Thursday, January 31, 2013

ღონისძიება გენდერულ თანასწორობაზე

"სამოქალაქო განათლებისა და პედაგოგთა გადამზადების პროგრამის" ფარგლებში სიქა-ს სამიზნე სოფ.ვახტანგისის #1 აზერბაიჯანული სკოლის სამოქალაქო კლუბმა "ვიქტორია" 10 დეკემბერს ორგანიზება გაუკეთა სასკოლო ღონისძიებას, რომლის მთავარი თემა გენდერული თანასწორობა იყო.
შეხვედრას ესწრებოდა სოფ.ვახტანგისის რწმუნებული ქ-ნ მარინა ირემაშვილი, სკოლის პედაგოგები, ადმინისტრაცია, სოფლის აზერბაიჯანული თემი. შეხვედრაზე მოსწავლეებმა ქართულ და აზერბაიჯანულ ენებზე ისაუბრეს გენდერულ თანასწორობაზე, აზერბაიჯანელ გოგონებში სრული საშუალო განათლების მიღებისადმი ინტერესის ნაკლებობაზე, ქალების უფლებაზე მიიღონ მაღალი დონის განათლება. შეხვედრას წინ უსწრებდა სამოქალაქო კლუბ "ვიქტორიას" წევრების სათემო აქცია, რომლის ფარგლებში მათ სოფლის მაცხოვრებლებს დაურიგეს ფლაერები მოწოდებით - ხელი შეეწყოთ უფროსკლასელი გოგონებისთვის იარონ სკოლაში და მიიღონ სრული საშუალო განათლება. "გოგოებსაც აქვთ სწავლის უფლება" - ეწერა მათ პოსრტერზე.

სიქა-ს გუნდმა იმსაჯა საპარლამენტო ფორმატის დებატების ტურნირზე

სიქა-ს პარტნიორობითა და თბილისის სახელმწიფო უნივერსიტეტის სტუდენტური თვითმმართველობის განათლებისა და მეცნიერების დეპარტამენტის ორგანიზებით 8-9 დეკემბერს მოეწყო საპარლამენტო ფორმატის დებატების ტურნირი.
250-მდე მსურველიდან ტურნირისთვის შეირჩა 48 მონაწილე.
ტურნირამდე სიქა-ს გუნდმა ორდღიანი ტრენინგები ჩაატარა, რომლის ფარგლებშიც მონაწილეები გაეცნენ საპარლამენტო დებატის სტრუქტურას, წესებს, მიიღეს თეორიული და პრაქტიკული ცოდნა.
გადამზადებულ სტუდენტებს შორის კი მოეწყო ორდღიანი ტურნირი. თამაშებს კი სიქა-ს კვალიფიციური მსაჯები აფასებდნენ.
გამოვლინდა პირველ-მეორე ადგილებზე გასული გუნდები და დასახელდა 5 საუკეთესო მომხსენებელი, რომლებსაც სხვადასხვა პრიზი გადაეცათ.
სტუდენტურმა თვითმმართველობამ სიქა-სთან სამომავლოდ თანამშრომლობის სურვილი გამოთქვა.
P.S.  სიქა აქტიურ თანამშრომლობას აპირებს სხვადასხვა უნივერსიტეტის თვითმმართველობასთან, ასევე სიქა-ს ორგანიზებით იგეგმება მეგობრული ტურნირი საქართველოს სხვადასხვა ქალაქის სტუდენტებს შორის.

ვიზიტი კუმისის სკოლაში

7 დეკემბერს სიქა-ს გუნდი ეწვია გარდაბნის მუნიციპალიტეტის სოფ. კუმისის საჯარო სკოლის სამოქალაქო კლუბს "ქველი". შეხვედრაზე განიხილეს კლუბის მუშაობის სტრატეგია, სამომავლო გეგმები. კლუბის წევრებმა დაიწყეს "სამოქალაქო განათლებისა და პედაგოგთა გადამზადების პროგრამის" ფარგლებში საგრანტო კონკურსისთვის პროექტის წერა.

შეხვედრა სამოქალაქო კლუბ "ქიმერიონთან"

"სამოქალაქო განათლებისა და პედაგოგთა გადამზადების პროგრამის" ფარგლებში სიქა-ს გუნდი 4 დეკემბერს ეწვია გარდაბნის მუნიციპალიტეტის სოფ.ლემშვენიერას საჯარო სკოლის სამოქალაქო კლუბ "ქიმერიონს". შეხვედრას კლუბის აქტიური წევრები, სკოლის ადმინისტრაცია და კლუბის მერვე ესწრებოდნენ. შეხვედრაზე განიხილეს კლუბის საგრანტო პროექტის მიმდინარეობა, დასახეს საგრანტო პროექტისა და საკლუბო მუშაობის სამომავლო გეგმები და ღონისძიებები.

