Wednesday, December 28, 2016

პროექტის "თბილისში ახალგაზრდა ტრენერების მომზადება და ზრდასრულთა განათლების ტრენერების პორტალის ამოქმედება" პრეზენტაცია გაიმართა

26 დეკემბერს თბილისში გაიმართა პროექტის პრეზენტაცია: თბილისში ახალგაზრდა ტრენერების მომზადება და ზრდასრულთა განათლების ტრენერების პორტალის ამოქმედება. პროექტის განმხორციელებელია სიქა-საგანმანათლებლო ინიციატივების ქართული ასოციაცია. პროექტი ხორციელდება ქ. თბილისის მუნიციპალიტეტის მერიის განათლების, სპორტისა და ახალგაზრდულ საქმეთა საქალაქო სამსახურის დაფინანსებით და DVV International Georgia-ს მხარდაჭერით. დამწრეებს მიესალმნენ და პროექტის შესახებ ისაუბრეს ბატონმა გოგი ჩიქოვანმა და ქალბატონმა ლიკა კაციტაძემ. პროექტის დირექტორმა პავლე თვალიაშვილმა დამსწრეებს დეტალურად გააცნო პროექტის შინაარსი და დაგეგმილი საქმიანობები. იხ.ფოტოები

სიქას გერმანელი მოხალისეების ვიზიტი კირაჩმუღანლოს სკოლაში


23 დეკემბერს პროგრამის "მომავლის თაობა" ფარგლებში მარნეულის მუნიციპალიტეტის სოფელ კირაჩმუღანლოს საჯარო სკოლის სამოქალაქო კლუბს სიქას გერმანელი მოხალისეები: კატალინა ვორთმენი, ანიკა გიუნთერი და ჰიკარუ ული ეწვივნენ. 
სტუმრებმა კიღაჩმუღანლოს საჯარო სკოლის სამოქალაქო კლუბის წევრებისათვის გააკეთეს პრეზენტაცია, რომლითაც გააცნეს გერმანიაში შობისა და ახალი წლის შეხვედრის ტრადიცია. მოხალისეებმა სკოლის მოსწავლეებისათვის ჩაატარეს პატარა ვორკშოფიც, ასწავლეს საახალწლო მისალოცი ბარათის დამზადება. კლუბის წევრებმა მათ მიერ შექმნილ ბარათებში ქართულ და აზერბაიჯანულ ენებზე დაწერეს ახალი წლის მისალოცი ტექსტები. მოგვიანებით კლუბის წევრები მისალოც ბარათებს მათი სოფლისა და თემის მარტოხელა მაცხოვრებლებს გადასცემენ.
სტუმრებმა შეხვედრა მხიარული გერმანული საშობაო სიმღერით დაასრულეს, მოსწავლეებმა კი მათ მადლობა გადაუხადეს სტუმრობისა და საინტერესო შეხვედრისთვის.

Sunday, December 25, 2016

პროგრამის "მომავლის თაობა" შემაჯამებელი ღონისძიება


2016 წლის 22 დეკემბერს, სიქას ორგანიზებით, ბოლნისში გაიმართა სამოქალაქო განათლების პროგრამის „მომავლის თაობა“ ქვემო ქართლის საჯარო სკოლების წლიური შემაჯამებელი ღონისძიება.
პროგრამის დირექტორმა ქვემო ქართლის რეგიონში, სიქა- საგანმანათლებლო ინიციატივების ქართული ასოციაციის აღმასრულებელმა დირექტორმა ინგა პაიჭაძემ შეაჯამა პროგრამული წლის მიღწევები.

ბოლნისის, თეთრიწყაროსა და დმანისის მუნიციპალიტეტის საჯარო სკოლის მოსწავლეებმა წარმატებულ საკლასო პროექტებზე და ინიციატივებზე გააკეთეს პრეზენტაცია.

2016 წლის განმავლობაში სიქას ორგანიზებით მოეწყო სხვადასხვა კონკურსი: სლოგანების, საკლასო პროექტების, პოსტერების, ვიდეოების და ფოტო კონკურსები, რას ხელს უწყობს მოსწავლეების ჩართულობას პროგრამაში და სამოქალაქო ცნობიერების ამაღლებას.
დიდი დმანისის და ბოლნისის #2 საჯარო სკოლის მოსწავლეებმა ისაუბრეს საკუთარ მიღწევებზე სოც.მედიაში და შეაჯამეს ქვემო ქარლის რეგიონში მოსწავლეთა აქტიურობა პროგრამის ამ კომპონენტში.

სიქა ხელს უწყობს აზერბაიჯანელი მოსწავლეების ინტეგრაციას

14 დეკემბერს სიქა- ორგანიზებით, პროგრამის "მომავლის თაობა" ფარგლებში ეთნიკური უმცირესობის ინტეგრაციის მიზნით მარნეულის მუნიციპალიტეტის სოფელ ქვემო სარალის აზერბაიჯანულმა საჯარო სკოლამ თბილისის # 65- საჯარო სკოლას უმასპინძლა.
სამოქალაქო კლუბების ინიციატივით მოსწავლეებმა ერთმანეთს გააცნეს ქართული და აზერბაიჯანული კულტურა. ქვემო სარალის სკოლის ქართულის მასწავლებლის მანანა ცომაიას დახმარებით, აზერბაიჯანელმა მოსწავლეებმა წარმოადგინეს ქართველი პოეტების შემოქმედება, ასევე წაიკითხეს აზერბაიჯანული ლექსებისტუმრებმა, თბილისელმა მოსწავლეებმა შეასრულეს ქართული ფოლკორული და თანამედროვე ხელოვნების ნაწარმოებები.
კულტურული ღონისძიების საშუალებით სხვადასხვა ეროვნების მოსწავლეებმა გაიცნეს ერთმანეთითბილისის #65 სკოლისა და ქვემო სარალის სამოქალაქო კლუბების ლიდერებმა გამოთქვეს სურვილი მომავალში ერთად დაგეგმონ სამოქალაქო აქტივობები, განაგრძონ სკოლებს შორის მეგობრობა.

