სტუმრები სამოქალაქო განათლების საგაზაფხულო ბანაკში

27 აპრილს სიქა-ს მიერ ორგანიზებულ სამოქალაქო განათლების საგაზაფხულო ბანაკს სტუმრობდნენ PH International-ის პიარ მენეჯერი მანანა ყუბანეიშვილი და ორგანიზაცია „ანიკას“ დირექტორი ირინა ინასარიძე. ქ-მა მანანამ ისაუბრა სამოქალაქო განათლებისა და პედაგოგთა გადამზადების პროგრამის ფარგლებში მიღწეულ წარმატებებზე, სამოქალაქო კლუბების აქტივობებზე, სამომავლო გეგმებზე. ქ-ნი ირინას ორგანიზაცია შშ პირების პრობლემების მოგვარების ხელშეწყობაზე მუშაობს, საუბრის თემაც შეზღუდული შესაძლებლობების მქონე პირთა თვითრეალიზებისა და სოციალიზაციის ხელშეწყობა გახლდათ. საქართველოს სხვადასხვა რეგიონების სასკოლო სამოქალაქო კლუბების ლიდერებმა გაუზიარეს „ანიკას“ წარმომადგენლებს საკუთარი გამოცდილება და მათგან მიიღეს კონკრეტული რჩევები, თუ როგორ შეიძლება დაეხმარონ სპეციალური საჭიროებების მქონე ადამიანებს.

მოწვეული სტუმრები სამოქალაქო განათლების საგაზაფხულო ბანაკის პროგრამის ნაწილია, 28 და 29 მაისს ბანაკის მონაწილეებს კიდევ ელით შეხვედრები საინტერესო ადამიანებთან.

სამოქალაქო განათლების საგაზაფხულო ბანაკი 2014 დაიწყო

26 აპრილს სიქამ დაიწყო სამოქალაქო განათლების საგაზაფხულო ბანაკი წყალტუბოში. ბანაკის ბენეფიციარია 300 მონაწილე საქართველოს 11 რეგიონიდან, მათ შორის 267 მოსწავლე და 33 სამოქალაქო განათლების პედაგოგი. თითეულ ნაკადზე ბენეფიციარებთან იმუშავებს ლიდერებისა და ტრენერების 14 კაციანი გუნდი, ყოველ ნაკადზე ბანაკს ეწვევა 3 მოწვეული სტუმარი, მათ შორის სხვადასხვა სამინისტროების წარმომადგენლები, ცნობილი ადამიანები (მწერლები, სპორტსმენები, მსახიობები), საერთაშორისო ორგანიზაციების წარმომადგნელები, რომლებიც ახალგაზრდებთან ისაუბრებენ აქტიური მოქალაქობრივი პოზიციის მნიშვნელობაზე. ბანაკის სამივე ნაკადში მონაწილეთა რაოდენობა 350-ს გადააჭარბებს. ბანაკი ორგანიზებულია "სამოქალაქო განათლებისა და პედაგოგთა გადამზადების პროგრამის" ფარგლებში, რომელსაც აფინანსებს USAID. პროგრამას საქართველოში ახორციელებს ორგანიზაცია PH International. პროგრამის ფარგლებში სამოქალაქო ბანაკს სიქა უკვე მეოთხე წელია მასპინძლობს. გასული სეზონების განმავლობაში ბანაკში უკვე მიიღო მონაწილეობა 700-დე მონაწილემ. წელს სამოქალაქო განათლების ბანაკის ბენეფიციართა საერთო რაოდენობა უკვე 1000-ს მიაღწევს.

სიქა-ს ორგანიზებით გარემოს დასუფთავების მასშტაბური აქცია მოეწყო

25 აპრილს რუსთავის სასკოლო სამოქალაქო კლუბების წევრებმა და თემის წარმომადგენლებმა დედამიწის საერთაშორის დღე აღნიშნეს და  გარემოს დასუფთავების მასშტაბური აქცია მოაწყვეს. აქციას ორგანიზება გაუკეთა სიქა-მ.