შიდსთან ბრძოლის დღისადმი მიძღვნილი შეხვედრა

1 დეკემბერს სიქა-ს, CISV-Georgia და იმეჯინ კლუბის ორგანიზებით, რუსთავის დემოკრატიული ჩართულობის ცენტრში გაიმართა დისკუსია, რომელიც ეხებოდა შიდსის პრევენციას და მუსიკის როლს ამ დაავადების პრევენციაში.
ღონისძიების მიზანი იყო ახალგაზრდობისთვის ინფორმაციის მიწოდება შიდსის ვირუსზე, დაავადების გადადებისა და პრევენციის შესახებ, ასევე საზოგადოების დამოკიდებულებაზე აივ ვირუსით დაავადებული ადამიანების მიმართ.
დისკუსიაში აქტიურად ჩაერთვნენ ახალგაზრდები. ნაჩვენები იყო ქართული ფილმი "სტიგმა", რომელიც ასახავდა აივ ვირუსით დაავადებული ადამიანის საზოგადოებასთან ურთიერთობის პრობლემას.

"მოზარდებსა და ახალგაზრდებში აივ ინფექციის პრევენციის სათათბიროს" შეხვედრა

სიქა აქტიურად ჩაერთო "მოზარდებსა და ახალგაზრდებში აივ ინფექციის პრევენციის სათათბიროს" მუშაობაში, რომლის ერთ-ერთი დამფუძნებელიცაა. 29 ნოემბერს ორგანიზაცია ბემონის ოფისში გაიმართა სათათბიროს დამფუძნებელთა კრება, რომელსაც უძღვებოდა გაეროსს ბავშვთა ფონდის წარმომადგენელი ქ-ნი თაკო უგულავა. შეხვედრაზე მოხდა სათათბიროს დებულების განხილვა და სამომავლო საქმიანობის დაგეგმვა.

სოც.მედიის ტრენინგები

1-2 დეკემბერს სიქა-ს ოფისში "სამოქალაქო განათლებისა და პედაგოგტა გადამზადების პროგრამის" სამიზენ სკოლების სამოქალაქო კლუბების წევრებს ჩაუტარდათ ტრენინგი სოც.მედიაში. ლემშვენიერას, მარტყოფის, კოდას, ბოლნისისა და რუსტავის სამოქალაქო კლუბების წევრებმა ორდღიანი ტრენინგების განმავლობაში შეისწავლეს ბლოგის შექმნა, სოც.მედიის სხვადასხვა ინსტრუმენტების აქტიური გამოყენება.

Tuesday, January 22, 2013

საკონსულტაციო შეხვედრა თეთრიწყაროს მუნიციპალიტეტის სკოლებთან

30 ნოემბერს "სამოქალაქო განათლებისა და პედაგოგთა გადამზადების პროგრამის" ფარგლებში ქვემო ქართლში პროგრამის კოორდინატორმა ორგანიზაციამ - სიქა ორგანიზება გაუკეთა კიდევ ერთ საკონსულტაციო შეხვედრას საკლუბო მუშაობასა და საგრანტო პროექტების წერასთან დაკავშირებით, ამჯერად თეთრიწყაროს #1 საჯარო სკოლაში. შეხვედრას ესწრებოდა 29 მოსწავლე და 3 პედაგოგი თეთრიწყაროს #1, #2 და ასურეთის საჯარო სკოლებიდან. მონაწილეებს მიეცათ საშუალება დეტალურად გაცნობოდნენ საკლუბო მუშაობის სტრუქტურას, შესაძლებლობებს და სხვა კლუბების გამოცდილებას. ასევე მონაწილეებმა გაიგეს რა სახით უნდა წარადგინონ საკონკურსო პროექტი, როგორ შეადგინონ ბიუჯეტი, დაწერონ სამოქმედო გეგმა და თანამონაწილეობის წერილები.

სიქა-ს მოხალისეები რუმინეთში გაემგზავრნენ

1 ნოემბერს სიქა-ს ორი ქართველი მოხალისე ნათია ფაშურიშვილი და ხატია ნიქაბაძე რუმინეთში გაემგზავრა, სადაც ისინი 10 თვის განმავლობაში იმუშავებენ ევროპული მოხალისეობრივი სერვისის EVS პროგრამის პროექტში. სიქა-ს გუნდი წარმატებებს უსურვებს ქართველ ახალგაზრდებს.