19 დეკემბერს, პროგრამის "მომავლის თაობა" ფარგლებში, ქვემო ქართლისა და თბილისის რეგიონების პარტნიორი ორგანიზაციების - სიქას და მოზარდთა სახლის ორგანიზებით აზერბაიჯანელი მოსწავლეები ქართველ თანატოლებს სასწავლო ტურის ფარგლებში ეწვივნენ. თბილისის #29 სკოლის სამოქალაქო კლუბის "XXI საუკუნის თაობა" ლიდერებმა უმასპინძლეს მარნეულის მუნიციპალიტეტის სოფლების: ყულარის, თაქალოს, კაჩაგანის #1 და #2 საჯარო სკოლების სამოქალაქო კლუბების აქტიური წევრებს.

Wednesday, December 7, 2016

ტრენინგ-კურსის მონაწილეთა შერჩევა

პროექტის დასახელება: თბილისში ახალგაზრდა ტრენერების მომზადება და ზრდასრულთა განათლების ტრენერების პორტალის ამოქმედება. 
პროექტი დაფინანსებულია ქალაქ თბილისის მუნიციპალიტეტის მერიის განათლების, სპორტისა და ახალგაზრდულ საქმეთა საქალაქო სამსახურის მიერ. მხარდამჭერი DVV International საქართველო.

მომწოდებელი: სიქა - საგანმანათლებლო ინიციატივების ქართული ასოციაცია
გამოქვეყნდა: 7 დეკემბერს / ბოლო ვადა 18 დეკემბერი:

პროექტის ფარგლებში ცხადდება კონკურსი დაფინანსებულ ტრენინგ-კურსში მონაწილეობის მისაღებად ახალგაზრდებისთვის (მაქსიმალური ასაკი 29 წ.): “ტრენინგი ტრენერების მოსამზადებლად” პირველი და მეორე დონე.

ტრენინგ-კურსის მიზანია: სხვადასხვა სფეროში გაცნობიერებული ახალგაზრდების მომზადება ტრენერებად, რომ ამ სფეროში შეძლონ ტრენინგის (არაფორმალური განათლების ინსტრუმენტის) დაგეგმვა და ჩატარება.
ახალგაზრდა სპეციალისტები (მაგალითად სფეროებიდან: სამართალი, ეკონომიკა, განათლება, გარემოს დაცვა, ახალგაზრდული საქმიანობა, სპორტის მენეჯმენტი, ზოგადი მენეჯმენტი, მეწარმეობა, მოხალისეობა და სხვ.) მომმზადდებიან როგორც ტრენერები, რომლებსაც შეეძლებათ ამ სფეროში არსებული საკუთარი გამოცდილება სტრუქტურულად დაგეგმონ, მოამზადონ და გადასცენ სხვა ადამიანებს, ანუ ჩაატარონ ტრენინგი.

Monday, December 5, 2016

ინგლისური ენის კლუბი სიქა-ში


THE CONVERSATION CLUB
let's speak English! Wednesday at 5pm!

ყოველ ოთხშაბათს, 17:00 საათზე შემოგვიერთდით ინგლისური ენის კლუბში სიქა-ს ოფისში, მისამართზე: ქ.რუსთავი, მეგობრობის #12-56.
გელით ყველას, ვისაც გსურთ გაიუმჯობესოთ სასაუბრო ინგლისური, თამაშებისა და სახალისო სავარჯიშოების გამოყენებით.
ჩვენ არ ვსწავლობთ ინგლისურს, ჩვენ მხოლოდ ვიყენებთ ინგლისურს!

Thursday, December 1, 2016

მოსწავლეების ვიზიტი თბილისის ტექნოპარკში

სიქა-ს ორგანიზებით მოეწყო ქვემო ქართლის მოსწავლეების ვიზიტი თბილისის ტექნოპარკში.  
ვიზიტის ფარგლებში მოსწავლეებს გიდობა ცენტრის ივენთ მენეჯერმა გაუწია. ახალგაზრდებმა დაათვალიერეს ცენტრი ყველა ოთახი, შეისწავლეს სხვადასხვა დანადგარების მუშაობის სპეციფიკას, გაეცნენ ინოვაციურ პროგრამებს, ტექნო პარკთან თანამშრომლობის პროცდურებს და გაიგეს როგორ შეუძლიათ არსებული რესურსების გამოყენება.
ვიზიტში მონაწილეობა მიიღეს დმანისის მუნიციპალიტეტის სოფელ დიდი დმანისის, მაშავერას საჯარო სკოლებისა და ბოლნისის მუნიციპალიტეტის სოფელ სავანეთის საჯარო სკოლების 16-მა მოსწავლემ და სამოქალაქო განათლების 3-მა პედაგოგმა.

სიქა იწყებს ინტერაქტიულ ცეკვის კურსს


სიქა იწყებს ინტერაქტიულ ცეკვის კურსს დამწყებთათვის და მათთვის, ვინც უკვე იცის ცეკვა. კურსი გაძლევთ შანსს შეისწავლოთ სხვადასხვა სტილის ცეკვები, გაივარჯიშოთ პლასტიკა. 
კურსის შეხვედრები გაიმართება ყოველ პარასკევს 16:00 საათზე, სკოლა "ნაკადულის" დარბაზში. მისამართი: ქ.რუსთავი, XV მიკრო რაიონი #23. 
ცეკვის კურსს გაუძღვება სიქა-ს გერმანელი მოხალისე კატალინა უორტმანი. კურსი განკუთვნილია 15-20 წლის ახალგაზრდებისთვის, მონაწილეობა უფასოა.

