ახალგაზრდულმა მუშაკებმა მონაწილეობა მიიღეს ტრენინგ კურსში "Pale Blue Dot"

 

სიქამ შესაძლებლობა მისცა 4 ახალგაზრდულ მუშაკს საქართველოდან მონაწილეობა მიეღო ტრენინგ კურსში „Pale Blue dot”. ტრენინგი რუმინეთის დედაქალაქში ბუქარესტში ჩატარდა და მიზნად ისახავდა ახალგაზრდულ მუშაკებში ანტიდისკრიმინაციული უნარების განვითარებას.

სასწავლო ტური ვიშეგრადის ქვეყნებში

 “სიქა” სლოვაკური ორგანიზაციის “LEGEND FOTO”-ს ლიდერობით ახორციელებს პროექტს "Carpathian and Caucasian Youth Initiatives Project"

. 2021 წლის 9-19 ოქტომბერს პროექტის ფარგლებში ტარდება სასწავლო ტური ვიშეგრადის ქვეყნებში: უნგრეთი, პოლონეთი, ჩეხეთი და სლოვაკეთი. პროექტს აფინანსებს ვიშეგრადის ფონდი. ტურის განმავლობაში პროექტის მონაწილეები ეწვევიან 4 ქვეყნის საგანმანათლებლო, პროფესიულ, სათემო, მუნიციპალურ და გარემოსდაცვით ორგანიზაციებს, გაეცნობიან როგორ მუშაობენ სხვადასხვა ტიპის ორგანიზაციები ვიშეგრადის ქვეყნებში.

სასწავლო ტურში საქართველოდან მონაწილეობას იღებს კოლეჯ "მოდუსის" დელეგაცია დირექტორის პავლე თვალიაშვილის ხელმძღვანელობით. 11 ოქტომბერს პროექტის მონაწილეები ეწვივნენ უნგრეთში ნეირიგაზას პროფესიულ ცენტს, რომელიც აერთიანებს პროფესიული სწავლებისა და სათემო ცენტრებს; დაათვალიერეს ტექნოლოგიების ცენტრი, ინოვაციების ლაბორატორია, ელექტროობის სასწავლო სივრცე, სამკერვალო საქმის სასწავლო სახელოსნო, ხის დამუშავების საამქრო და კამპუსი. კოლეჯ "მოდუსსა" და ნეირეგაზას პროფესიულ ცენტრს შორის მომავალი თანამშრომლობის მიზნით გაიმართა სამუშაო შეხვედრა. მონაწილეები შეთანხმდნენ რომ განიხილავენ პროექტებს მსგავსი პროგრამების სტუდენტებისა და მასწავლებლების

მონაწილეობით.

რუსთავში იწყება „ინგლისური ენის შესწავლის ხელმისაწვდომობის სასტიპენდიო პროგრამა“ /English Access Microscholarship Program

 რუსთაველი მოზარდებისთვის ამერიკული ორგანიზაცია PH International-ი და ა.ა.ი.პ. სიქა - საგანმანათლებლო ინიციატივების ქართული ასოციაცია, ამერიკის შეერთებული შტატების სახელმწიფო დეპარტამენტის დაფინანსებით იწყებს „ინგლისური ენის შესწავლის ხელმისაწვდომობის სასტიპენდიო პროგრამას“ (English Access Microscholarship Program). 

„ინგლისური ენის შესწავლის ხელმისაწვდომობის სასტიპენდიო პროგრამას“ (English Access Micro-scholarship Program – Access) უკვე  მრავალი წელია (2010 წლიდან) ახორციელებს ორგანიზაცია PH International-ი („პროექტი ჰარმონიის ფილიალი საქართველოში“), ამერიკის საელჩოს ფინანსური მხარდაჭერით. 

პროგრამა მიზნად ისახავს ხელმისაწვდომი გახადოს ინგლისური ენის შესწავლა 13-დან 16 წლამდე მოზარდებისთვის ეკონომიკურად  და სოციალურად შეჭირვებული ოჯახებიდან. პროგრამაში ჩართული ბავშვები, ინგლისური ენის შესწავლასთან ერთად  განივითარებენ ლიდერის თვისებებს, შესაძლებლობა ექნებათ შეაფასონ თავიანთი  უნარ-ჩვევები, დაისახონ მიზნები და ჰქონდეთ სწრაფვა საკუთარი შესაძლებლობების მაქსიალურად გამოვლენისკენ.

პროგრამა ორწლიანია და მოიცავს სწავლების 4 სემესტრს (420 კონტაქტურ სასწავლო საათი). 

