გაფორმების შემდეგ EMT საქართველოში პროექტის განმახორციელებელია, პროექტის სრული პარტნიორი კი ააიპ სიქა - საგანმანათლებლო ინიციატივების ქართული ასოციაციაა. 
მალე 2019 წლის კონკურსი გამოცხადდება.

Sunday, April 1, 2018

მომავალ ლოდერთა კლუბის მორიგი შეხვედრა გაიმართა

1 აპრილს ჩატარდა სიქა-ს "მომავალ ლიდერთა კლუბის" მეორე შეხვედრა. ინტერაქტიული თამაშებისა და სავარჯიშოების მეშვეობით მოსწავლეებმა გაიუმჯობესეს პრეზენტაციისა და კომუნიკაციის უნარები. 

Saturday, March 31, 2018

ACCESS პროგრამის ბენეფიციარებს აშშ საელჩოს წარმომადგენელი სიქაში ეწვია

27 მარტს, სიქა-ში მიმდინარე ინგლისური ენის შესწავლის ხელმისაწვდომობის სასტიპენდიო პროგრამის (English Access Microscholarship Program) მონაწილეებს აშშ საელჩოს წარმომადგენელი, საზოგადოებრივ საქმეთა განყოფილების უფროსი ჯეფ რენო ეწვია. სტუმარი მოსწავლეებს ესაუბრა უცხო ენების ცოდნის მნიშვნელობაზე, საკუთარ გამოცდილებაზე . ჯეფ რენომ უპასუხა მოსწავლეების კითხვებს და გაუზიარა მისი შთაბეჭდილებები საქართველოს შესახებ, ურჩია მოსწავლეებს გაიღრმავონ უცხო ენების ცოდნა, რაც დაეხმარება მათ სწავლის გაგრძელებასა და დასაქმებაში.

შეხვედრა ომბუდსმენის ქვემო ქართლის ოფისის წარმომადგენელთან მურად გუსეინოვთან

30 მარტს სიქა-ს ორგანიზებით, პროგრამის"მომავლის თაობა" ფარგლებში, მოეწყო მოსწავლეების შეხვედრა საქართველოს სახალხო დამცველის ქვემო ქართლის ოფისის წარმომადგენელთან ბა-ნ მურად გუსეინოვთან. შეხვედრას დაესწრო მარნეულის მუნიციპალიტეტის სოფელ ყიზილაჯლოს #1, საბირკენდის #1, ალგეთის #2 და აზიზკენდის საჯარო სკოლების IX-X კლასების მოსწავლეები და სამოქალაქო განათლების პედაგოგები. ღონისძიების მთავარი თემა იყო ადამიანის უფლებები. მურად გუსეინოვმა მიმოიხილა ადამიანის უფლებების ისტორია, განმარტა რაში მდგომარეობს ადამიანის უფლებები  და რა სახის დარღვებია ამ მხრივ საქართველოში. შეხვედრა კითხვა-პასუხის რეჟიმში გადავიდა. მოსწავლეებმა ამომწურავი პასუხები მიიღეს დასმულ შეკითხვებზე და გამოთქვეს სამომავლოდ ომბუდსმენის ოფისთან თანამშრომლობის სურვილი. შეხვედრა მიმდინარეობდა აზერბაიჯანულ ენაზე. ფოტოალბომი

Tuesday, March 27, 2018

"მომავალი ლიდერების" პროგრამით კლუბის ახალმა ნაკადმა პირველი შეხვედრა ჩაატარა

25 მარტს სიქა-ში დაიწყო "მომავალ ლიდერთა კლუბის" ახალი სეზონი.
"მომავალ ლიდერთა კლუბის" პირველი შეხვედრა გაცნობით თამაშებს დაეთმო. მონაწილეებმა სახალისო და შემეცნებითი თამაშების მეშვეობით ერთმანეთს გააცნეს საკუთარი თავი, მათი ინტერესები. საკლუბო შეხვედრა ჩატარდება ყოველ კვირა დღეს სიქას ოფისში.