Monday, November 21, 2016

ქვემო ქართლის მოსწავლეების ვიზიტი GDS-ის ტელევიზიაში


18 ნოემბერს სიქა - საგანმანათლებლო ინიციატივების ქართული ასოციაციის ორგანიზებით, პროგრამის "მომავლის თაობა" ფარგლებში მოეწყო ვიზიტი GDS-ის ტელევიზიაში. ვიზიტში მონაწილეობა მიიღეს გარდაბნის მუნიციპალიტეტის სოფლების: თელეთის, ჯანდარას და ნაზარლოს საჯარო სკოლების სამოქალაქო კლუბების წევრებმა და სამოქალაქო განათლების მასწავლებლებმა.
ვიზიტის მონაწილეებს უმასპინძლა და GDS-ის შიდა სამზარეულოში ჩაახედა მენეჯერმა ნათია ბოლქვაძემ. მოსწავლეებმა დაათვალიერეს სხვადასხვა გადაცემების ჩაწერისათვის განკუთვნილი სტუდიები, სამონტაჟოები, ხმის ჩამწერი, გრაფიკული დიზაინის და საანონსო განყოფილებები და გაიცნეს ის ადამიანები, რომლებიც უშუალოდ დაკავებულია ამა თუ იმ საქმიანობით. GDS-ის თანამშრომლებმა ვიზიტის მონაწილეებს გააცნეს მათი საქმიანობის ძირითადი ასპექტები და მათ შეკითხვებსაც უპასუხეს. ვიზიტის მონაწილეებს საშუალება მიეცათ შიგნიდან ენახათ ტელევიზიის მუშაობა და ესაუბრათ მათთვის საყვარელი გადაცემების შემქმნელებთან. მოსწავლეებისათვის ეს სტუმრობა ძალიან საინტერესო და ამაღელვებელი გამოდგა. ვიზიტის ბოლოს მონაწილეებმა GDS-გან სიმბოლური საჩუქრებიც მიიღეს. ვიზიტი მოეწყო ტელევიზის მსოფლიო დღესთან დაკავშირებით, რომელიც 21 ნოემბერს აღინიშნება.

Thursday, November 3, 2016

სიქა-ში გაიხსნა ხატვის მოყვარულთა წრე

2 ნოემბერს სიქაში გაიხსნა ხატვის მოყვარულთა წრე, რომელსაც ხელმძღვანელობს სიქას გერმანელი მოხალისე კატარინა ვორთმანი. თუ გსურთ გაეცნოთ ხატვის სხვადასხვა ტექნიკას, გაიუმჯობესოთ შემოქმედებითი უნარები, სასიამოვნო გარემოში გაატაროთ დრო, გელით ყოველ ოთხშაბათს 16:00 საათზე სიქას მეგობრულ ოფისში. დასწრება შეუძლია ნებისმიერ მსურველს, სრულიად უფასოდ 15 წლის ასაკის ზევით. 
მისამართი: რუსთავი, მეგობრობის გამზირი #12/56

ვიზიტი უკრაინის ახალგაზრდულ ფორუმზე

29 ოქტომბერს კიევში საერთაშორისო პროექტის "მეტი შეგიძლია! ახალგაზრდობის სამოქალაქო მონაწილეობის გაძლიერების ხელშეწყობა უკრაინის, საქართველოსა და რუსეთის რეგიონებში" ფარგლებში მოეწყო უკრაინის ახალგაზრდული ფორუმი, სადაც წარმოდგენილი იყო პროექტის ფარგლებში უკრაინაში ორგანიზებული ახალგაზრდული მონაწილეობითი პროექტების მიმდინარეობა და შედეგები, მოეწყო ვიდეო კონკურსის ნამუშევრების პრეზენტაციები, სხვადასხვა ვორკშოპები, ახალგაზრდების შეხვედრა კიევის მერთან და ცნობილ მუსიკოსებთან. ფორუმზე მოწვეულნი იყვნენ პროექტის პარტნიორები გერმანიიდან, საქართველოდან და რუსეთიდან. სიქა-ს აღმასრულებელმა დირექტორმა ინგა პაიჭაძემ უკრაინის სამოქალაქო განათლების ექსპერტებს, განათლების მუშაკებსა და სკოლების ადმინისტრაცის წარმომადგენლებს გააცნო საქართველოში იმიტირებული ახალგაზრდული არჩევნების მიმდინარეობა და შედეგები, შეაფასა პროექტის გავლენა საქართველოს ახალგაზრდობის დამოკიდებულებაზე საარჩევნო პროცესისადმი, დადებით გავლენა მოახდინა ახალგაზრდობის სამოქალაქო ცნობიერების ამაღლებაზე. მსმენელებმა მოიწონეს ახალგაზრდული არჩევნების იმპლემენტირების ქართული გამოცდილება. ფორუმის შემდეგ პარტნიორმა ორგანიზაციებმა დასახეს სამომავლო თანამშრომლობის გეგმები.

Monday, October 24, 2016

დაიწყო გუნდები დარეგისტრირება საერთაშორისო კონკურსზე „ბრილიანტის გამოწვევა“

საერთაშორისო კონკურსი „ბრილიანტის გამოწვევა“ - შანსი, გაემგზავროთ ამერიკაში და გაინაწილეთ საპრიზო ფონდი 100 000$. და რაც ყველაზე მნიშვნელოვანია - ყველა მონაწილე განივითარებს სამეწარმეო და საპრეზენტაციო კომპეტენციებს! დაარეგისტრირეთ თქვენი გუნდი 1 ნოემბრამდე.
 http://diamondchallenge.org/

ფილმის "კორპუსები" ჩვენების გაშუქება მედიაში

"რადიო 1", გადაცემა "პიკის თემა" ეკა ხითარიშვილთან" - საუბარი სიქას EVS მოხალისეების მიერ შექმნილი ფილმის „კორპუსები“ შესახებ, სტუდიის სტუმარია სიქას მოხალისეები გერმანიიდან ლუცი ტელმანი და ჰანა მათიასი, და სიქას EVS კოორდინატორი ნინიკო ლეკიშვილი
http://radio1.ge/ge/videos/view/171198.html

ქვემო ქართლის ტელე-რადიო კომპანიამ ფილმის ჩვენება გააშუქა საინფორმაციო გამოშვებაში "ქრონიკა". სიუჟეტი