აქციის ფარგლებში დასუფთავდა რუსთავის დასვენების პარკის გასწვრივ მტკვრის სანაპირო ზოლი, რომელიც სავალალო მდგომარეობაშია, სანაპირო დაბინძურებული იყო  პლასტიკური  ბოთლებითა და სხვადასხვა საყოფაცხოვრებო ნარჩენებით.

რუსთავის სამოქალაქო კლუბების დასუფთავების ინიციატივას  მხარდაჭერა გამოუცხადა საქართველოს მწვანეთა მოძრაობამ და მისმა თავმჯდომარემ ქალბატონმა ნინო ჩხობაძემ, რომელმაც  აქტივობის ორგანიზატორებს  დასასუფთავებლად საჭირო ინვენტარი: ხელთათმანები და პარკები გადასცა.

აქციის ადგილზე მოვიდნენ რუსთავის მერის მოადგილე გიგი ტაბატაძე და ინფრასტრუქტურის  სამსახურის უფროსი გია არჩვაძე, რომლებმაც რუსთაველ სამოქალაქო კლუბების წევრებს  მადლობა გადაუხადეს აქტიურობისთვის.

მერიის მხარდაჭერით აქციის დასასრულს სპეციალურმა მანქანამ შეგროვილი ნარჩენები გაიტანა.

აქციაში მონაწილეობა მიიღო რუსთავის კლუბების   წევრებმა, სიქა-ს უცხოელმა მოხალისეებმა და რუსთავის მოსახლეობამ.

ვიზიტი საქართველოს პარლამენტის ეროვნულ ბიბლიოთეკაში

სიქა-ს ორგანიზებით, 24 აპრილს რუსთავის სასკოლო სამოქალაქო კლუბების   წევრები  ესტუმრნენ  საქართველოს პარლამენტის  ეროვნულ ბიბლიოთეკას. მონაწილეებმა გაიგეს ბიბლიოთეკის  შექმნის, განვითარებისა და  ძველი თბილისის ისტორიები.

გიდმა, ქალბატონმა ნინო გედენიძემ მონაწილეებს დაათვალიერებინა საგამოფენო დარბაზი, რომელიც დახვეწილი გემოვნებითა და არქიტექტურის რამოდენიმე  მიმდინარეობის ნაზავითაა შექმნილი, ასევე დაათვალიერეს გერმანული, ფრანგული და ქართული ლიტერატურის სამკითხველო დარბაზები, სადაც თავმოყრილია ძალიან საინტერესო წიგნები. მიიღეს კონკრეტული რჩევები წიგნის გამოტანის შესახებ და ასევე ბიბლიოთეკის ვებგვერდზე ელექტრონულად მოძიების შესახებ.

მონაწილეებს მიეცათ უნიკალური შანსი ენახათ უძველესი ხელნაწერი და ბეჭდვითი წიგნები, რომლებიც თითო-თითო ეგზემპლიარი არის შემონახული.

          ვიზიტი შედგა "სამოქალაქო განათლებისა და პედაგოგთა გადამზადების პროგრამის" ფარგლებში, რომელსაც USAID დაფინასებით ახორციელებს PH International. სიქა წარმოადგენს პროგრამის პარტნიორს  ქვემო ქართლის რეგიონში.

ვიზიტი "ქარვასლაში"

23 აპრილს, სიქას Access- ინგლისური ენის ხელმისაწვდომობის პროგრამის მონაწილე გუნდი ეწვია თბილისის ისტორიულ მუზეუმს „ქარვასლა“, სადაც მოინახულეს ამერიკული დასავლეთის გამოფენა. გამოფენა ორგანიზებულია აშშ-ს საელჩოს მიერ ამერიკული კულტურის ფესტივალის ფარგლებში. Access- ინგლისური ენის ხელმისაწვდომობის პროგრამაში 25 რუსთაველი მოსწავლეა ჩართული მოწყვლადი ოჯახებიდან. მოსწავლეები 2 წლის განმავლობაში პროფესიონალი მასწავლებლის დახმარებით იღრმავებენ ინგლისური ენის ცოდნის დონეს.