Sunday, January 20, 2013

სემინარი ბუდაპეშტში "Youth Advocacy for Peace Study Session"

2012 წლის 14-20 ოქტომბერს ბუდაპეშტში ჩატარდა "Youth Advocacy for Peace Study Session", რომელშიც მონაწილეობდა სიქას წევრი ლაშა გოჩიაშვილი. სემინარის ორგანიზატორები: UNOY Peacebuilders, CEIPES, SILBA და Fundacio Catalunya Voluntaria. მხარდაჭერილია Council of Europe Youth Department-ის მიერ. მასში მონაწილეობას იღებდა 10 ქვეყნის 25 ახალგაზრდა. მონაწილეებმა შეიმუშავეს საერტო Advocacy Plans. ორგანიზატორების სესიების გარდა ჩატარდა პროექტის 6 მონაწილის მიერ დაგეგმილი სესია, მათ შორის ერთი - ლაშას მიერ სახელწოდებით "How to come up with ideas"/"Technique for Producing creative ideas". სიქა ულოცავს ლაშას ამ წარმატებას.

პროგრამა "Youth in Action" ფარგლებში ტრენინგ კურსი "European Identity and Democracy"

2012 წლის 25.09-3.10 სიქას პარტნიორობით ჰოლანდიურმა ორგანიზაციამ თბილისში პროგრამა "Youth in Action" ფარგლებში ორგანიზება გაუკეთა ტრენინგ კურსს "European Identity and Democracy". ტრენინგის მთავარი თემა არჩევნების სადამკვირებლო მისიის მუშაობა გახლდათ, პროექტში მონაწილეობდა 4 ქვეყნის 35 ახალგაზრდა, მათ შორის 8 ქართველი ახალგაზრდა. პროექტის მონაწილეების საერთაშორისო დამკვირვებლის სტატუსით აკვირდებოდნენ არჩევნების პროცესს თბილისის, რუსთავის, გარდაბნის, მარნეულის და ბოლნისის საარჩევნო უბნებში.

მშვიდობის საერთაშორისო დღე

სიქა შეუერთდა მშვიდობის საერთაშორისო დღეს.  სიქას წარმომადგენლებმა მოიძიეს ინფორმაცია Peace One Day-სთან დაკავშირებით და მოხალისეებს გაუზიარეს. 21 სექტემბერი გაეროს მიერ მშვიდობის საერთაშორისო დღედ არის გამოცხადებული, რომელიც როგორც გაეროს ეგიდით, ასევე მის წევრ სახელმწიფოებში ყოველწლიურად, ძალზე ფართომასშტაბიანად აღინიშნება.

საჯარო დებატი თემაზე "არჩევნებში მონაწილეობა სავალდებულო უნდა იყოს?"

2012 წლის 14 სექტემბერს სიქას ორგანიზებით რუსთავის დემოკრატიული ჩართულობის ცენტრში გაიმართა საჯარო დებატი თემაზე "არჩევნებში მონაწილეობა სავალდებულო უნდა იყოს?". საჯარო დებატებში მონაწილეობა მიიღეს ქვემო ქართლისა და შიდა ქართლის გუნდებმა. დებატებს ესწრებოდნენ ქვემო ქართლისა და შიდა ქართლის სასკოლო სამოქალაქო კლუბების წევრები, საგანმანათლებლო დებატების ექსპერტები, ადგილობრივი მედია. "ძალიან იშვიათი  შემთხვევაა, რომ დღეს ჩვენს საზოგადოებაში იკრიბებოდეს ვინმე და მსჯელობდეს არჩევნებში მონაწილეობის ვალდებულებაზე, არჩევნების ორგანიზების ფორმებზე და სხვა მსგავს  თემებზე. დღევანდელი დებატები გვარწმუნებს იმაში, რომ აქტიური  მოქალაქეების თაობა იზრდება" - განაცხადა შეხვედრის დასასრულს საგანმანათლებლო დებატების ექსპერტმა ქ-მა ნინო ბერიშვილმა.