Monday, October 3, 2016

U18 - ახალგაზრდული არჩევნები 18 წლამდე ასაკის მოზარდებისათვის - პირველად საქართველოში

სიქა- საგანმანათებლო ინიციატივების ქართული ასოციაცია ქ.ბერლინში დაფუძნებული არასამთავრობო ორგანიზაციის „გერმანულ-რუსული გაცვლა“-სთან ერთად, რეგიონულ ორგანიზაციებთან თანამშრომლობით ახორციელებს პროექტს "We Can Do More! - The Development of civic activity of youth in the regions of Ukraine, Georgia". პროექტის ფარგლებში საქართველოს 6 რეგიონში მოეწყო იმიტირებული არჩევნები, სადაც ახალგაზრდებმა საარჩევნო სუბიექტების პროგრამების განხილვის საფუძველზე გააკეთეს არჩევანი. 1 ოქტომბერს ორგანიზებულ იმიტირებულ არჩევნებს აკვირდებოდა გერმანელი ექსპერტი რომან ელსნერი, რომელიც გაეცნო პროექტის მიმდინარეობას, სხვადასხვა რეგიონში შეხვდა პარტნიორი არასამთავრობო ორგანიზაციებისა და სკოლების წარმომადგენლებს, გაესაუბრა პროექტში მონაწილე ბავშვებს. ახალგაზრდული იმიტირებული არჩევნები საქართველოს რეგიონებში გაგრძელდება მიმდინარე კვირის განმავლობაში. გერმანელი ექსპერტი ასევე შეხვდა საქართველოს განათლებისა და მეცნიერების სამინისტროში სამოქალაქო განათლების ექსპერტს ბ-ნ ნიკო სილაგაძეს, რომელმაც მოიწონა და მხარი დაუჭირა სამოქალაქო განათლების კუთხით წარმოდგენილ ახალგაზრდულ პროექტს.

სიქას კიდევ ერთი EVS პროექტი ნორვეგიაში

სიქას კიდევ ერთი EVS პროექტი, ამჯერად ნორვეგიაში. მარიამ აბულაძე ერთი წლის განმავლობაში ნორვეგიაში, ბრემანგერის სათემო ორგანიზაციაში ფასილიტაციას გაუწევს ახალგაზრდულ აქტივობებს. 
2007 წლიდან სიქა დაეხმარა 50-დე ქართველ ახალგაზრდას ევროპული მოხალისეობრივი სერვისის პროგრამით გაეღრმავებინა პიროვნული კომპეტენციები.

Monday, September 26, 2016

გიწვევთ დოკუმენტური ფილმის "კორპუსები" ჩვენებაზე

ოქტომბერს სიქას მეგობრულ ოფისში გაიმართება დოკუმენტური ფილმის „კორპუსები“ ჩვენება. ფილმი შექმნილია 6 EVS მოხალისეს მიერ,  რომლებმაც 1 წელი გაატარეს სხვადასხვა ქვეყნის 5 ქალაქში. ამ ქალაქებს ნაცრისფერი კორპუსები აერთიანებთ. მოხალისეებმა გადაწყვიტეს უკეთ გაეგოთ რა ხდება კორპუსებს შიგნით, მათ აღმოაჩინეს რომ მსგავს შენობებში, საინტერესო და ერთმანეთისგან ძალიან განსხვავებული ოჯახები ცხოვრობენ.
თუ გსურთ მიჰყვეთ მოხალისეების გზას და გაიგოთ, როგორია კორპუსების ცხოვრება, მობრძანდით სიქას მეგობრულ ოფისში. ა/წ 5 ოქტომბერს 17:00 საათზე. მისამართი: ქ.რუსთავი, მეგობრობის გამზირი #12/56.  დასწრება თავისუფალია.

Friday, September 23, 2016

საინფორმაციო შეხვედრა მარნეულის საჯარო სკოლების წარმომადგენლებთან

21 სექტემბერს სიქას სამუშაო ჯგუფმა პროგრამის "მომავლის თაობა" ფარგლებში, მარნეულის მუნიციპალიტეტის სოფელ არაფლოს საჯარო სკოლაში, გამართა საინფორმაციო შეხვედრა სამიზნე სკოლების სამოქალაქო კლუბების წევრებისა და სამოქალაქო განათლების მასწავლებლებისთვის. შეხვედრას დაესწრნენ მარნეულის მუნიციპალიტეტის სოფლების არაფლოს, ქვემო სარალის, ყულარის, კაჩაგანის #1, კაჩაგანის #2 საჯარო სკოლების მოსწავლეები და მასწავლებლები. სიქას წარმომადგენლებმა შეხვედრის მონაწილეებს მიულოცეს ახალი სასწავლო წლის დაწყება, გააცნეს პროგრამის ფარგლებში დაგეგმილი და მიმდინარე აქტივობები, გადასცეს საკლუბო მუშაობისათვის საჭირო რესურსები და შეხვედრის მონაწილეებთან ერთად ისაუბრეს სამომავლო გეგმებსა და ინიციატივებზე.

Sunday, September 18, 2016

მონაწილეობა ახალგაზრდულ გაცვლით პროექტში "Safety traffic"

5-14 სექტემბერს მალტაში პროგრამა "Erasmus plus" ფარგლებში მოეწყო ახალგაზრდული გაცვლითი პროექტი "Safety traffic", რომელშიც სიქას მიერ წარგზავნილი ქართული დელეგაცია მონაწილეობდა. პროექტის განმავლობაში 6 ქვეყნის 41 ახალგაზრდა მსჯელობდა გზებზე უსაფრთხო მოძრაობის თემაზე, რისკებზე, რაც არაფხიზელ მდგომარეობაში მანქანის მართვას, უყურადღებო ტარებას, სიჩქარის გადაჭარბებას და სხვა მსგავს ქმედებებს მოყვება.

