სიქას საახალწლო კარნავალი

27 დეკემბერს გაიმართა სიქას საახალწლო კარნავალი.

სიქამ ახალი წლის წვეულებით დააჯილდოვა ის ახალგაზრდები, რომლებიც მთელი წლის განმავლობაში იყვნენ აქტიური მოქალაქეები, ეხმარებოდნენ გარშემომყოფებს და უკეთესობისკენ ცვლიდნენ ქალაქს. სიქა მუდამ მხარში უდგას ასეთ ახალგაზრდებს, ეხმარება მათ განვითარებასა და პიროვნულ ზრდაში. 

სიქას გუნდმა კარნავალის მონაწილეებისთვის მოამზადა საინტერესო გასართობი პროგრამა ზღაპრული სიუჟეტით, მხიარული შეჯიბრებებით და კარაოკე-ცეკვებით.

კარნავალს 60-მდე ახალგაზრდა დაესწრო. ისინი აქტიურად ჩაერთვნენ საკარნავალო პროგრამაში და საღამო სასიამოვნოდ გაატარეს. კარნავალი დაგვირგვინდა გრანდიოზული საახალწლო ტორტით.

სიქა გილოცავთ დამდეგ ახალ წელს და საინტერესო, აქტიურ და დაუვიწყარ წელიწადს გისურვებთ!
ფოტოალბომი

სიქა-ს ორგანიზებით გაიმართა ამხანაგური შეხვედრა თელეთისა და ქეშალოს საჯარო სკოლების საფეხბურთო გუნდებს შორის

20 დეკემბერს სიქას ორგანიზებით გაიმართა ამხანაგური შეხვედრა გარდაბნის მუნიციპალიტეტის სოფელ თელეთისა და მარნეულის მუნიციპალიტეტის სოფელ ქეშალოს საჯარო სკოლების საფეხბურთო გუნდებს შორის. 

ამხანაგური თამაშის ინიციატივა ეკუთვნოდა თელეთისა და ქეშალოს სკოლების სამოქალაქო კლუბებს. 

მატჩი ჩატარდა სოფელ თელეთის ტერიტორიაზე მდებარე საფეხბურთო სტადიონზე, ადგილობრივი საფეხბურთო სკოლის მხარდაჭერით. 

გუნდებმა ითამაშეს 35-35 წუთიანი 2 ტაიმი. თამაში თელეთის საჯარო სკოლის გუნდის გამარჯვებით, ანგარიშით 5-1 დასრულდა.

სიუჟეტი EVS - ევროპული მოხალისეობრივი სერვისის პროგრამის შესახებ

სიქა EVS - ევროპული მოხალისეობრივი სერვისის პროგრამაში აქტიურადაა ჩართული 2007 წლიდან. 

ცხრა წლის განმავლობაში სიქა დაეხმარა 70-ზე მეტ ქართველ ახალგაზრდას მიეღო ევროპაში მოხალისეობის გამოცდილება, უმასპინძლა 50-დე ევროპელ მოხალისეს, რომლებიც სიქას გუნდთან ერთად მუშაობდნენ ქართველი ახალგაზრდების არაფორმალური განათლების სფეროში.

იხილეთ სიუჟეტი პროგრამის შესახებ, სიქას EVS კოორდინატორის - ნინო ლეკიშვილის მონაწილეობით. http://1tv.ge/ge/videos/view/154763/328.html 

სიქას მოხალისეებმა ვორკშოპი ჩაუტარეს კალინინოს მოსწავლეებს

17 დეკემბერს სიქას ორგანიზებით გარდაბნის მუნიციპალიტეტის სოფელ კალინინოს საჯარო სკოლაში ჩატარდა ვორკშოფი, რომელსაც სიქას გერმანელი მოხალისე ამელი დიდარი გაუძღვა. სამოქალაქო კლუბის წევრებმა ისწავლეს საახალწლო მისალოცი ბარათების დამზადება და თავად დაამზადეს რამდენიმე მისალოცი ბარათი. თავისი სურვილით გააფორმეს და ჩაწერეს მისალოცი ტექსტებიც ქართულ, აზერბაიჯანულ, ინგლისურ და რუსულ ენებზე. კლუბის წევრები საახალწლოდ მისალოც ბარათებს მათი ოჯახების უხუცეს წევრებს და თემის სხვა წარმომადგენლებს დაურიგებენ. ასევე, მომავალში თავად შეძლებენ დაამზადონ სხვადასხვა შინაარსის მისალოცი ბარათები. შეხვედრას 14 მონაწილე დაესწრო.