• პირველი სემესტრი:              ოქტომბერი-დეკემბერი 2021
• მეორე სემესტრი:                    იანვარი-ივნისი 2022
• მესამე სემესტრი:                    სექტემბერი-დეკემბერი 2022
• მეოთხე სემესტრი:                 იანვარი-ივნისი 2023

ორწლიანი პროგრამის დასრულებისას კურსდამთავრებულებს გადაეცემათ ამერიკის ელჩის მიერ ხელმოწერილი სერთიფიკატები.  

25 მონაწილის არჩევა ხდება კონკურსის საფუძველზე. შერჩეული მოსწავლეები გადანაწილდებიან ორ ჯგუფში წინასწარი ტესტირების საფუძველზე, ისე, რომ თითოეულ ჯგუფში მოსწავლეთა რაოდენობა არ აღემატებოდეს 13-ს. პროგრამის მონაწილეებს ორსაათიანი ინგლისურის გაკვეთილები ჩაუტარდება კვირაში სამჯერ, არასასკოლო საათებში. 

პროგრამაში მონაწილეობის მსურველებმა უნდა შეავსონ აპლიკაცია, რომლის ელ.ვერსია დაგზავნილია ქ.რუსთავის საჯარო სკოლებში. აპლიკაციის მიღება ასევე შესაძლებელია სიქას ოფისში 12:00-17:00 სთ-ში შაბათ-კვირის გარდა. მისამართი: ქ.რუსთავი, მეგობრობის ქ. #12-56. შევსებული აპლიკაციისა და თანდართული დოკუმენტების (დოკუმენტების ჩამონათვალი მითითებულია აპლიკაციაში) მიღება დასრულდება ა/წ 24 სექტემბერს.

კონკურსი ღიაა ნებისმიერი პიროვნებისათვის, ვინც აკმაყოფილებს შემდეგ მოთხოვნებს:

ასაკი:	13-16 წლის
ინგლისური ენის ცოდნა:	შერჩეული მოსწავლე უნდა ფლობდეს ინგლისურს საბაზისო დონეზე მაინც
სოციო-ეკონომიკური სტატუსი:	დაბალი ან ქვედა-საშუალო ფენიდან/ ეკონომიკურად შეჭირვებული და სოციალურად დაუცველის სტატუსის მქონე ოჯახიდან
აკადემიური მოსწრება:	შერჩეული მოსწავლის აკადემიური მოსწრების დონე სკოლაში უნდა შეესაბამებოდეს 7 ქულას მაინც (10 ქულიან სისტემაში)
ყოფაქცევა:	შერჩეული მოსწავლის ყოფაქცევა სკოლაში შეფასებული უნდა იყოს, როგორც მისაღები/დამაკმაყოფილებელი მაინც

არასრულყოფილი აპლიკაციები არ განიხილება

პროექტის "დემოკრატიის გაძლიერება მედიაწიგნიერების ამაღლებით" შემაჯამებელი ღონისძიება

18 მაისს სიქა- საგანმანათლებლო ინიციატივების ქართულმა ასოციაციამ შეაჯამა პროექტის "საქართველოში სამოქალაქო მედეგობის გაძლიერება დემოკრატიის ხელშეწყობით" და "დემოკრატიის გაძლიერება მედიაწიგნიერების ამაღლებით" მიმდინარეობა. შემაჯამებელი ღონისძიება გაიმართა ქ. მარნეულში, ღონისძიებას ესწრებოდნენ პროგრამის განმახორციელებელი ორგანიზაციის „ფიფლ ინ ნიდ“-ის წარმომადგენლები. პროგრამის ფარგლებში ორგანიზებულ 5 ვორკშოპ/დოკუმენტური ფილმების განხილვას ქვემო ქართლში მცხოვრები აზერბაიჯანული ეთნოსის 30-ზე მეტი ახალგაზრდა და ქალი დაესწრო. შემაჯამებელ ღონისძიებაზე ისაუბრეს ვორკშოპებზე მიღებულ ცოდნასა და უნარებზე. სახალხო დამცველის აპარატის ქვემო ქართლის ოფისის წარმომადგენელმა, იურისტმა მურადხან გუსეინოვმა ისაუბრა საქართველოს კანონმდებლობით ცრუ ინფორმაციის გავრცელებასა და ცილისწამების დანაშაულზე არსებულ სასჯელზე. ჩატარებული სემინარებისა და დოკუმენტური ფილმების განხილვით მიღებული ცოდნის საფუძველზე მონაწილეებმა მოამზადეს პოსტერები მედიაწიგნიერების თემაზე, მოეწყო პოსტერების გამოფენა.