Tuesday, September 13, 2016

სიქა-ს ორგანიზებით დელეგაცია საქართველოდან ბერლინში U18 პროგრამის ფარგლებში ახალგაზრდული არჩევნების მიმდინარეობას და შეჯამებას დაესწრო


7-10 სექტემბერს სიქა-ს ორგანიზებით დელეგაცია საქართველოდან ბერლინში U18 პროგრამის ფარგლებში ახალგაზრდული არჩევნების მიმდინარეობას და შეჯამებას დაესწრო.
სიქა-ს პარტნიორობით გერმანული ორგანიზაცია DRA ახორციელებს საერთაშორისო პროექტს "We Can Do More! - The Development of civic activity of youth in the regions of Ukraine, Georgia and Russia" "მეტი შეგვიძლია! - ახალგაზრდობის სამოქალაქო მონაწილეობის გაძლიერების ხელშეწყობა უკრაინის, საქართველოსა და რუსეთის რეგიონებში“. პროექტი მიმართულია აქტიური მოქალაქეობრივი პოზიციის ფორმირებისაკენ ბავშვებსა და ახალგაზრდებში, რომელთაც ჯერ არა აქვთ არჩევნებში ხმის მიცემის უფლება. პროგრამა აძლევს მათ შესაძლებლობას მონაწილეობა მიიღონ იმიტირებულ საარჩევნო პროცესში. 
ქართული დელეგაცია, უკრაინელ და რუს კოლეგებთან ერთად ეწვია ბერლინის სკოლებსა და ახალგაზრდულ ცენტრებს, გაეცნო ახალგაზრდული არჩევნების მიმდინარეობას. დაესწრო U18 არჩევნების შედეგების შეფასებას, არჩევნებში მონაწილე პარტიების წარმომადგენლების მიერ პარტიების პროგრამების პრიორიტეტების წარდგენას. გერმანელმა სამოქალაქო აქტივისტებმა და სამოქალაქო განათლების ექსპერტებმა დელეგაციის წევრებს გაუზიარეს მათი გამოცდილება ბავშვებისა და ახალგაზრდებისათვის სამოქალაქო და პოლიტიკური განათლების კუთხით. ფოტოგალერეა

სიქა-ს კლუბების ახალი სეზონი

11 სექტემბრიდან სიქა-ში განახლდა კლუბები, რომელსაც უძღვება EVS მოხალისე გერმანიიდან ჰიკარუ ული.
"ხელნაკეთი ნივთების კლუბში" მიიღებიან მონაწილეები 6 წლის ასაკიდან, ხოლო დანარჩენ კლუბებში - 15 წლიდან ზევით. 
ყველა კლუბი არის უფასო!
გელით თქვენთვის სასურველ კლუბში მისამართზე: ქ.რუსთავი, მეგობრობის გამზირი #12-56, ან დაგვიკაშირდით ტელეფონით სამუშაო დღეების განმავლობაში: 0341 223133

Thursday, September 8, 2016

ვიზიტი ბერლინში U18 პროგრამის ფარგლებში ახალგაზრდულ არჩევნებზე დაკვირვების მიზნით


ქართული დელეგაცია ბერლინში U18 პროგრამის ფარგლებში ახალგაზრდულ არჩევნებს აკვირდება.
სიქა-ს პარტნიორობით გერმანული ორგანიზაცია DRA ახორციელებს საერთაშორისო პროექტს "We Can Do More! - The Development of civic activity of youth in the regions of Ukraine, Georgia and Russia" „„მეტი შეგვიძლია! - ახალგაზრდობის სამოქალაქო მონაწილეობის გაძლიერების ხელშეწყობა უკრაინის, საქართველოსა და რუსეთის რეგიონებში“. პროექტი მიმართულია აქტიური მოქალაქეობრივი პოზიციის ფორმირებისაკენ ბავშვებსა და ახალგაზრდებში, რომელთაც ჯერ არა აქვთ არჩევნებში ხმის მიცემის უფლება. პროგრამა აძლევს მათ შესაძლებლობას, მონაწილეობა მიიღონ იმიტირებულ საარჩევნო პროცესში. 
7-10 სექტემბერს ქართული დელეგაცია, რომლის შემადგენლობაში შედიან სიქას და საქართველოს სხვადასხვა რეგიონული ორგანიზაციების წარმოამდგენლები, უკრაინელ და რუს კოლეგებთან ერთად ბერლინში დააკვირდება ახალგაზრდულ არჩევნებს სხვადასხვა უბნებში, შეხვდებიან გერმანელ სამოქალაქო განათლების ექსპერტებს, აქტიურ ახალგაზრდებს, ეწვევიან გერმანულ სამოქალაქო ორგანიზაციებს.

Thursday, August 4, 2016

სიქას ორგანიზებით ბაკურიანში დაიწყო ბანაკი "ინიციატორი"

3 აგვისტოს სიქას ორგანიზებით ბაკურიანში დაიწყო ბანაკი "ინიციატორი". ბანაკში მონაწილეობას იღებენ რუსთაველი უფროსკლასელი მოსწავლეები. მონაწილეები ერთი კვირის განმავლობაში ტრენინგების საშუალებით გაიღრმავებენ მეწარმეობისა და თვითინიციატივის კომპეტენციებს. სახალისო საბანაკო აქტივობები დაეხმარება რუსთაველ ახალგაზრდებს განივითარონ ლიდერობის, კომუნიკაციის, კულტურული თვითგამოხატვისა და გუნდური მუშაობის უნარები. ბანაკი დაფინანსებულია BP-სა და მისი პარტნიორების მიერ, "ადგილობრივი მოსახლეობის განვითარების ინიციატივის" პროექტის ფარგლებში.