ტრენინგი: ადამიანის უფლებები და გენდერული თანასწორობა

1 აგვისტოს, სიქას ოფისში რუსთავის საჯარო სკოლების სამოქალაქო კლუბის წევრებისთვის ჩატარდა ტრენინგი თემაზე: ადამიანის უფლებები და გენდერული თანასწორობა.
ტრენინგს გაუძღვნენ სიქას რუმინელი მოხალისეები, თარგმანი ქართულ ენაზე უზრუნველყოფილი იყო.
ტრენინგი 2 საათს გაგრძელდა. ტრენინგის მონაწილეებმა  დეტალური ინფორმაცია მიიღეს გენდერული თანასწორობის შესახებ. 
ტრენინგი დატვირთული იყო როლური თამაშებით, პრეზენტაციებით, დისკუსიით, მოკლემეტრაჟიანი ფილმის ჩვენებით.
მონაწილეებს დაევალათ ნახატით გამოეხატათ ის უფლებები, რომლის გარეშეც ადამინის ცხოვრება წარმოუდგენელი, რის შემდეგაც ნახატების განხილვა მოეწყო.
ყველა მოსწავლე აქტიურად იყო ჩართული სხვადასხვა საკითხზე მსჯელობაში. 
შეხვედრის ბოლოს თითოეულმა მათგანმა ტრენინგი ნაყოფიერად შეაფასა, მათთვის ყველაზე დასამახსოვრებელი ის სტატისტიკა და კონკრეტული ფაქტები აღმოჩნდა, რომლებიც სხვადასხვა ქვეყანაში ფიქსირდება და რომლებიც არსებული ვითარების რეალურ სურათს იძლევა.
გამომდინარე იქიდან, რომ ტრენინგის ყველა მონაწილე ემხრობა გენდერულ თანასწორობას, ტრენინგზე მიღებული ინფორმაცია მათთის მნიშვნელოვანი და ღირებული იყო.
ტრენინგის მიზანია აამაღლოს მონაწილეთა ცოდნა გენდერულ თანასწორობაზე და სწორი წარმოდგენა შეუქმნას მოზარდებს მამაკაცისა და ქალის როლზე საზოგადოებაში.
იხ. ვიდეო

ტრენინგები პროგრამის "ქართული ენა მომავალი წარმატებისათვის მონაწილეთათვის"

2012 წლის 28-29 ივლისს და 4-5 აგვისტოს სიქას ტრენერთა ჯგუფმა ტრენინგები ჩაატარა თემაზე "კულტურული მრავალფეროვნება და თანაცხოვრება" პროგრამის ქართული ენა მომავალი წარმატებისათვის" მონაწილეთათვის.

სიქას მოხალისეებმა მონაწილეობა მიიღეს პროგრამა "Youth in Action"-ის პოლონურ პროექტში

პროგრამა "Youth in Action"-ის ფარგლებში პოლონეთში, ქალაქ ლუბლინში 2012 წლის 11-21 ივლისს პოლონური ორგანიზაცია "European Meeting Centre - Nowy Staw Foundation"-ის მიერ ორგანიზებულ პროექტში "YOUTH FROM THE KITCHEN" მონაწილეობას სიქას ხუთი მოხალისე იღებდა: ლელა ნიკოლაძე, ლაშა კვინიკაძე, მარი ყოლბაია, თამარ ქალხიტაშვილი, ელენე ხუხია.  პროგრამაში მონაწილეობას იღებდნენ ახალგაზრდები 6 ქვეყნიდან: პოლონეთი, საქართველო, მოლდოვა, უკრაინა, ლატვია, საბერძნეთი.პროექტი შეეხებოდა ახალგაზრდების ცოდნისა და გამოცდილების გაზიარებას ნაციონალური კერძების, ჯანსაღი კვებისა და მასთან დაკავშირებულ სხვადასხვა აქტუალურ საკითხებს, ამასთანავე ტრადიციების გაცნობასა და ინტერკულტურული ურთიერთობების გაღრმავებას. პროექტის ბოლო დღეს ექვსივე ქვეყნის მონაწილეებმა ორგანიზება გაუკეთეს ჯანსაღი კვების შესახებ აქციას ლუბლინის ცენტრში Plac Litewski-ზე.

საზაფხულო ბანაკი ბაზალეთში

სიქა-ს ორგანიზებით 2012 წლის 30 ივნისს თავისუფალი უნივერსიტეტის ტრენინგ ცენტრში - ბაზალეთში დაიწყო სამოქალაქო განათლებისა და პედაგოგთა გადამზადების ბანაკის პირველი ნაკადი, რომელშიც მონაწილეობა მიიღო 90 მოსწავლემ და სამოქალაქო განათლების პედაგიგმა საქართველოს 11 რეგიონიდან. ბანაკის სულ სამ ნაკადად გაიმართა 30 ივნისი-5 ივლისი, 20-25 ივლისი, 31 ივლისი- 5 აგვისტო და მასში მონაწილეობა მიიღო 270-ზე მეტმა მონაწილემ საქართველოს ყველა რეგიონიდან.
ბანაკი განხორციელდა "სამოქალაქო განათლებისა და პედაგოგთა გადამზადების პროგრამის" ფარგლებში. ამ პროგრამას აფინანსებს USAID - აშშ საერთაშორისო განვითარების სააგენტო, ხოლო საქართველოში ახორციელებს PH International (პროგრამა ჰარმონია). ბანაკის სამივე ნაკადს ორგანიზება გაუკეთა სიქა-მ, რომელიც ამავდროულად ამ პროგრამის პარტნიორი ორგანიზაციაა ქვემო ქართლის რეგიონში.
იხილეთ ვიდეო 1, ვიდეო 2.

