"მომავლის თაობის" პროგრამის შემაჯამებელი ღონისძიება რუსთავში

26 ივნისს რუსთავში სიქას მიერ ორგანიზებული იქნა სამოქალაქო განათლების პროგრამის "მომავლის თაობა" შემაჯამებელი ღონისძიება. მიმოხილული იქნა 2014-15 სასწავლო წლის განმავლობაში ქვემო ქართლის რეგიონიდან პროგრამაში ჩართული სკოლების მუშაობა. წარმოდგენილი იქნა ბოლნისის სკოლა "დავითიანის" და რუსთავის #6 საჯარო სკოლების წარმატებული საკლასო პროექტები, თეთრიწყაროს მუნიციპალიტეტის სოფელ ბოგვის საჯარო სკოლის წარმატებული საგრანტო პროექტი.

პროგრამა PH International -ის წარმომადგენელმა თამუნა ფრუიძემ ტექნიკის კონკურსში გამარჯვებულ სკოლებს გადასცა სერტიფილატები. სოციალური მედიის კოორდინატორმა თაკო გელაშვილმა კი ბლოგების კონკურსში გამარჯვებულებს გადასცა პრიზები. სამოქალაქო განათლების პროგრამა "მომავლის თაობა" ხორციელდება PH International -ის მიერ აშშ-ს საერთაშორისო განვითარების სააგენტოს (USAID) დაფინანსებით. პროგრამას მხარს უჭერს საქართველოს განათლებისა და მეცნიერების სამინისტრო.

სიქამ გახსნა სამოქალაქო განათლების საზაფხულო ბანაკი

21 ივნისს სიქამ ბაკურიანში გახსნა სამოქალაქო განათლების საზაფხულო ბანაკი 2015. ბანაკში მონაწილეობენ ახალგაზრდები, უფროსკლასელი მოსწავლეები და სამოქალაქო განათლების პედაგოგები საქართველოს 11 რეგიონიდან. სიქას ტრენერთა გუნდი ატარებს ტრენინგებს სამოქალაქო მონაწილეობის ხელშეწყობისა და მოხალისეობის თემაზე, მონაწილეები გაიუმჯობესებენ ეფექტიანი კომუნიკაციისა და საჯარო გამოსვლების უნარებს. მოწვეული სტუმრის სტატუსით ბანაკს ეწვევიან საზოგადოებრივი მოღვაწეები, წარმატებული მეწარმეები, პროგრამა PH International-ის ხელმძღვანელები. სამოქალაქო განათლების პროგრამა "მომავლის თაობა" ხორციელდება PH International -ის მიერ აშშ-ს საერთაშორისო განვითარების სააგენტოს (USAID) დაფინანსებით. პროგრამას მხარს უჭერს საქართველოს განათლებისა და მეცნიერების სამინისტრო.

ტრენინგები მოსწავლეთათვის “ეფექტური პრეზენტაცია ეფექტური კარიერისთვის”

12 -19 ივნისს სიქა-ში ჩატარდა ტრენინგები კურსიდან “ეფექტური პრეზენტაცია ეფექტური კარიერისთვის”. კურსის მიზნია დაეხმაროს სკოლის მოსწავლეებს ვერბალური საპრეზენტაციო უნარების განვითარებაში. შეისწავლონ წარმატებული პრეზენტაციისთვის აუცილებელი მიდგომები და მეთოდები, გაუადვილდეთ ბარიერების დაძლევა და აუდიტორიასთან კონტაქტის დამყარება. კლუბი განკუთვნილია 7-11 კლასის მოსწავლეებისთვის. კურსის დასრულების შემდეგ მონაწილეებს გადაეცათ სერტიფიკატები.

სიქა ორგანიზებას უწევს სამოქალაქო განათლების საზაფხულო ბანაკს

სიქა ორგანიზებას უწევს სამოქალაქო განათლების საზაფხულო ბანაკს. ბანაკი სამოქალაქო განათლების პროგრამა "მომავლის თაობა"-ს ფარგლებში ხორციელდება 21-25 ივნისს, დაბა ბაკურიანში. პროგრამის სამიზნე სკოლებიდან ბანაკში საქართველოს თეთრთმეტი რეგიონის 91 მოსწავლე და პედაგოგი მიიღებს მონაწილეობას. სიქას ტრენერთა გუნდი ჩაატარებს ტრენინგებს სამოქალაქო მონაწილეობის ხელშეწყობისა და მოხალისეობის თემაზე, მონაწილეები გაიუმჯობესებენ ეფექტიანი კომუნიკაციისა და საჯარო გამოსვლების უნარებს. მოწვეული სტუმრის სტატუსით ბანაკს ეწვევიან საზოგადოებრივი მოღვაწეები, წარმატებული მეწარმეები, პროგრამა PH International-ის ხელმძღვანელები. სამოქალაქო განათლების პროგრამა "მომავლის თაობა" ხორციელდება PH International -ის მიერ აშშ-ს საერთაშორისო განვითარების სააგენტოს (USAID) დაფინანსებით. პროგრამას მხარს უჭერს საქართველოს განათლებისა და მეცნიერების სამინისტრო.