სიქა "სამოქალაქო განათლების საგაზაფხულო ბანაკი - 2014"-ისთვის ემზადება

სიქას ლიდერების გუნდი 19 აპრილს წყალტუბოს ეწვია, სადაც სასტუმრო სპა-რესორტში, 2014 წლის 26 აპრილიდან 27 მაისამდე სიქა უმასპინძლებს "სამოქალაქო განათლების საგაზაფხულო ბანაკი - 2014-ს". ბანაკის ბენეფიციარია 300 მონაწილე საქართველოს 11 რეგიონიდან, მათ შორის 267 მოსწავლე და სამოქალაქო განათლების 33 პედაგოგი. თითეულ ნაკადზე ბენეფიციარებთან იმუშავებს ლიდერებისა და ტრენერების 14 კაციანი გუნდი, ყოველ ნაკადზე ბანაკს ეწვევა 3 მოწვეული სტუმარი, მათ შორის სხვადასხვა სამინისტროების წარმომადგენლები, ცნობილი ადამიანები (მწერლები, სპორტსმენები, მსახიობები), საერთაშორისო ორგანიზაციების წარმომადგნელები, რომლებიც ახალგაზრდებთან ისაუბრებენ აქტიური მოქალაქეობრივი პოზიციის მნიშვნელობაზე. ბანაკის სამივე ნაკადში მონაწილეთა რაოდენობა 350-ს გადააჭარბებს. ბანაკი ორგანიზებულია "სამოქალაქო განათლებისა და პედაგოგთა გადამზადების პროგრამის" ფარგლებში, რომელსაც აფინანსებს USAID. პროგრამას საქართველოში ახორციელებს ორგანიზაცია PH International. პროგრამის ფარგლებში სამოქალაქო ბანაკს სიქა უკვე მეოთხე წელია მასპინძლობს. გასული სეზონების განმავლობაში ბანაკში უკვე მიიღო მონაწილეობა 700-დე მონაწილემ. წელს სამოქალაქო განათლების ბანაკის ბენეფიციართა საერთო რაოდენობა უკვე 1000-ს მიაღწევს.

სიქა-ს დელეგაცია მაკედონიაში

სიქა-ს დელეგაციამ მონაწილეობა მიიღო საერთაშიროსო გაცვლით პროგრამაში "Migration is not a crime", რომელიც მაკედონიაში გაიმართა. ახალგაზრდულ პროექტში მონაწილეობას იღებდნენ ახალგაზრდები ევროპის სხვადასხვა ქვეყნებიდან: ესპანეთი, პოლონეთი, სერბეთი, მოლდოვეთი, უკრაინა, მაკედონია, თურქეთი და საქართველო. გაცვლითი პროექტის მთავარი თემა ახალგაზრდების მობილობა გახლდათ. 

სიქა-ს დელეგაცია ესპანეთში გაემგზავრა საერთაშორისო ახალგაზრდულ გაცვლით პროექტში "Permavera Youth Exchange" მონაწილეობის მისაღებად

11 აპრილს სიქა-ს დელეგაცია 5 ახალგაზრდის შემადგენლობით გაემგზავრა ესპანეთში საერთაშორისო ახალგაზრდულ გაცვლით პროექტში "Permavera Youth Exchange" მონაწილეობის მისაღებად. პროექტის მიმდინარეობის 10 დღის განმავლობაში ესპანელი, იტალიელი, ქართველი და სერბი ახალგაზრდები ერთობლივად განახორციელებენ ინტერკულტურულ და საგანმანათლებლო აქტივობებს. პროექტის მთავარი თემა მდგრადი განვითარების ხელშეწყობა და ამ პროცესში ახალგაზრდების ჩართულობის ამაღლებაა.