პროექტი "საქართველოში სამოქალაქო მედეგობის გაძლიერება დემოკრატიის ხელშეწყობით" და "დემოკრატიის გაძლიერება მედიაწიგნიერების ამაღლებით" მხარდაჭერილია ჩეხეთის საგარეო საქმეთა სამინისტროს (MFA) TRANSITION-ის პროგრამის და USAID-ის მიერ.

პროგრამის "მომავლის თაობა" შემაჯამებელი ღონისძიება ქვემო ქართლში

 14 მაისს სიქა-ს ორგანიზებით მოეწყო პროგრამის "მომავლის თაობა" შემაჯამებელი ღონისძიება ქვემო ქართლის რეგიონში. შეხვედრა გაიმართა ქ.მარნეულში ათა ჰოლდინგ ცენტრში. სიქას აღმასრულებელმა დირექტორმა ინგა პაიჭაძემ შეაჯამა 2018-2021 წლების მუშაობა, მარნეულის, ბოლნისის, თეთრიწყაროს, წალკისა და რუსთავის საჯარო სკოლების მოსწავლეებმა წარმოადგინეს წარმატებული საკლუბო და საკლასო ინიციატივები, სამოქალაქო განათლების პედაგოგთა ფორუმის კოორდინატორმა ქვემო ქართლის რეგიონში ლიანა ღუღუნიშვილმა ისაუბრა ფორუმის მიერ განხორციელებულ აქტივობებზე და სამომავლო გეგმებზე, ტექნიკის კონკურსში გამარჯვებულ სკოლებსა და პედაგოგებს სერტიფიკატები გადასცა PH International-ის წარმომადგენელმა, პროგრამის "მომავლის თაობა" რეგიონული პანიორი ორგანიზაციების ქსელის მენეჯერმა თამუნა ფრუიძემ.

სამოქალაქო განათლების პროგრამა "მომავლის თაობა" ხორციელდება ორგანიზაცია PH International-ის მიერ ამერიკის შეერთებული შტატების საერთაშორისო განვითარების სააგენტოს (USAID) დაფინანსებით და საქართველოს განათლებისა და მეცნიერების სამინისტროს მხარდაჭერით. სიქა - საგანმანათლებლო ინიციატივების ქართული ასოციაცია წარმოადგენს პროგრამის პარტნიორს ქვემო ქართლის რეგიონში.

დასრულდა პროექტი „„დემოკრატიის გაძლიერება მედია წიგნიერების ამაღლებით“

 

სიქამ დაასრულა პროექტის „„დემოკრატიის გაძლიერება მედია წიგნიერების ამაღლებით“ ფარგლებში დოკუმენტური ფილმების ჩვენება - განხილვა. პროექტის მიერ შერჩეული 5 დოკუმენტური ფილმის ანალიზით ქვემო ქართლის აზერბაიჯანული ეთნოსის ქალებისა და ახალგაზრდების ჯგუფებმა აიმაღლეს ცოდნა და გაიუმჯობესეს მედია წიგნიერებისა და კრიტიკული აზროვნების უნარები. ინტერაქტიული დისკუსიებისა და საინტერესო სემინარების საშუალებით, მონაწილეებმა ისწავლეს ნამდვილი და ყალბი ინფორმაციის, პროპაგანდისა და მანიპულაციის, კიბერბულინგის იდენტიფიცირება და პრევენცია, კიბერუსაფრთხოების დაცვა. პროექტის აქტივობებში ჩართულია 30 აზერბაიჯანული ეთნოსის ქალი და ახალგაზრდა.

პროექტი ხორციელდება საქართველოს რამდენიმე რეგიონში ორგანიზაცია „ფიფლ ინ ნიდ“-ის მიერ. სიქა წარმოადგენს პროექტის ერთ-ერთ პარტნიორს ქვემო ქართლის რეგიონში. პროექტი დაფინანსებულია ჩეხეთის საგარეო საქმეთა სამინისტროსა და USAID-ის მიერ.

პროექტი "დემოკრატიის გაძლიერება მედია წიგნიერების ამაღლებით" დაიწყო

 

სიქამ ქვემო ქართლის რეგიონში, აზერბაიჯანელი ეთნოსის ახალგაზრდებისა და ქალების ჯგუფებისათვის დაიწყო პროექტი "დემოკრატიის გაძლიერება მედია წიგნიერების ამაღლებით". საქართველოს რამდენიმე რეგიონში პროექტს ახორციელებს ჩეხური ორგანიზაცია "ფიფლ ინ ნიდ".

