Thursday, April 28, 2016

სიქამ მონაწილეობა მიიღო საერთაშორისო პროექტის "მეტი შეგვიძლია" მოსამზადებელ შეხვედრაში


25-27 აპრილს სიქა მასპინძლობდა უცხოელ პარტნიორებს პროექტის „მეტი შეგვიძლია! - ახალგაზრდობის სამოქალაქო მონაწილეობის გაძლიერების ხელშეწყობა უკრაინის, საქართველოსა და რუსეთის რეგიონებში“ მოსამზადებელი შეხვედრის ფარგლებში. სამუშაო შეხვედრებში მონაწილეობდნენ პროექტში ჩართული პარტნიორი ორგანიზაციების წარმომადგენლები: 

- რომან ელსნერი და ირინა ბუხარკინა - არასამთავრობო ორგანიზაცია გერმანულ-რუსული გაცვლა DRA, ქ. ბერლინი, გერმანია;
- ლუდმილა პარაშენკო, არასამთავრობო ორგანიზაცია Agency of Educational Policy Development, ქ. კიევი, უკრაინა;
- მაქსიმ ივანცოვი , არასამთავრობო ინიციატივა School Projects, ქ. სანკტ-პეტერბურგი, რუსეთი;
- ინგა პაიჭაძე , სიქა - საგანმანათლებლო ინიციატივების ქართული ასოციაცია.
შეხვედრაზე დეტალურად დაიგეგმა პროექტი "მეტი შეგვიძლია", რომლის განხორციელება მიმდინარე წლის ზაფხულსა და შემოდგომაზე იგეგმება,
პროექტის ორგანიზატორები შეხვდნენ სამოქალაქო განათლების პედაგოგთა ფორუმის წარმომადგენელს ნინო გვარამაძეს. დაისახა ფორუმთან პროექტის ფარგლებში მომავალი თანამშრომლობის პერსპექტივები.

Tuesday, April 19, 2016

ტრენინგი თემაზე „გოგონების სამოქალაქო გააქტიურება“

15 აპრილს, სიქა-ს ორგანიზებით, პროგრამის „მომავლის თაობა“ ფარგლებში ქესალოს საჯარო სკოლაში ჩატარდა ტრენინგი თემაზე „გოგონების სამოქალაქო გაქტიურება“. ტრენინგი ჩაატარა მარნეულის მუნიციპალიტეტის ინფორმაციისა და საზოგადოებასთან ურთიერთობის განყოფილების მთავარმა სპეციალისტმა თურაჯ იბრაგიმოვამ.
ტრენინგს დაესწრნენ მარნეულის მუნიციპალიტეტის სოფლების ქესალოს, ქეშალოსა და ილმაზლოს საჯარო სკოლების სამოქალაქო კლუბების წევრი გოგონები. შეხვედრა აზერბაიჯანულ ენაზე ჩატარდა.
ტრენერმა გოგონებს გაუზიარა საკუთარი გამოცდილება, რომელიც დააგროვა განათლების მიღების, კარიერული ზრდის პროცესში. შეხვედრის მონაწილეებმა ისაუბრეს მათ სამომავლო გეგმებზე. 
თურაჯმა შეხვედრის მონაწილეებს გააცნო მარნეულის მუნიციპალიტეტის გამგეობის საქმიანობები. ყურადღება გაამახვილა ახალგაზრდულ და საგანმანათლებლო მიმართულებებზე, როგორიცაა ქართული ენის უფასო კურსები, ქალთა უფლებები და ა.შ.