სიქა-ს მონიტორინგის გუნდი გადრაბნის მუნიციპალიტეტის სკოლებს ეწვია

სამოქალაქო განათლების გაკვეთილი
ახალსოფლის საჯარო სკოლაში

სიქას კოორდინატორი პროგრამაში "მომავლის თაობა" მოწვეულ ექსპერტთან ერთად ქვემო ქართლის სკოლების სამოქალაქო განათლების გაკვეთილებისა და დამხმარე სახელმძღვანელოების გამოყენების მონიტორინგს განაგრძობს. სამოქალაქო განათლების პედაგოგებს ეძლევათ რეკომენდაციები გაკვეთილის უკეთ წარმართვის კუთხით. 1-5 ივნისს მონიტორინგის გუნდი გარდაბნის მუნიციპალიტეტის ვაზიანის #1 და #2 და ახალსოფლის საჯარო სკოლების მე-9 კლასებს ეწვია. ახალსოფლის გუნდი ასევე დაჯილდოვდა სიქა-ს მიერ პროგრამის ფარგლებშ გამოცხადებული ვიდეოკონკურსში აქტიური მონაწილეობისათვის. მოსწავლეების ბულინგის თემაზე მომზადებული ვიდეორგოლისათვის სერტიფიკატი და კომპიუტერული აქსესური გადაეცათ.

სიქა-ს გუნდი რაჭისუბნის მოსწავლეებს შეხვდა

4 ივნისს სიქას  გუნდი პროგრამაში "მომავლის თაობა" ბოლნისის მუნიციპალიტეტის სოფელ რაჭისუბნის მე-9 და მე-10 კლასის მოსწავლეებს ეწვია. მოსწავლეებმა კოორდინატორების ფასილიტაციით იმუშავეს სოფელში არსებული საჭიროებების მოგვარების შესაძლებლობებზე. სამუშაო შეხვედრაზე მოსწავლეებმა ჯანსაღი ცხოვრების ხელშეწყობის მიზნით სოფელში მასშტაბური სპორტული ტურნირი დაგეგმეს.

სამოქალაქო განათლების პროგრამა "მომავლის თაობა" ხორციელდება ორგანიზაცია PH International-ის მიერ აშშ საერთაშორისო განვითარების სააგენტოს (USAID) დაფინანსებით და საქართველოს განათლებისა და მეცნიერების სამინისტროს მხარდაჭერით. სიქა - საგანმანათლებლო ინიციატივების ქართული ასოციაცია წარმოადგენს პროგრამის პარტნიორს ქვემო ქართლის რეგიონში.

სიქას დელეგაციამ მონაწილეობა მიიღო საერთაშორისო ტრენინგ კურსში "Step up Music"

სიქას დელეგაციამ მონაწილეობა მიიღო საერთაშორისო ტრენინგ კურსში "Step up Music", რომელიც 23 მაისიდან 2 ივნისამდე ჩატარდა მოლდავეთში. პროექტში მონაწილეობდა 5 ქვეყანა (რუმინეთი, სომხეთი, მოლდავეთი, საქართველო, დანია, დიდი ბრიტანეთი). ტრენინგ კურსის ორგანიზატორები იყვნენ დანიელი და ბრიტანელი ორგანიზაციის წევრები ( Inter collage & Baby People). პროექტის მთავარი აქტივობები იყო მუსიკის შექმნა, ლირიკების დაწერა, დისკიმინაციის აღმოფხვრის გზების პოვნა, პროექტის დიზაინი და სხვა. ტრენინგის მუსიკალური ვორქშოფებს უძღვებოდნენ ბრიტანელი ახალგაზრდები, რომელიც დაკომპლექტებული იყო მუსიკოსებისა და რეპერებისგან. პროექტში საქართველოდან 4 ახალგაზრდა ჩაერთო. სოფო არაბული, ნუკა გოშაძე, სალომე მასხარაშვილი და გიორგი გურჩიანი.