06-07 თებერვალს პროექტის ფარგლებში შედგა მეორე ონლაინ შეხვედრა ქალებისა და ახალგაზრდების ჯგუფებთან, სადაც განიხილეს პროექტის ფარგლებში წარმოდგენილი ფილმი "ახალი ამბები". საინტერესო სემინარების შემდეგ ჟურნალისტიკისა და სიახლეების სახეების შესახებ, გაიმართა აქტიური დისკუსია ქართული და ევროპული ჟურნალისტიკის მსგავსება - განსხვავების თემაზე.

პროექტის ფარგლებში დაგეგმილია 5 დოკუმენტური ფილმის ჩვენება - განხილვა.

პროექტი "სოციალური მეწარმეობისა და STEAM-ის კომბინირებული პლატფორმა უფროსკლასელებისთვის" დასრულდა

2020 წლის ნოემბერ-დეკემბერში სიქა-ს ორგანიზებით  ჩატარდა რობოტიქსისა და სოცილური მეწარმეობის ონლაინ ჰაკათონები. აღნიშნული აქტივობები განხორციელდა პროექტის "სოციალური მეწარმეობისა და STEAM-ის კომბინირებული პლატფორმა უფროსკლასელებისთვის" ფარგლებში. ონლაინ ჰაკათონები მიმდინარეობდა 3 ნაკადად და სულ მონაწილეობა მიიღო 90 მოსწავლემ და 30 ახალგაზრდა ლიდერმა ქალაქ რუსთავიდან. რობოტიქსის ონლაინ ჰაკათონებზე მოსწავლეებმა განახორციელეს mbot-ის პროგრამირება და რობოტის ამოქმედება, ხოლო სოც.მეწარმეობის ჰაკათონებზე გაეცნენ სოც. მეწარმეობის პროექტებს და გუნდებმა შეიმუშავეს სოც.საწარმოს პროექტების იდეები. 2021 წლის 17 იანვარს შედგა ფინალური ონლაინ ჰაკათონი, რომელზეც 3 ნაკადიდან შერჩეულმა 10 გუნდმა სპეციალურ ჟიურს წარმოუდგინა სოციალური საწარმოს პროექტები.

რობოტიქსის ონლაინ ჰაკათონებში გამარჯვებული გუნდის წევრები მიწვეული არიან რობოტიქსის მე-14 საერთაშორისო შეჯიბრში, რომელიც გაიმართება 2021 წლის 8-11 აპრილს თურქეთში. სოციალური საწარმოს პროექტების იდეებით გუნდები ჩაერთვნენ საერთაშორისო კონკურსში "ბრილიანტის გამოწვევა". 

პროექტი "სოციალური მეწარმეობისა და STEAM-ის კომბინირებული ქართული პლატფორმა უფროსკლასელებისთვის" დაფინანსებულია საჯარო სამართლის იურიდიული პირის - ახალგაზრდობის სააგენტოს მიერ გაცემული გრანტით 2020 წლის საგრანტო კონკურსის (I თემატური მიმართულება: გრძელვადიანი და განმეორებითი შედეგების მომტანი მდგრადი პლატფორმის შექმნა და არაფორმალური განათლების გზით ახალგაზრდებში კომპეტენციების განვითარება) ფარგლებში.

პროექტის "მეტი შეგვიძლია! ახალგაზრდობის სამოქალაქო მონაწილეობის გაძლიერება აღმოსავლეთ ევროპაში" ფარგლებში საერთაშორისო ონლაინ კონფერენცია გაიმართა

 

2020 წლის 19 დეკემბერს პროექტის "მეტი შეგვიძლია! ახალგაზრდობის სამოქალაქო მონაწილეობის გაძლიერება აღმოსავლეთ ევროპაში" ფარგლებში საერთაშორისო ონლაინ კონფერენცია გაიმართა. კონფერეციაში 4 პარტიორი ქვეყნის წარმომადგენლები იღებდნენ მონაწილეობას. საქართველოს წარმოადგენდა პროექტის კოორდინატორი ორგანიზაცია საქართველოში - სიქა და პროექტში მონაწილე სკოლების წარმომადგენლები, რომლებმაც პრეზენტაცია გაუკეთეს მათ მიერ განხორციელებულ მონაწილეობითი პროექტებს.