Thursday, April 7, 2016

სიქა-ს ორგანიზებით გაიმართა ვიქტორინა "ევროკავშირი და ნატო"

სიქას ორგანიზებით, პროგრამის "მომავლის თაობა" სამიზნე სკოლები ნატოს კვირეულის აღნიშვნას შეურთდნენ. კვირეულის ფარგლებში ვიქტორინის "ევროკავშირი და ნატო" ფინალი გაიმართა. 
ევროკავშირისა და ნატოს ქვემო ქართლის საინფორმაციო ბიუროსთან თანაშრომლობით პროგრამის სამიზნე სკოლებისთვის მოეწყო ვიქტორინა, რომელშიც მონაწილეობა მიიღო ქვემო ქართლის ყველა მუნიციპალიტეტის სამიზნე სკოლების მე-9, მე-10 კლასის მოსწავლეებმა. 
ნახევარფინალებში თითო მუნიციპალიტეტიდან თითო გამარჯვებული სკოლა გამოვლინდა.
ფინალში ერთმანეთს დაუპირისპირდნენ ბოლნისის, დმანისის, თეთრიწყაროსა და რუსთავის სკოლები. გამარჯება დიდი დმანისის სკოლამ მოიპოვა. 
ვიქტორინაში მონაწილე ყველ მოსწავლეს სერთიფიკატი, გამარჯვებული გუნდის წევრებს კი სიგელები და საინფორმაციო ბიუროს მიერ დაწესებული ფასიანი საჩუქრები გადაეცათ.

ვიქტორინის მთავარი მიზანი იყო ახალგაზრდების ცნობიერების ამაღლება ევროკავშირისა და ნატოს საკითხებზე, მათთვის სწორი ინფორმაციის მიწოდება და იმის გააზრება, თუ რა სარგებელს და სასიკეთო ცვლილებებს მოუტანს მათ ამ სტრუქტურებთან თანამშრომლობა. 
ქვემო ქართლის საინფორმაციო ბიუროს წარმომადგენელმა მარი ლიპარტელიანმა ვიქტორინა წარმატებულ აქტივობად შეაფასა და აღნიშნა, რომ ვიქტორინაში შესული საკითხების მომზადებით, ახალგაზრდებმა ძალიან საჭირო ინფორმაცია მიიღეს, რომელიც მათი მომავალი საქმიანობას განსაზღვრავს.
ვიქტორინისთვის გამართულ საინფორმაციო შეხვედრებს საერთო ჯამში 109 მოსწავლე დაესწრო, მათგან ვიქტორინაში მონაწილეობა 45-მა მოსწავლემ მიიღო.

ორიგამის კლუბი სიქაში!

ყოველ ორშაბათს, 16 საათზე, სიქას გერმანელი მოხალისე ჰიკარუ ული გიწვევთ ორიგამის კლუბში.
გსურთ ეზიაროთ იაპონურ კულტურას და ისწავლოთ ორიგინალური ორიგამის კეთება?
ხართ 10-დან 15 წლის ასაკის მოზარდი?
მაშინ ეს კლუბი თქვენთვისაა!
სიქა გაძლევთ შესაძლებლობას უფასოდ ეზიაროთ ორიგამის სახალისო სამყაროს!
გელით ყოველ ორშაბათს, 16 საათზე, სიქას მეგობრულ ოფისში!
მისამართი: ქ. რუსთავის, მეგობრობის გამზ. 12-56
ტელ: 0341 223133




მოწვეული სტუმარი ზემო სარალის საჯარო სკოლაში

1 აპრილს, პროგრამის „მომავლის თაობა“ ფარგლებში, მარნეულის მუნიციპალიტეტის ანალიტიკისა და საზოგადოებასთან ურთიერთობის სამსახურის ინფორმაციისა და საზოგადოებასთან ურთიერთობის განყოფილების მთავარი სპეციალისტი, თურაჯ იბრაგიმოვა ზემო სარალის საჯარო სკოლას ეწვია. შეხვედრას დაესწრნენ მარნეულის მუნიციპალიტეტის სოფლების ზემო სარალისა და დამიაგეორარხის საჯარო სკოლების სამოქალაქო კლუბების წევრი გოგონები. შეხვედრა აზერბაიჯანულ ენაზე ჩატარდა. 
სტუმარმა გოგონებს გაუზიარა საკუთარი გამოცდილება. ესაუბრა იმ სირთულეებზე, რისი გადალახვაც მოუწია განათლების მიღების, კარიერული ზრდის პროცესში. შეხვედრის მონაწილეებმა ასევე წარადგინეს თავი და ისაუბრეს მათ სამომავლო გეგმებზე. 
თურაჯმა შეხვედრის მონაწილეებს გააცნო მარნეულის მუნიციპალიტეტის გამგეობის საქმიანობები. ყურადღება გაამახვილა ახალგაზრდულ და საგანმანათლებლო მიმართულებებზე, როგორიცაა ქართული ენის უფასო კურსები, ქალთა უფლებები და ა.შ.