რუსთავში ქვემო ქართლის სამოქალაქო ინტეგრაციის ახალგაზრდული ბანაკის შემაჯამებელი ფორუმი გაიმართა

10 აპრილს რუსთავში ქვემო ქართლის სამოქალაქო ინტეგრაციის ახალგაზრდული ბანაკის შემაჯამებელი ფორუმი გაიმართა.  ფორუმს დაესწრო ბანაკის მონაწილე 24 (მათ შორის 12 ქართული და 12 აზერბაიჯანული) სკოლის სამოქალაქო კლუბის მეურვეები, მოსწავლეები, პარტნიორი სკოლების წარმომადგენლები. ბანაკის განმავლობაში მონაწილეებმა ტრენერებისა და ლიდერების ფასილიტაციით მუნიციპალიტეტებში არსებული პრობლემების მოსაგვარებლად 10 პროექტი შექმნეს, რომელთაგან ბანაკის ფარგლებში 1300$ ოდენობის გრანტი გაიცა 7 პროექტზე. შედეგად ქვემო ქართლის ყველა მუნიციპალიტეტში მოსწავლეების ძალისხმევით თითო, თემისათვის მნიშვნელოვანი, პრობლემა მოგვარდა: ქ. რუსთავში მე-12 მკრ-ნთან გზაზე მოეწყო წრიული და დაიდგა 9 საგზაო ნიშანი; წალკის მთავარ ქუჩაზე, სადაც საბავშვო ბაღი და სკოლაა განთავსებული, და ბოლნისის 4 ქუჩაზე მოეწყო მოძრაობის შემაფერხებელი ბარიერები, დაიდგა საგზაო ნიშნები; მარნეულში რუსთაველის ქუჩაზე  134 შენობაზე განთავსდა  მისამართის აბრები; მარტყოფში შეკეთდა და შემოიღობა სასმელი წლის ავზი, რომლიდან მიწოდებული წყლით 3000-ზე მეტი მოსახლე სარგებლობს, დმანისის სპორტულ მოედანზე მოეწყო ორი დამხმარე ნაგებობა -  გასახდელი სპორტსმენებისათვის.

ფორუმს ესწრებოდნენ პროგრამის განმხორციელებელი ორგანზაცია PH International-ის წარმომადგენლები, ქ. რუსთავის მერი დავით  ჯიქია  და მერის მოადგილე გიორგი ტაბატაძე,  დმანისის საკრებულოს თავჯდომარე ნოდარი ადუაშვილი. მოსწავლეებმა დამსწრე საზოგადოებას წარუდგინეს განხორციელებული პროექტების ანგარიში, ნაჩვენები იქნა ფილმი ბანაკის მიმდინარეობისა და შედეგების შესახებ.

ქ. რუსთავის მერმა დ. ჯიქიამ და დმანისის საკრებულოს თავჯდომარემ ნ. ადუაშვილმა აღფრთოვანება გამოთქვეს მოსწავლეების აქტიური მოქალაქობრივი პოზიციით და მომავალშიც დიდი მხარდაჭერა და თანადგომა გამოუცხადეს თემის საჭიროებების მოსაგვარებლად დაგეგმილი აქტივობების განხორციელებაში.

კლუბმა "უნარები პროფესიული წარმატებისთვის" გასვლითი ღონისძიება თუშეთში მოაწყო

6 აპრილს, სიქას კლუბმა "უნარები პროფესიული წარმატებისთვის" გასვლითი ღონისძიება თუშეთში მოაწყო.

ჩარგალში, ვაჟა-ფშაველას სახლ-მუზეუმის დათვალიერების შემდეგ, კლუბის წევრებისთვის დიდი თამაში მოეწყო. მონაწილეებს მიეცათ მინიშნებები, რომლის მიხედვითაც უნდა ეპოვნათ პუნქტები, სადაც გუნდს სხვადასხვა დაბრკოლებების შესრულება მოუწია.

