Wednesday, January 29, 2014

"სამოქალაქო განათლებისა და პედაგოგთა გადამზადების პროგრამის" 2013 წლის ივლისი-დეკემბრის თვეებში შესრულებული აქტივობების შემაჯამებელი ღონისძიება

29 იანვარს   მარნეულის #6 საჯარო სკოლის   გაიმართა  ქვემო ქართლის რეგიონში „სამოქალაქო განათლებისა და პედაგოგთა გადამზადების პროგრამის“  მიმდინარეობის შუალედური შემაჯამებელი  ღონისძიება.
შემაჯამებელ ღონისძიებაზე განხილული იქნა  პროგრამის მიმდინარეობის განმავლობაში ბოლო ნახევარი წლის განმავლობაში მიღწეული შედეგები - სასკოლო სამოქალაქო კლუბების აქტივობები, თანამშრომლობა ადგილობრივ თვითმმართველობასთან, მოსწავლეები ადვოკატირების შედეგად მიღწეული გადაწყვეტილებები, სტაჟირების პროგრამა, მასშტაბური სათემო აქტივობები, ახალგაზრდულ ფორუმზე შემუშავებული და წარმატებით განხორციელებული პროექტები და სხვა.

Sunday, January 26, 2014

უკრაინელი ხალხის არჩევანის სოლიდარობის აქცია რუსთავში

სიქა ერთ-ერთი ორგანიზატორი გახლდათ 25 იანვარს რუსთავში გამართული აქციისა, რომელიც უკრაინელი ხალხის არჩევანის სოლიდარობის ნიშნად გაიმართა. აქცია მოეწყო ქ. რუსთავის ცენტრში.

Thursday, January 23, 2014

„სიქას კინო კლუბი“ ყოველკვირეულად გაიმართება

21 იანვარს 17:00 საათზე სიქა-ს ოფისში ქართველი და ევროპელი მოხალისეების ინიციატივით გაიმართა კინოჩვენება. ნაჩვენები იყო ანიმაციური ფილმი „მონსტრების უნივერსიტეტი“. ფილმის ჩვენებას დაესწრო 15 ადამიანი, მათ შორის ევროპელი მოხალისეები და სიქას სხვადასხვა კლუბში ჩართული მოსწავლეები. ფილმის ჩვენების მიზანი იყო, ახალგაზრდებს განევითარებინათ ინგლისური ენის მოსმენის უნარი. ფილმის დასრულების შემდეგ გაიმართა დისკუსია ინგლისურ ენაზე. რამაც ხელი შეუწყო ახალგაზრდებში ინგლისური ენის სასაუბრო პრაქტიკის ამაღლებას. „სიქას კინო კლუბი“ გაიმართება ყოველკვირეულად სამშაბათ დღეს.

Thursday, January 16, 2014

სიქა ახორციელებს სამოქალაქო ინტეგრაციის ახალგაზრდულ ბანაკს


15 იანვარს, სიქა-ს ორგანიზებით რუსთავში საზეიმოდ გაიხსნა სამოქალაქო ინტეგრაციის ახალგაზრდული ბანაკი. ბანაკი ხორციელდება „სამოქალაქო განათლებისა და პედაგოგთა გადამზადების პროგრამის“ ფარგლებში, რომელსაც აფინანსებს USAID, ახორციელებს PH International, სიქა - საგანმანათლებლო ინიციატივების ქართული ასოციაცია წარმოადგენს პროგრამის პარტნიორ ორგანიზაციას ქვემო ქართლის რეგიონში, სიქა ასევე ახორციელებს სამოქალაქო ინტეგრაციის ახალგაზრდულ ბანაკს.
ხუთდღიან ბანაკში მონაწილეობას იღებს ქვემო ქართლის რეგიონის შვიდივე მუნიციპალიტეტის 24 სკოლა, მათ შორის 12 ქართული და 12 აზერბაიჯანული სკოლები. თითოეული სკოლიდან 3-3 წარმომადგენელს (სამოქალაქო განათლების პედაგოგი და ორი უფროსკლასელი მოსწავლე) ბანაკის განმავლობაში ჩაუტარდებათ ტრენინგები ინტერკულტურული სწავლების, სამოქალაქო აქტივობების დაგეგმვისა და განხორციელების შესახებ. ბანაკში მონაწილეების შეიმუშავებენ მუნიციპალიტეტებში არსებული პრობლემების მოსაგვარებლად კონკრეტულ პროექტებს, რომელთა განსახორციელებლად შესაძლებელი იქნება გრანტის მიღება „სამოქალაქო განათლებისა და პედაგოგთა გადამზადების პროგრამიდან“. პროექტების განხორციელებისას შედგება თანამშრომლობა გადაწყვეტილების მიმღებ პირებთან, ადგილობრივი თვითმმართველობის წარმომადგენლებთან.
სამოქალაქო განათლებისა და პედაგოგთა გადამზადების პროგრამის მიზანია გააუმჯობესოს სამოქალაქო განათლების სასკოლო პროგრამის ხარისხი და გაააქტიუროს ახალგაზრდების მონაწილეობა დემოკრატიული საზოგადოების მშენებლობის პროცესში.

Monday, January 13, 2014

კლუბში "უნარები პროფესიული წარმატებისათვის" ახალი სეზონი იწყება!

კლუბში "უნარები პროფესიული წარმატებისათვის" ახალი სეზონი იწყება!
კლუბის მიზანია დაეხმაროს ახალგაზრდებს შეიძინონ საკუთარი ცხოვრების დაგეგმვის უნარი და გახდნენ მეტად თავდაჯერებულები; მიღებული ცოდნისა და გამოცდილების საფუძველზე უკეთ მოახერხონ გარემოსთან ადაპტირება და გაეზარდოთ თვითრეალიზებისა და დასაქმების შანსები.
კლუბში მონაწილეობით დაინტერესებულ პირებს შეუძლიათ მეტი შეიტყონ კლუბის შესახებ და შეავსონ ონლაინ განაცხადი მოცემულ ბმულზე:
https://docs.google.com/forms/d/14PLxUlIQwnOb3CGeVgiUFN9oO9FMv-_0p6zJfNvLnGY/viewform
განაცხადის შევსება შესაძლებელია იანვრის ბოლომდე.
კლუბი მუშაობას იწყებს თებერვლის თვიდან.

სიქა-ს საშობაო კარნავალი

2014 წლის 6 იანვარს სიქა-ს მოხალისეების ორგანიზებით საშობაო კარნავალი მოეწყო, რომელშიც რუსთავის, თბილისის და სხვა ქალაქების ახალგაზრდები იღებდნენ მონაწილობას.