სიქა-ს წარმომადგენლებმა მონაწილეობა მიიღეს საერთაშორისო ტრენინგში "Theater of oppressed"

სიქას წარმომადგენლებმა მარიამ კოშაძემ და ანი ციცქიშვილმა მონაწილეობა მიიღეს გერმანიაში, ქალაქ პოტსდამში გამართულ საერთაშორისო ტრენინგში "Theater of oppressed". ტრენინგში მონაწილეობას იღებდა 30-მდე ახალგაზრდა 15 სხვადასხვა ქვეყნიდან. ტრენინგის ფრაგლებში მონაწილეები დაეუფლენ სოციალური თეატრის ინსტრუმენტებს და ისწავლეს, როგორ გამოიყენონ იგი სხვადასხვა სოციალური საკითხის პრევენციასა და მოგვარებაში.

სიქა ახალ კლუბს - English conversation club იწყებს

ყოველ ორშაბათს, 17:00 საათზე, სიქა-ს მეგობრულ ოფისში გაიმართება საკლუბო შეხვედრა - English conversation club. 

თქვენ შეძლებთ უცხოელ მოხალისეებთან ერთად გაიაროთ სალაპარაკო ინგლისური ენის პრაქტიკა და გაიუმჯობესოთ კომუნიკაციის უნარები. კლუბის ფარგლებში მოეწყობა საუბრები და დისკუსიები სხვადასხვა საინტერესო თემებზე, თემატური ფილმების ჩვენება/განხილვა და სხვა საინტერესო აქტივობები. 

თუ ხართ 15 წლის და ზევით, ფლობთ ინგლისური ენის საბაზისო დონეს და გაინტერესებთ ზემოთ ჩამოთვლილი აქტივობები, მაშინ ეს კლუბი შენთვისაა!

საერთაშორისო კონფერენცია კიევში

19 ნოემბერს სიქას აღმასრულებელმა დირექტორმა ინგა პაიჭაძემ სამოქალაქო აქტივობებში ახალგაზრდების ჩართულობის კუთხით მოწვეული ექსპერტის სტატუსით მონაწილეობა მიიღო უკრაინის დედაქალაქ კიევში გამართულ საერთაშორისო კონფერენციაში „დემოკრატიული საზოგადოების განვითარების მიზნით ახალგაზრდების ჩართულობის გაზრდის შესაძლებლობები და მეთოდები“. საერთაშორისო კონფერენცია ჩატარდა უკრაინულ-გერმანული პროექტის „ჩვენ მეტი შეგვიძლია! - უკრაინაში დემოკრატიის გაძლიერება ახალგაზრდების სამოქალაქო და პოლიტიკური განათლების ხელშეწყობის გზით“ ფარგლებში, გერმანიის საგარეო საქმეთა სამინისტროს მხარდაჭერით.

ოთხშაბათობით ხელნაკეთი ნივთების კლუბის 2 ჯგუფი იქნება

ხელნაკეთი ნივთების კლუბის პოპულარობის გამო, გადავწყვიტეთ ჩამოვაყალიბოთ მეორე ჯგუფიც. ოთხშაბათობით პირველი ჯგუფი იქნება 4:00 სთ-ზე, ხოლო მეორე 5:30სთ-ზე.

გელით სიქას მეგობრულ ოფისში!

გერმანული ენის შემსწავლელი კლუბის დაკომპლექტება 24 ნოემბერს სრულდება

სამშაბათს შედგა გერმანული ენის შემსწავლელი კლუბის მორიგი შეხვედრა. 

შეგახსენებთ რომ მომდევნო სამშაბათს, 24 ნოემბერს, გაქვთ ბოლო შანსი იმისა, რომ გახდეთ კლუბის წევრი. 