გუნდმა დროულად და წარმატებით შეასრულა ყველა დავალება.

დიდი თამაშის შემდეგ მოეწყო განხილვა, თუ როგორ იმუშავეს კლუბის წევრებმა, როგორც ერთმა გუნდმა და იმსჯელეს რა არის მთავარი გუნდური მუშაობის დროს, რომ ეფექტური შედეგი მივიღოთ. 

დღე კი სურნელოვანი მწვადებითა და ცეკვა-სიმღერით დასრულდა.

ახალგაზრდული ფორუმის პროექტით რუსთავის სკოლების სპორტული ინვენტარით მომარაგება

2013 წლის 30 ნოემბერს სიქა-ს მიერ სამოქალაქო განათლებისა და პედაგოგთა გადამზადების პროგრამის ფარგლებში რუსთავში ორგანიზებულ ახალგაზრდულ ფორუმზე, რუსთავის სამოქალაქო კლუბების წევრებმა ქალაქში არსებული პრობლემებიდან ერთ-ერთ მნიშვნელოვან პრობლემად სპორტული მოედნების მოუწესრიგებლობა დაასახელეს, რის გამოც მოქალაქეებს შორის ნაკლებად ხდება ჯანსაღ ცხოვრების წესის პოპულარიზაცია და ხელშეწყობა. პრობლემის მოსაგვარებლად შერჩეული იქნა რუსთავის ოთხი სამიზნე სკოლა, რომლებიც გამოირჩევიან სამოქალაქო აქტიურობის სიმრავლით და ამავდროულად, მათი სპორტული მოედანი საჭიროებს გარკვეულ რეაბილიტაციას. მოხდა შერჩეული სკოლების საჭიროების კვლევა, რის საფუძველზეც მათთვის შეძენილი იქნა საკალათბურთ ფარები და ფრენბურთის ბადეები. 

3 აპრილს რუსთავის რუსთავის #4, #11, #23, #24 სკოლებს გადაეცათ სპორტული ინვენტარი, იმავე დღეს თემის წევრების, სკოლის ადმინისტრაციისა და მოსწავლეების ჩართულობით მოხდა ფარებისა და ბადეების დამონტაჟება. რუსთავის #11 სკოლაში დაიგეგმა ჯანსაღი ცხოვრების წესის ხელშემწყობი კვირეული.

საქველმოქმედო გამოფენა-გაყიდვა პროექტის "ხელმარჯვე ოსტატის" ფარგლებში

7 აპრილს მარნეულის #3 სკოლამ მცირე საგრანტო პროექტის “ხელმარჯვე ოსტატები“ ფარგლებში საქველმოქმედო გამოფენა-გაყიდვა მოაწყო. ღონისძიებისთვის ფართი უსასყიდლოდ გამოყო მარნეულის კულტურის სახლმა.

მოსწავლეებმა წარმოადგინეს თავიანთი ხელით დამზადებული სამკაულები და აქსესუარები. გამოფენა გაყიდვის მეორე ეტაპი, მარნეულის შემდეგ, იგეგმება თბილისში,  კავკასიურ სახლში.  გამოფენა-გაყიდვიდან შემოსული თანხა იაშვილის სახელობის ბავშვთა საავადმყოფოს გადაეცემა. 

მცირე საგრანტო პროექტების კონკურსი ტარდება "სამოქალაქო განათლებისა და პედაგოგთა გადამზადების პროგრამის" ფარგლებში, რომელსაც ახორციელებს ორგანიზაცია PH International აშშ საერთაშორისო განვითარების სააგენტოს (USAID) დაფინანსებით, სიქა წარმოადგენს პროგრამის პარტნიორს ქვემო ქართლის ფარგლებში. 

