კვირეული „ერთი კვირა პოლიეთილენის პარკის გარეშე“ 22 ივნისამდე გაგრძელდება

16 ივნისს გაიხნა კვირეული „ერთი კვირა პოლიეთილენის პარკის გარეშე“ რომელიც 22 ივნისამდე გაგრძელდება. 

კვირეული თბილისის ზოოპარკში გაიხსა. მთელი დღის განმავლობაში აქციის ორგანიზატორებმა დაინტერესებული პირებისთვის ჩაატარეს ვორქშოფები თუ როგორ უნდა მოვქსოვოთ მეორადი პოლიეთილენის პარკებისგან ჩანთა, რომელიც პროდუქტების შეძენისას ახალ პოლიეთილენის პარკებს ჩაანაცვლებს. 

აქციის ორგანიზატორები მოსახლეობას მოუწოდებენ, შევამციროთ პოლიეთილენის პარკების მოხმარება და ამ გზით ვიზრუნოთ გარემოზე. 

შუა დღეს აქციას შეუერთდა გარემოსა და ბინებრივი რესურსების დაცვის მინისტრი ქალბატონი ხათუნა გოგალაძე, რომელიც აქციის მიმდინარეობას გაეცნო და ორგანიზატორებს მხარდაჭერა გამოუცხადა. 

კვირეული დაიხურება, 22 ივნისს, მცხეთაში სადაც მოეწყობა ეკო-აქცია, რომელიც უზრუნველყოფილი იქნება გარემოს დაცვისა და ბუნებრივი რესურსების სამინისტროს მიერ. ეკო-აქციის დროს "EMT - განათლებისა და მართვის გუნდის" მიერ გაიმართება გარემოს დაცვისა და ეკო ცნობიერების ამაღლების შემეცნებით-გასართობი აქტივობები.

აქციის მიზანია მოსახლეობაში ამაღლდეს ეკოცნობიერების დონე, ნაკლებად მოიხმარონ პოლიეთილენის ახალი პარკები და გამოიყენოს მრავალჯერადი ჩანთები და/ან მეორადი პარკები.

საქართველოში კვირეულის ორგანიზატორები არიან:

EMT-განათლებისა და მართვის გუნდი www.ltdemt.blogspot.com

სიქა - საგანმანათლებლო ინიციატივების ქართული ასოციაციაwww.siqa.org.ge

საქართველოს გარემოსა და ბუნებრივი რესურსების დაცვის სამინისტროwww.moe.gov.ge

მხარდამჭერები არიან:

თბილისის ზოოპარკი www.zoo.ge

რადიო „პოზიტივი“ http://positivfm.ge/