24 ნოემბერს ჯგუფი საბოლოოდ დაკომპლექტდება და გაზაფხულამდე უცვლელი დარჩება.

მსურველებს გელით სამშაბათს 4:30 საათზე, სიქას მეგობრულ ოფისში.

საჩვენებელი დებატი კარლ პოპერის ფორმატის დებატებში ქართულ და აზერბაიჯანულენოვან სკოლების მოსწავლეთა შორის

12 ნოემბერს, სიქა - საგანმანათლებლო ინიციატივების ქართული ასოციაციის ორგანიზებით, პროგრამის „მომავლის თაობა“ ფარგლებში, მარნეულის მუნიციპალიტეტის გამგეობის შენობის მთავარ დარბაზში გაიმართა საჩვენებელი დებატი კარლ პოპერის ფორმატით. დებატში მონაწილეობა მიიღო მარნეულის მუნიციპალიტეტის სოფელ ქეშალოს აზერბაიჯანულენოვანი სკოლის მოსწავლეებისა და გარდაბნის მუნიციპალიტეტის სოფელ თელეთის ქართულენოვანი სკოლის მოსწავლეებისაგან შემდგარმა ორმა გუნდმა. მოსწავლეებმა იდებატეს თემაზე - „მასმედიის ცენზურა გამართლებულია“. საჩვენებელ დებატს, ქეშალოსა და თელეთის სკოლის მოსწავლეების გარდა, ესწრებოდნენ მარნეულის მუნიციპალიტეტის სოფლების: თაქალოს, არაფლოს, დამიაგეორარხისა და ქვემო სარალის სკოლების მოსწავლეები და მასწავლებლები, ასევე მოწვეული სტუმარი მარნეულის მუნიციპალიტეტიდან, მარნეულის მუნიციპალიტეტის გამგეობის, განათლების, კულტურის, სპორტისა და ახალგაზრდულ საქმეთა განყოფილების წამყვანი სპეციალისტი მარი ტყეშელაშვილი.

საჩვენებელი დებატი ჩატარდა ქართულ ენაზე, რაც აზერბაიჯანელი მოსწავლეებისათვის დიდი გამოწვევა იყო, რადგან მათ მოუწიათ არამშობლიურ ენაზე კამათი და საკუთარი პოზიციების დაფიქსირება ფართო აუდიტორიის წინაშე. მათ აღნიშნული საკმაოდ კარგად შეძლეს და დებატი შედგა. გარდა ამისა, ამ საჩვენებელი დებატის შედეგად მოხდა დებატების პოპულარიზაცია და ახალგაზრდებში ლოგიკური მსჯელობის, კრიტიკული აზროვნების უნარის გაუმჯობესება, ეთნიკური უმცირესობებების სამოქალაქო გააქტიურება, მათი სამოქალაქო ჩართულობის ხელშეწყობა და ინტეგრაცია.

ხელნაკეთი ნივთების კლუბის მორიგი შეხვედრა

ხელნაკეთი ნივთების კლუბში, ბავშვებმა დაამზადეს სასანთლეები, ამასთანავე, გერმანელმა მოხალისეებმა  აჩვენეს მათ ანიმაციური ფილმი წმინდა მარტინის შესახებ და ესაუბრნენ ბავშვებს გერმანული დღესასწაულის ტრადიციებზე.

გელოდებით შემდეგ ოთხშაბათს, 17:00 საათზე სიქა-ს ოფისში!

ბოლნისელი და დმანისელი მოსწავლეები რეჟისორსა და მუსიკოსს ლაშა ნოზაძეს შეხვდნენ

სიქა-ს ორგანიზებით სამოქალაქო განათლებლის პროგრამის „მომავლის თაობა" ფარგლებში ბოლნისისა და დმანისის მუნიციპალიტეტის სკოლების მე-9, მე-10 კლასის მოსწავლეები რეჟისორსა და მუსიკოსს ლაშა ნოზაძეს შეხვდნენ. შეხვედრაზე სტუმარმა მიზნის მიღწევაზე ისაუბრა, ახალგაზრდებს საკუთარი გამოცდილება გაუზიარა და მოუწოდა, არ იფიქრონ იმაზე, რომ პატარა სოფლებიდან თუ ქალაქებიდან არიან და ამის გამო უარი არ თქვან საკუთარ მიზნებსა და მისწრაფებებზე. მათთან მსჯელობითვე დაანახა მოსწავლეებს, რომ მიზნის მისაღწევად მთავარი რწმენა და მონდომებაა. მოსწავლეებმა სტუმარს საკუთარი უახლოესი და სამომავლო მიზნებიც გაუზიარეს.