პროექტის "უსაფრთხო გარემოს" შემაჯამებელი შეხვედრა

მარნეულის #5 საჯარო სკოლამ განახორციელა მცირე საგრანტო პროექტი „უსაფრთხო გარემო“, რითაც სკოლას აქტუალური პრობლემა მოუგვარდა. წვიმის დროს შესასვლელში ისეთი გუბე დგებოდა, რომ სკოლაში შესვლა უსაფრთხო აღარ იყო.  პროექტის ფარგლებში მოწესრიგდა სკოლაში შესასვლელი, მოსწავლეების და მშობლების დახმარებით დაიგო ფილაქანი და ახლა მოსწავლეებს და უფროსებს სკოლაში შესვლა ნებისმიერ ამინდში უსაფრთხოდ შეუძლიათ.

7 აპრილს მარნეულის მუნიციპალიტეტის შენობაში შედგა პროექტის შემაჯამებელი შეხვედრა. შეხვედრას ესწრებოდნენ სამოქალაქო კლუბის აქტიური წევრები, ადგილობრივი თვითმმართველობის,  სკოლის და სიქა - საგანმანათლებლო ინიციატივების ქართულ ასოციაციის წარმომადგენლები. მოსწავლეებმა სტუმრებს წარუდგინეს პროექტის მიმდინარეობის ამსახველი მასალა, ისაუბრეს სამომავლო გეგმებზე. თავის მხრივ, ადგილობრივი თვითმმართველობის წევრები სამომავლოდაც დაპირდნენ თანადგომას საზოგადოებისთვის სასარგებლო აქტივობების განხორციელებისას.

მცირე საგრანტო პროექტების კონკურსი ტარდება "სამოქალაქო განათლებისა და პედაგოგთა გადამზადების პროგრამის" ფარგლებში, რომელსაც ახორციელებს ორგანიზაცია PH International აშშ საერთაშორისო განვითარების სააგენტოს (USAID) დაფინანსებით, სიქა წარმოადგენს პროგრამის პარტნიორს ქვემო ქართლის ფარგლებში. 

პროექტი "სადაც დაღლა, იქ დასვენებაა!" თეთრიწყაროს მუნიციპალიტეტში წარმატებით მიმდინარეობს

სიქას მიერ "სამოქალაქო განათლებისა და პედაგოგთა გადამზადების პროგრამის " ფარგლებში ორგანიზებულ სამოქალაქო ინტეგრაციის ახალგაზრდულ ბანაკში თეთრიწყაროს მუნიციპალიტეტიდან ქ. თეთრიწყაროს #1 და კოდის საჯარო სკოლის სამოქალაქო კლუბების აქტიური წევრები იყვნენ ჩართულნი. ახალგაზრდები მუნიციპალიტეტში არსებული პრობლემების რანჟირებისას თეთრიწყაროსა და კოდისათვის აქტუალურ საერთო პრობლემაზე შეჯერდნენ: შეექმნათ ქ.თეთრიწყაროს საზოგადოებრივი სტადიონის 1000 -მდე მომხმარებელისა და კოდის საჯარო სკოლის 500 მოსწავლის, მათ მშობლებისა და პედაგოგებისათვის დასვენებისათვის ხელსაყრელი პირობები.

ახალგაზრდებმა თანამშრომლობისათვის მიმართეს თეთრიწყაროს ადგილობრივ თვითმმართველობას, მათ მხარდაჭერითა და ხელშეწყობით, თემის წევრებისა და კლუბის წევრების აქტიური ჩართვით მოხერხდა ორივე სკვერის დასუფთავება და რეაბილიტაცია. თეთრიწყაროს ადგილობრივი თვითმმართველობა კლუბებს დაეხმარა სკვერების სარემონტო მასალის ტრანსპორტირებაში, ასევე იგეგმება განახლებულ სკვერებში ახალი ნარგავების გაშენება.