Wednesday, July 27, 2016

ტრენინგი "პირველადი გადაუდებელი დახმარების შესახებ"

სიქა განაგრძობს ახალგაზრდული ლიდერებისა და მოხალისეების გადამზადებას პირველადი დახმარების გაწევის კუთხით. 
26 ივლისს სიქა-ს ოფისში სიქა-ს და პარტნიორი ორგანიზაცია EMT-ს მოხალისეებისა და ბანაკის ლიდერებისთვის ჩატარდა ტრენინგი პირველადი გადაუდებელი დახმარების შესახებ. ტრენინგს უძღვებოდა ექიმი ეკა შატაკიშვილი. 
ტრენინგის მონაწილეები გაეცნენ სხვადასხვა კრიტიკულ სიტუაციაში პირველადი გადაუდებელი დახმარების აღმოჩენის ხერხებს და შეასრულეს პრაქტიკული დავალებები, ისაუბრეს საკუთარ გამოცდილებაზე და ექიმისგან მიიღეს სასარგებლო რჩევები.
საერთაშორისო პროგრამა CISV-სთან თანამშრომლობის შედეგად, სიქას ახალგაზრდული ლიდერები სისტემატიურად ეცნობიან CISV-ს 64 წლიან გამოცდილებას ბანაკის მონაწილეთა უსაფრთხოებისა და პირველადი დახმარების გაწევის შესახებ.
სიქას ყოველწლიურ ტრენინგებსა და სამუშაო შეხვედრებზე ახალგაზრდულ ლიდერებს ეძლევათ შესაძლებლობა ერთმანეთს გაუზიარონ ახალი ცოდნა და გამოცდილება, შეიტყონ მეტი პირველადი დახმარების გაწევის ახალი მეთოდების შესახებ.

Wednesday, July 20, 2016

სიქა-ს "ხელნაკეთი ნივთების კლუბის" წევრების ნამუშევრების გამოფენა

სიქა - ს უცხოელი EVS მოხალისეები, რამდენიმე წელია უძღვებიან ხელნაკეთი ნივთების კლუბს, სადაც დაწყებითი კლასების მოსწავლეები ამზადებენ სხვადასხვა საინტერესო და გამოსადეგ ნივთებს. ა/წ 20 ივლისს, რუსთავის კულტურისა და დასვენების პარკში, მოეწყო კლუბის წევრების ნამუშევრების გამოფენა. რუსთაველი ბავშვების წასახალისებლად, გამოფენის პარალელურად პარკში ჩატარდა სხვადასხვა სახალისო აქტივობები, რომლებსაც სიქას-ს უცხოელი და ქართველი მოხალისეები უძღვებოდნენ. აქტივობებში ხალისით ჩაერთვნენ პარკის პატარა და ზრდასრული დამსვენებლები. ფოტოალბომი

Sunday, July 10, 2016

„ფოტომარათონში“ გამარჯვებული ფოტოების გამოფენა


9 ივლისს სიქამ „ფოტომარათონში“ გამარჯვებული ფოტოების გამოფენა მოაწყო რუსთავის პარკის ამფითეატრში.

25 ივნისს სიქას მიერ ორგანიზებულ ფოტომარათონში, რომელიც 15 საათს გრძელდებოდა მონაწილეობა მიიღეს რუსთაველმა და თბილისელმა ახალგაზრდა ფოტომოყვარულებმა. საინტერესო ნამუშევრებს შორის ჟიურიმ ხუთი გამარჯვებული გამოარჩია. ფავორიტი ფოტო ამოარჩია კაფე „ასკილმაც“.
ფოტომარათონის გამარჯვებულთათვის პრიზები დააწესეს კომპიუტერულმა კომპანიამ „ატომი“, ფასდაკლების საიტმა „სვუპი“. ფოტოსალონმა „მაიკო“ გამოფენისათვის დაბეჭდა ყველაზე მეტი „მოწონების“ მქონე ფოტოები, სიქამ კი პირველ და მეორე ადგილზე გასულ მონაწილეებს მისცა შესაძლებლობა მონაწილეობა მიიღონ საერთაშორისო გაცვლით პროექტში.
გამოფენა ერთი თვის განმავლობაში გაგრძელდება კაფე „ასკილში“, სადაც გამოფენილი იქნება ფოტომარათონში მონაწილე 15 ყველაზე პოპულარული ფოტო. ვიდეო

Friday, July 8, 2016

სიქა უცხოელ პარტნიორებთან ერთად იწყებს ახალ პროგრამას

სიქა გერმანულ ორგანიზაცია DRA -სთან ერთად ახორციელებს პროექტს „We Can Do More! - The Development of civic participation of youth in the regions of Ukraine, Georgia and Russia" - „მეტი შეგვიძლია! - ახალგაზრდობის სამოქალაქო მონაწილეობის გაძლიერების ხელშეწყობა უკრაინის, საქართველოსა და რუსეთის რეგიონებში“. პროექტში ასევე ჩართულია უკრაინული არასამთავრობო ორგანიზაცია ქ. კიევიდან „Agency of Educational Policy Development" და არასამთავრობო ინიციატივა „School Projects” სანკტ-პეტერბურგიდან (რუსეთი);

პროექტის მთავარი მიზანია საქართველოს, უკრაინისა და რუსეთის სამოქალაქო საზოგადოების წარმომადგენელთა კვალიფიკაციის ამაღლება ახალგაზრდული მუშაობის მიმართულებით და მათი დახმარებით ამ რეგიონების ახალგაზრდების გააქტიურების ხელშეწყობა, საქართველოს რეგიონებში ახალგაზრდული მონაწილეობის წარმატებული მოდელის U18 (Under 18) გავრცელება. 

Wednesday, June 29, 2016

EMT/SIQA/CISV-Georgia-ს გუნდი გთავაზობთ ინტერაქტიულ-შემეცნებით ბანაკს "ცხრაკლიტული 2"

EMT/SIQA/CISV-Georgia-ს გუნდი გთავაზობთ ინტერაქტიულ-შემეცნებით ბანაკს "ცხრაკლიტული 2".