შეხვედრის მეორე ნაწილი დაეთმო ვიდეოს ჩვენებას, ჯგუფებში მუშაობასა და დისკუსისას. შეხვედრის მონაწილეებმა ნახეს ანიმაციური ვიდეო ქალის როლზე ოჯახში. ჯგუფებში მუშაობის შემდეგ კი წარმოადგინეს პრეზენტაციები. 
შეხვედრის დასრულების შემდეგ გოგონებმა სტუმარს დაუსვეს კითხვები მომავალი პროფესიებისა და უნივერსიტეტების შერჩევასთან დაკავშირებით. სტუმარმა მათ შეკითხვებს უპასუხა და მადლობა გადაუხადა აქტიურობისთვის. მონაწილეებმაც აღნიშნეს, რომ თურაჯის სტუმრობა მათთვის საინტერესო და სასარგებლო იყო. 
სიქა მადლობას უხდის მარნეულის მუნიციპალიტეტის გამგეობას შეხვედრის ჩატარებაში, თანამშრომლობისა და მხარდაჭერისათვის.

სიქას გერმანელმა მოხალისე ამელი დიდერისმა დაამთავრა თავისი მოღვაწეობა ორგანიზაციაში

სიქას გერმანელმა მოხალისე ამელი დიდერისმა დაამთავრა თავისი მოღვაწეობა ორგანიზაციაში. 31 მარტს სიქას გუნდმა და ბენეფიციარებმა ამელის გასაცილებელი ღონისძიება მოაწყვეს. გერმანელმა EVS მოხალისემ ნაყოფიანად გაატარა თავისი მოხალისეობის პერიოდი, ამელი პარალელურად უძღვებოდა სამ კლუბს, გერმანული ენის, ინგლისური სასაუბრო და ხელნაკეთი ნივთების კლუბს. კლუბებს სხვადასხვა ასაკის ბენეფიციარები ყავდათ: 6 წლის ასაკის ბავშებიდან 30-ს გადაცილებულ ზრდასრულების ჩათვლით. 
ამელის გადაეცა მადლობის სიგელი და სამახსოვრო საჩუქრები. სიქას გუნდი წარმატებებს უსურვებს ამელის და ვიტოვებთ მომავალში შეხვედრის იმედს. 
გერმანული ენის, ინგლისური სასაუბრო კლუბი და ხელნაკეთი ნივთების კლუბი აგრძელებს მუშაობას სიქაში, ამჯერად მათ სიქას კიდევ ერთი გერმანელი მოხალისე ჰიკარუ ული გაუძღვება.

სიქა-ს EVS კოორდინატორმა მონაწილეობა მიიღო საერთაშორისო ბანაკში „International Trust Camp”

21-28 აპრილს სიქას EVS კოორდინატორმა ნინო ლეკიშვილმა, მონაწილეობა მიიღო უკრაინის ქალაქ ლვოვში გამართულ საერთაშორისო ბანაკში. „International Trust Camp”. ბანაკის მონაწილეთა გუნდს შეადგენდნენ რუსეთის, სომხეთის, აზერბაიჯანის, უკრაინის, სერბეთის, ამერიკის, პოლონეთის და საქართველოს ახალგაზრდული მუშაკები . ახალგაზრდებმა ისაუბრეს მშობლიურ ქვეყანაში არსებულ კონფლიქტურ სიტუაციებზე, გააკეთეს პრეზენტაციები თემაზე, „რა მასწავლა ჩემი ქვეყნის ისტორიამ“, ჩაწერეს ვიდოები მესიჯით, რას ნიშნავს ჩემთვის მშვიდობა. დაისახა მომავალი თანამშრომლობის პერსპექტივები.