პროექტი "გზა გავუკვალოთ ჯანსაღ თაობას" წარმატებით განხორციელდა

დმანისის #3 და იაღუფლოს საჯარო სკოლების სამოქალაქო კლუბების წევრები და კლუბის მეურვეები დმანისის საკრებულოს თავჯდომარესთან ნოდარ ადუაშვილთან ერთად 

5 აპრილს სიქა-ს წარმომადგნელები დაესწრნენ დმანისში საფეხბურთო ტურნირს, რომელიც „სამოქალაქო ინტეგრაციის ახალგაზრდული ბანაკის“ შედეგად განხორციელებული პროექტის „გზა გავუკვალოთ ჯანსაღ თაობას“ ფარგლებში მოეწყო. ტურნირში ერთმანეთს შეხვდნენ დმანისის #1 და #3, ჯავახის, იაღუფლოს, განთიადისა და ზემო ოროზმანის სკოლების საფეხბურთ გუნდები.

სამოქალაქო ინტეგრაციის ახალგაზრდულ ბანაკში დმანისის მუნიციპალიტეტიდან ორი სკოლა - ერთი ქართული და ერთი აზერბაიჯანული სკოლის მოსწავლეები და კლუბის მეურვეები იღებდნენ მონაწილეობას. ბანაკის მიმდინარეობისას მონაწილეებმა დმანისის მუნიციპალიტეტში არსებული პრობლემებიდან განსაკუთრებით გამოყვეს დმანისის სპორტულ მოედანზე სპორტსმენებისათის გასახდელი ნაგებობის სავალალო მდგომარეობა, რაც მნიშვნელოვნად უშლიდა ხელს სპორტული აქტივობების ორგანიზებას, ახალგაზრდებში ჯანსაღი ცხოვრების წესის პოპულარიზაციას.

ვიზიტი ინტელექტუალური საკუთრების ეროვნულ ცენტრში

3 აპრილს, სიქა-ს ორგანიზებით „სამოქალაქო განათლებისა და პედაგოგთა გადამზადების პროგრამის“ ფარგლებში შედგა მორიგი საინტერესო და ინფორმაციული ვიზიტი ინტელექტუალური საკუთრების  ეროვნულ ცენტრში,“ საქპატენტში“. სადაც ხდება ყველანაირი ინტელექტუალური საკუთრების დაცვა, რეგისტრაცია მთელი ქვეყნის მასშტაბით. მაგ: გამოგონებების, საავტორო უფლებების, ბრენდების სახელების და ა.შ.

ცენტრის თამანშრომელი,  ვიზიტორებს ესაუბრა ქართული გამოგონებების ბრენდების სახელების (ღვინოების, მინერალური წყლების და  სხვა) რეგისტრაციის და საავტორო უფლებების შესახებ.  ვიზიტორებმა დაათვალიერეს ცენტრში არსებული ბიბლიოთეკა, მარანი და სტუმრების მისაღები სივრცე.

ცენტრის თავმჯდომარემ ბატონმა  ირაკლი ღვალაძემ  გააცნო მონაწილეებს საქპატენტის მუშაობის სპეციფიკა და მიმართულებები.

ვიზიტის ბოლოს ცენტრის თანამშრომლები მონაწილეებს გაუმასპინძლდნენ ლანჩით.

ვიზიტორი სკოლები იყვნენ: რუსთავის #1, #9, #15 #20, #21, #23 და #26 სკოლების სამოქალაქო კლუბების წევრები.

შეხვედრა საქართველოს ფოტოგრაფთა ასოციაციის წარმომადგენლებთან

2 აპრილს, რუსთავის დემოკრატიული ჩართულობის ცენტრში, სიქა-საგანმანათლებლო ინიციატივების ქართული ასოციაციის ორგანიზებით, შედგა ძალიან საინტერესო შეხვედრა საქართველოს ფოტოგრაფთა ასოციაციის წარმომადგენელთან ბ-ნ კახა ფხაკაძესთან. შეხვედრას ესწრებოდნენ სამოქალაქო კლუბების წევრები რუსთავის საჯარო სკოლებიდან.

შეხვედრის თემა იყო: როგორ დაერქვა ფოტოგრაფიას ხელოვნება და როგორ უნდა გადავიღოთ კარგი ფოტო.