ინტერაქტიულ-შემეცნებითი ბანაკი "ცხრაკლიტული 2" მათთვის, ვისაც სურს დაუვიწყარი და ემოციებით სავსე 8 დღე გაატაროს, ბორჯომის ხეობაში, 2016 წლის ზაფხულში.
ბანაკი მათთვის, ვისაც სურს ინტერაქტიულ აქტივობებში მონაწილეობა, IQ-ს ამაღლება, ინდივიდუალური და გუნდური მუშაობის უნარების განვითარება რთულ და მოულოდნელ სიტუაციებში. 
ბანაკის მათთვის, ვისაც უბრალოდ სურს გამოცდილ გუნდთან ერთად, კიდევ ერთ ბანაკში მონაწილეობა !

ბანაკის ვადები: 23-30 ივლისი, 2016 წელი;

დაწვრილებითი ინფორმაციის მისაღებად გადადით ბმულზე

სიქას წარმომადგენელმა მონაწილეობა მიიღო უკრაინაში გამართულ სამუშაო შეხვედრაში ახალგაზრდული მუშაკების ცნობადობის შესახებ


23-26 ივნისს სიქას წარმომადგენელი ინგა პაიჭაძე მიწვეული იყო ქ.კიევში ორგანიზებულ სამუშაო შეხვედრაზე ახალგაზრდული მუშაკების ცნობადობის შესახებ "Working meeting on Youth Work Recognition". შეხვედრის ორგანიზატორები იყვნენ SALTO EECA, Erasmus + პროგრამის პოლონეთის ნაციონალური სააგენტო, უკრაინის ახალგაზრდობისა და სპორტის სამინისტრო.

შეხვედრის მიზანი იყო ახალგაზრდული მუშაობისა და არაფორმალური განათლების აღიარების ხელშეწყობა; მჭიდრო საერთაშორისო თანამშრომლობა ევროპისა და აღმოსავლეთ პარტნიორობის ქვეყნებს შორის ახალგაზრდული მუშაკების კვალიფიკაციის ამაღლებისა და არაფორმალური განათლების ინსტრუმენტების აღიარების კუთხით. შეხვედრის მონაწილეები ასევე დაესწრნენ კიევის ახალგაზრდული დღის აღნიშვნისადმი მიძღვნილ სათემო აქტივობებს

სიქა-ს ფოტო მარათონის დაიწყო

შაბათს 25 ივნისს, სიქას ორგანიზებით გაიმართა ფოტო მარათონი.
მარათონის მონაწილეები დილის 10 საათიდან, 15 საათის განმავლობაში იღებდნენ ფოტოებს სხვადასხვა საინტერესო თემებზე. მარათონში გამოგზავნილ ფოტოებს შორის საუკეთესოს შეარჩევს კომპეტენტური ჟიური, გამარჯვებულები მიიღებენ შესაძლებლობას გაემგზავრონ ევროპის რომელიმე ქვეყანაში მოკლევადიან გაცვლით პროგრამაში მონაწილეობის მისაღებად ან მოიპოვონ ფასდაკლებების ვებ-გვერდის „სვუპი“, ტექნიკის მაღაზია "ატომის" ან კაფე "ასკილის" პრიზები.
საუკეთესო ფოტოების გამოფენა მოხდება, შაბათს 9 ივნისს, რუსთავის ახალგაზრდობისა და დასვენების პარკში.

Friday, June 24, 2016

მოსწავლეების ვიზიტი "ჯეოლაბში"

სიქას ორგანიზებით პროგრამის "მომავლის თაობა" სამიზნე სკოლების აქტიურ ბლოგერებს თეთრიწყაროს მუნიციპალიტეტის სოფელ ერტისიდან და გარდაბნის მუნიციპალიტეტის სოფელ ახალი სამგორიდან "ჯეოლაბმა" უმასპინძლა. ბატონმა სანდრო ასათიანმა მოსწავლეებს გააცნო "ჯეოლაბში" შექმნილი ახალი საგანმანათლებლო აპლიკაციები, ესაუბრა ციფრული ტექნოლოგიების მოყვარულთათვის ცოდნის გაღრმავებისა და ახალ პროექტებში ჩართვის შესაძლებლობებზე.

პროგრამის წლიური შემაჯამებელი ღონისძიება ბოლნისში


2016 წლის 21 ივნისს ბოლნისის მუნიციპალიტეტის გამგეობის სააქტო დარბაზში, სიქა-ს ორგანიზებითა და ადგილობრივი თვითმმართველობის მხარდაჭერით, სამოქალაქო განათლების პროგრამის "მომავლის თაობა" 2015-2016 აკადემიური წლის მუშაობის შემაჯამებელი ღონისძიება გაიმართა.
შეხვედრას დაესწრნენ მოსწავლეები და პედაგოგები ბოლნისის, დმანისის, თეთრიწყაროსა და გარდაბნის მუნიციპალიტეტების სამიზნე სკოლებიდან.
მოსწავლეებმა აუდიტორიას გააცნეს საანგარიშო პერიოდში განხორციელებული აქტივობები, მიღწეული წარმატებები და ადგილობრივ თვითმმართველობებთან თანამშრომლობით მოგვარებული სათემო პრობლემები. 

Sunday, June 19, 2016

წლის შემაჯამებელი ღონისძიება მარნეულში

2016 წლის 17 ივნისს მარნეულის მუნიციპალიტეტის გამგეობის საკონფერენციო დარბაზში სამოქალაქო განათლების პროგრამისმომავალი თაობა“ 2015/16 აკადემიური წლის მუშაობის შემაჯამებელი შეხვედრა გაიმართა. შეხვედრას დაესწრნენ სამოქალაქო კლუბების წევრები და პედაგოგები მარნეულისა და გარდაბნის მუნიციპალიტეტების სამიზნე სკოლებიდან, მარნეულის გამგეობის წარმომადგენლები და ადგილობრივი ორგანიზაციის წევრები.
პროგრამის მიმდინარეობაზე და მიღწეულ შედეგებზე ისაუბრა ქვემო ქართლის რეგიონში პროგრამის პარტნიორი ორგანიზაციის სიქა - საგანმანათლებლო ინიციატივების ქართული ასოციაციის აღმასრულებელმა დირექტორმა ინგა პაიჭაძემ, ხოლო რეგიონში სამოქალაქო განათლების პედაგოგთა ფორუმის საქმიანობა წარადგინა ფორუმის კოორდინატორმა ლია ღუღუნიშვილმა.
სამოქალაქო კლუბების წევრებმა აუდიტორიას გააცნეს საანგარიშო პერიოდში განხორციელებული აქტივობები, მიღწეული წარმატებები და ადგილობრივ თვითმმართველობებთან თანამშრომლობით მოგვარებული სათემო პრობლემები. 