Sunday, March 25, 2018

პროგრამის "მომავლის თაობა" ოფიციალური გახსნა ქვემო ქართლის რეგიონში

23 მარტს სიქას ორგანიზებით გაიმართა პროგრამის „მომავლის თაობა“ საზეიმო  გახსნა ქვემო ქართლის რეგიონში. ღონისძიებას ესწრებოდნენ პროგრამის პარტნიორის სკოლების დირექტორები, მოსწავლეები და სამოქალაქო განათლების პედაგოგები მარნეულის, ბოლნისის, დმანისის, თეთრიწყაროსა და წალკის მუნიციპალიტეტიდან, მარნეულის დემოკრატიული ჩართულობის ცენტრის, თვითმმართველობის, რესურსცენტრის, სახალხო დამცველის ოფისის და  ადგილობრივი არასამთავრობო ორგანიზაციის  წარმომადგენლები.
შეხვედრის დასაწყისში სიქას აღმასრულებელმა დირექტორმა ინგა პაიჭაძემ  დამსწრე საზოგადოებას გააცნო პროგრამის მიზნები და ამოცანები, მოკლედ მიმოიხილა განხორციელებული სამოქალაქო პროგრამების შედეგები ქვემო ქართლის რეგიონში, წარმატებული სამოქალაქო ინიციატივების მაგალითები. სამოქალაქო განათლების პედაგოგთა ფორუმის რეგიონულმა თავჯდომარემ ლიანა ღუღუნიშვილმა ისაუბრა სამოქალაქო განათლების პედაგოგთა ფორუმის საქმიანობაზე და იმ შეთავაზებებზე, რასაც ფორუმი ითვალისწინებს  სამოქალაქო განათლების პედაგოგების პროფესიული ზრდისთვის.

Wednesday, February 28, 2018

სიქაში "მომავალ ლიდერთა ტრენინგ-კურსის" ახალი სეზონი იწყება

სიქა  გთავაზობთ მომავალ ლიდერთა ტრენინგ-კურსს 9-დან 12 წლამდე ასაკის მოსწავლეებისთვის. კურსის მიზანია მოზარდებმა ადრეული ასაკიდან განივითარონ ლიდერის უნარ-ჩვევები. არაფორმალური განათლების მეთოდებით ჩატარებული სავარჯიშოების მეშვეობით მონაწილეები საკუთარ თავზე გამოცდიან სხვადასხვა გამოწვევებს/სიტუაციებს და თავად  გააკეთებენ დასკვნებს. ტრენინგ-კურსი ხელს უწყობს მოზარდის მიმღებლობის გაზრდას და ურთიერთობის გაუმჯობესებას თანატოლებთან.

მომავალ ლიდერთა ტრენინგ-კურსი მოიცავს 12 შეხვედრას, შემდეგი თემებით:
1.       გაცნობა-ჯგუფური შეთანხმება;
2.       ყინულის დნობა, ჯგუფის შეკვრა;
3.       ტოლერანტობა/პატივისცემა;
4.       ეფექტური კომუნიკაცია;
5.       გუნდურობა;
6.       ლიდერობა;
7.       სტერეოტიპები;
8.       კულტურული მრავალფეროვნება;
9.       შემოქმედებითობა;
10.   პასუხისმგებლობა;
11.   პრეზენტაციის უნარები;
12.   ლოგიკური აზროვნება/დაკვირვება

თითოეული ტრენინგის ხანგრძლივობაა 1,5 საათი.
კურსის შეხვედრები გაიმართება კვირა დღეს, 13:30-15:00 სთ.
კურსის ღირებულება რუსთავში: 39 ლარი თვეში (ფასი მითითებულია დღგ-ს ჩათვლით)

ტრენინგ-კურსზე რეგისტრაციისთვის მიყევით ბმულსhttp://webanketa.com/forms/68skee1k60qp8c9j74sk6cb2/
 რეგისტრაცია გაგრძელდება 20 მარტამდე. რეგისტრაციის ვადის დასრულების შემდეგ, თითოეულ აპლიკანტს მითითებულ ნომერზე დაუკავშირდება სიქა-ს წარმომადგენელი.
კურსი დაიწყება 25 მარტიდან.