ახალგაზრდებმა მოისმინეს ფოტოგრაფიის დაბადების ისტორია, მისი წინაპირობები და განვითარების პროცესები. ასევე მიიღეს პრაქტიკული რჩევები, რისი გათვალისწინებითაც შესაძლებელია კარგი ფოტოს გადაღება.  აუდიტორია აქტიურად ჩაერთო დისკუსიაში.

შეხვედრა გაიმართა „სამოქალაქო განათლებისა და პედაგოგთა გადამზადების პროგრამის" ფარგლებში, რომელსაც ახორციელებს PH international,  აფინანსებს USAID და მხარს უჭერს საქართველოს განათლებისა და მეცნიერების სამინისტრო.

პროექტი „ჩვენი ქუჩები“ წარმატებით ხორციელდება

სიქა-ს მეურვეობით მარნეულის მუნიციპალიტეტის ექვსი სკოლის მიერ სამოქალაქო ინტეგრაციის ახალგაზრდულ ბანაკში შემუშავებული პროექტი „ჩვენი ქუჩები“ წარმატებით ხორციელდება.

სამოქალაქო ინტეგრაციის ახალგაზრდულ ბანაკში მარნეულის მუნიციპალიტეტიდან 4 აზერბაიჯანული და 2 ქართული სკოლა იღებდა მონაწილეობას.

ბანაკის მონაწილეები შეჯერდნენ, რომ მუნიციპალიტეტში არსებული პრობლემებიდან ყველაზე მწვავე ქ. მარნეულის მთავარ - რუსთაველის ქუჩაზე საჭირო მისამართით გადაადგილებაა. ქალაქის ყველაზე გრძელ ქუჩაზე ბოლო ათწლეულების განმავლობაში მრავალი მცირე ზომის შენობები აშენდა, რომელთაც არა აქვთ ნუმერაცია, ძველ შენობებზეც არ არის შენობის ნომრის მიმანიშნებელი აბრები - შედეგად, ქალაქის სტუმრებს, სასწრაფო და სახანძრო დახმარების სამსახურებს, ფოსტალიონებს ძალიან უჭირთ საჭირო ადრესატის მიგნება. ეს პრობლემა განსაკუთრებით აქტუალური სასწრაფო სამედიცინო დახმარების საჭიროების შემთხევებშია - აღნიშნული მიზეზის გამო ხშირად ფერხდებოდა პაციენტის დროული სამედიცინო დახმარებია აღმოჩენა.

აღნიშნული პრობლემის მოსაგვარებლად სამოქალაქო კლუბების ლიდერებმა ინიციატივით მიმართეს მარნეულის ადგილობრივ თვითმმართველობას. ქალაქის ინფრასტრუქტურისა და არქიტექტურის სამსახურთან ერთად შემუშავდა რუსთაველის ქუჩაზე შენობების ნუმერაციის გეგმა, მისამართის აბრების დიზაინის შერჩევაში მოსწავლეებიც აქტიურად იყვნენ ჩართულნი. გადაწყდა - 135 შენობაზე გაიკრას მისამართის აბრა. აბრების დამაგრების ხარჯი ადგილობრივმა თვითმმართველობამ საკუთარ თავზე აიღო, ხოლო ინტეგრაციის ბანაკის ფარგლებში დაფინანსდა აბრების დამზადება.

2014 წლის 31 მარტს ქ. მარნეულში, რუსთაველის ქუჩაზე, მოსწავლეების აქტიური ჩართულობით დაიწყო შენობებზე მისამართის აბრების განთავსება. მარნეულელი მოსწავლეების მიერ წარმატებით განხორციელებული პროექტი „ჩვენი ქუჩები“ მნიშვნელოვნად გაუადვილებს მარნეულის მკვიდრთ, სტუმრებსა და სხვადასხვა სამსახურების წარმომადგენლებს ქალაქში სივრცით ორიენტაციას.