10 მაისს სიქას ორგანიზებით, გარდაბნის მუნიციპალიტეტის გამგებელი გოჩა ჯამარაული პროგრამის "მომავლის თაობა" სამიზნე სკოლების მოსწავლეებს შეხვდა.
შეხვედრა გაიმართა გარდაბნის მუნიციპალიტეტის გამგეობაში. გარდაბნის მუნიციპალიტეტის სოფლების: კალინინოს, ჯანდარას, ნაზარლოსა და გარდაბნის #4 საჯარო სკოლების სამოქალაქო კლუბების წევრებმა გამგებელს გააცნეს პროგრამა “მომავლის თაობა” და მის ფარგლებში მუნიციპალიტეტში განხორციელებული და დაგეგმილი აქტივობები. სამოქალაქო კლუბების წევრებმა თავად ისაუბრეს მათ სკოლასა და თემში არსებულ პრობლემებზე და გამგებელს მათ მოსაგვარებლად თანამშრომლობა სთხოვეს. ნაზარლოს სკოლის სამოქალაქო კლუბმა გამოკვეთა სოფლის დედაქალაქთან დამაკავშირებელი ტრანსპორტის არ არსებობის, მაწანწალა ძაღლებისა და სკოლასთან სანაგვე ურნის არ არსებობის პრობლემა. კალინინოს სკოლის სამოქალაქო კლუბის წევრებმა გამგებელს სკოლასთან არსებულ გზაზე მწოლიარე პოლიციელის დამონტაჟებასთან დაკავშირებით სთხოვეს დახმარება, ჯანდარელმა ახალგაზრდებმა სკოლაში სპორტული დარბაზისა და მოედანის საჭიროებაზე ისაუბრეს, გარდაბნის მე - 4 სკოლამ კი აღნიშნა რომ მათ სკოლაში ყველაზე მწვავე წყლის პრობლემაა .გამგებელი კლუბის წევრებს აქტიურ თანამშრომლობასა და მათ მიერ ჩამოთვლილი პრობლემების მოგვარებაში დახმარებას დაპირდა.
გარდაბნის მუნიციპალიტეტის გამგეობა და პირადად ბატონი გოჩა ჯამარაული აქტიურად დაუჭერენ მხარს სიქას ორგანიზებით გარდაბნის მუნიციპალიტეტში დაგეგმილ საფეხბურთო ტურნირს, რომელშიც პროგრამაში ჩართული სკოლები მიიღებენ მონაწილეობას. გოჩა ჯამარაულის ფონდიდან გამოიყოფა თანხა თასის დასამზადებლად, რომელიც ჩემპიონატში გამარჯვებული სკოლის გუნდს გადაეცემა.