Thursday, June 16, 2016

სიქა იწყებს ფოტომარათონს მოყვარული ფოტოგრაფებისთვის

25 ივნისს, მოყვარული ფოტოგრაფებისთვის სიქა იწყებს ფოტომარათონს.
მარათონში მონაწილეობის მიღება შეუძლიათ 16+ ასაკის მქონე ნებისმიერ მსურველს, ინდივიდუალურად ან მეწყვილეთან ერთად. მარათონის ფარგლებში, მონაწილეებმა განსაზღვრულ დროში უნდა გადაიღონ ფოტოები ორგანიზატორების მიერ წინასწარ შერჩეულ თემებზე. შეთავაზებული იქნება 5 სავალდებულო და 10 ბონუს თემა, თითოეულ თემაზე ფოტოს შესაქმნელად მონაწილეებს ექნებათ 3 საათი.
 
დაწვრილებითი ინფორმაცია იხილეთ ბმულზე

ფოტომარათონში მონაწილეობის მსურველებმა უნდა გაიარონ რეგისტრაცია.

Saturday, June 11, 2016

სიქა-ს წარმომადგენელი დაესწრო საერთაშორისო ტრენინგს ისტ ტექნოლოგიების გამოყენებაზე


6-8 ივნისს SALTO EECA მოწვევით სიქას წარმომადგენელი ინგა პაიჭაძე დაესწრო საერთაშორისო ტრენინგს ისტ ტექნოლოგიების გამოყენების შესახებ. ტრენინგები ჩატარდა პოლონეთში ქ. კონსტანცინში. მონაწილეები გაეცნენ ისტ ტექნოლოგიებს, რომლებსაც სიქა აქტიურად გამოიყენებთ ახალგაზრული პროექტების განხორციელებისას. 
ტრენინგი განხორციელდა პროგრამა Erasmus + ფარგლებში.

Saturday, May 28, 2016

EMT/SIQA/CISV-Georgia-ს გუნდი გთავაზობთ ინგლისურ-ქართულენოვან საზაფხულო ბანაკს


EMT/SIQA/CISV-Georgia-ს გუნდი გთავაზობთ ბანაკს ახალი პირობებით და პროგრამით!
ინგლისურ-ქართულენოვანი ბანაკი მათთვის, ვისაც სურს გაიუმჯობესოს ინგლისურ ენაზე კომუნიკაცია და შემოქმედებითი აზროვნება!
ბანაკი მათთვის, ვისაც სურს შემეცნებით აქტივობებში მონაწილეობა და პიროვნული განვითარება!
ბანაკის ვადები: 23-30 ივნისი, 2016 წ.
დეტალური ინფორმაცია და ონლაინ ანკეტა იხილეთ ბმულზე:

Thursday, May 26, 2016

გარდაბნის მუნიციპალიტეტის სკოლების მონაწილეობით ტარდება ტურნირი მინი ფეხბურთში

სიქა აგრძელებს აქტივობების ორგანიზებას ჯანსაღი ცხოვრების წესის ხელშეწყობის კუთხით. გარდაბნის მუნიციპალიტეტის საჯარო სკოლების სამოქალაქო კლუბებს შორის ტარდება ტურნირი მინი ფეხბურთში. 19 მაისს ერთმანეთს შეხვდნენ ჯანდარისა და ნაზარლოს უფროსკლასელი ვაჟები. საფეხბურთო მატჩი ნაზარლოს გუნდის გამარჯვებით დასრულდა.

ფრენბურთის ტურნირი მარნეულის მუნიციპალიტეტის სკოლების მონაწილეობით

სიქა-ს ორგანიზებით და სამოქალაქო კლუბების ინიციატივით მარნეულის მუნიციპალიტეტში ფრენბურთის ტურნირი ჩატარდა. ტურნირის მიზანი იყო ვაჟების გააქტიურება, ჯანსაღი ცხოვრების წესის პოპულარიზაცია და სხვადასხვა სკოლის მოსწავლეთა დაახლოება-დამეგობრება.
აპრილისა და მაისის თვეებში ჩატარებულ ტურნირში მონაწილეობა მიიღო მარნეულის მუნიციპალიტეტის სოფლების: კაჩაგანის, ილმაზლოს, ქეშალოს, კირაჩმუღანლოს, თაქალოს, დამიაგეორარხის, ზემო სარალის და ქვემო სარალის საჯარო სკოლების სამოცამდე უფროსკლასელმა მოსწავლემ.
18 მაისს სოფელ კაჩაგანის #1 საჯარო სკოლის მოედანზე გაიმართა ფინალური შეხვედრა კაჩაგანის #1 და ზემო სარალის სკოლების გუნდებს შორის. ტურნირის ჩემპიონი მასპინძელი, კაჩაგანის #1 საჯარო სკოლა გახდა. ტურნირში მონაწილე ყველა გუნდს გადაეცა გრენბურთის ბადე და ბურთი, გამარჯვებული გუნდი კი დაჯილდოვდა სპეციალური თასით.
ფრენბურთის ტურნირი მოეწყო პროგრამის „მომავლის თაობა“ ფარგლებში. პროგრამას USAID–ის დაფინანსებით ახორციელებს PH International,  სიქა-საგანმანათლებლო ინიციატივების ქართული ასოციაცია წარმოადგენს პროგრამის პარტნიორს ქვემო ქართლის რეგიონში.