პროგრამა "Youth in Action"-ის ფარგლებში ტრენინგები მოლდოვაში

2012 წლის 8-18 ივნისს პროგრამა "Youth in Action"-ის ფარგლებში მოლდოვაში დანიური ორგანიზაციის მიერ ორგანიზებული ტრენინგ კურსი ჩატარდა, რომელშიც მონაწილეობას იღებდა სიქას სამი აქტიური მოხალისე: მარი სისვაძე, ლევან გორგაძე და ნინო წოწორია. ტრენინგში მონაწილეობას იღებდნენ 20-30 წლის ახალგაზრდები 6 ქვეყნიდან: მოლდოვა, რუმინეთი, საქართველო, ლიტვა, დანია, უკრაინა. ტრენინგ კურსის თემატიკა შეეხებოდა პროექტების წერას, YiA პროგრამას, ეფექტურ კომუნიკაციას, ფონდების მოძიებას, Networking-ს, ორგანიზაციის შექმნას და საბაზისო ელემენტებს, ასევე ინტერკულტურულღონისძიებებს. მონაწილეები ჩამოვიდნენ ახალი საპროექტო იდეებიტა და კონტაქტებით. 

მუსიკალური ფესტივალი "მუსიქუჩა"

2012 წლის 21 ივნისს რუსთავში სიქას მოხალისეების მიერ ორგანიზებული ქუჩის მუსიკალური ფესტივალი "მუსიქუჩა" გაიმართა. ფესტივალი საღამოს 7 საათზე დაიწყო და გვიან ღამემდე გაგრძელდა. საღამოს განმავლობაში ორ სცენაზე პარალელურად ერთმანეთს ენაცვლებოდნენ ბენდები, მუსიკალური სკოლის გუნდები, სოლო მომღერლები და DJ-ები. მთელი საღამოს განმავლობაში მეგობრობის გამზირზე ხალხმრავლობა იყო. 
ფესტივალი რუსთავის თვითმმართველობის, საფრანგეთის საელჩოსა და ბარ "შარკის" მხარდაჭერით გაიმართა.
იხილეთ ვიდეო 

ვიზიტი პრეზიდენტის სასახლეში

2012 წლის 12 ივნისს სიქას ორგანიზებით მოეწყო ვიზიტი პრეზიდენტის სასახლეში. ვიზიტში მონაწილეობა მიიღეს ქვემო ქართლის რეგიონის 8 საჯარო სკოლის (მარნეულის #5, ბოლნისის #5, კუმისის, ასურეთის, რუსთავის #1, #13, #22 და #23) 16 მოსწავლემ და 4-მა სამოქალაქო კლუბის მეურვემ. ამას გარდა, ვიზიტის მონაწილეები იყვნენ სიქას სამუშაო ჯგუფის წარმომადგენლები და ევროპელი მოხალისეები. ვიზიტი მონაწილეებისათვის საკმაოდ შთამბეჭდავი აღმოჩნდა, პრეზიდენტის სასახლის გიდის დახმარებით მონაწილეებმა დაათვალიერეს სასახლის სამივე სართული, კერძოდ: ოთახი, სადაც მოთავსებულია პრეზიდენტის საჩუქრები (სხვადასსხვა ოფიციალური ირის მიერ ნაჩუქარი სამახსოვრო ნივთები), გაეცნენ XI საუკუნის უნიკალური მოოქროვილი ბიბლიის ისტორიას. ეს ბიბლია სრულიად საქართველოს პატრიარქმა უწმინდესმა და უნეტარესმა ილია II-მ უსახსოვრა პრეზიდენტს. ვიზიტისას იხილეს ექვთიმე თაყაიშვილის სახელობის დარბაზი, სადაც იმართება დახურული სხდომები. ვიზიტის ყველა მონაწილე სამახსოვრო პრიზებით დასაჩუქრდა.
სურათები იხილეთ აქ https://www.facebook.com/media/set/?set=a.2882323835657.97773.1786931566&type=1