შეხვედის მიწურულს, ბოლნისის თეატრზე საუბრისას აღმოჩნდა, რომ მოსწავლეების უმრავლესობა ვერ ახერხებს თეატრში სიარულს.

ლაშა ნოზაძემ მოსწავლეებს მოუწოდა ყოველთვის ღიად დააფიქსირონ საკუთარი პოზიცია და აიღონ ინიციატივა, შეცვალონ მათ გარშემო არსებული რეალობა მათივე სასიკეთოდ. 

მუსიკალური რგოლი პროექტის Sound of Music (SOM) - Youth Exchange შესახებ

სიქას ახალგაზრდულმა გუნდმა ოქტომბრის თვეში მონაწილეობა მიიღო იტალიაში გამართულ ახალგაზრდულ გაცვლით პროექტში "Sound of Music" . პროექტის დასრულების შემდეგ სიქას დელეგაციის ლიდერმა ნინო ლეკიშვილმა სიქას უცხოელი მოხალისეების დახმარებით შექმნა მუსიკალური რგოლი პროექტის შესახებ.

ახალგაზრდობის ცენტრის ხელმძღავნელთან შეხვედრა კონკრეტული შედეგებით დასრულდა

სიქას ორგანიზებით, პროგრამის „მომავლის თაობა“ ფარგლებში, 5 ნოემბერს რუსთავის საჯარო და კერძო სკოლების მე-9, მე-10 კლასის მოსწავლეები რუსთავის საკრებულოს დარბაზში ახალგაზრდობის ცენტრის ხელმძღვანელს გიგა ჯღარკავას შეხვდნენ.

შეხვედრის პირველი ნაწილი ცენტრის საქმიანობის გაცნობას დაეთმო, რის შემდეგაც კონკრეტული ინიციატივების განხილვა დაიწყო. ახალგაზრდებმა ცენტრის ხელმძღვანელს მათთვის აქტუალური ინიციატივები, იდეები და პრობლემები წარუდგინეს.ცენტრის ხელმძღვანელის დახმარებით მოსწავლეების კონკრეტული იდეები განსახორციელებელ აქტივობებად გადაიქცა. რუსთავის #6 საჯარო სკოლის მოსწავლის ინიციატივით, უახლოეს დღეებში მკითხველთა კლუბი ჩამოყალიბდება, რომელიც კვირაში ერთხელ ახალგაზრდებს უმასპინძლებს და მათთვის საინტერესო წიგნების განხილვა მოეწყობა. ახალგაზრდობის ცენტრი მწერლებთან, წიგნების ავტორებსა და პოეტებთან ითანამშრომლებენ და კლუბის შეხვედრებზე მოიწვევენ. კერძო სკოლა „მზეკაბანის“ მოსწავლის ინიციატივით,

სიქა-ს დელეგაციამ მონაწილეობა მიიღო საერთაშორისო სემინარში “Youth for Global Responsibility"

25-31 ოქტომბერს სიქას გამგეობის თავჯდომარე გიორგი თვალიაშვილი და აღმასრულებელი დირექტორი ინგა პაიჭაძე მონაწილეობას იღებდნენ დანიაში ორგანიზებულ საერთაშორისო სემინარში “Youth for Global Responsibility". სემინარში მონაწილეობდნენ ევროპისა და მეზობელი ქვეყნების ახალგაზრდული ორგანიზაციების ლიდერები. სემინარის მიზანი იყო სხვადასხვა ქვეყნების ახალგაზრდულ ორგანიზაციებს შორის ახალი თანამშრომლობითი პროექტების ინიცირება.

ხელნაკეთი ნივთების კლუბის მორიგი შეხვედრა გაიმართა

ხელნაკეთი ნივთების კლუბის შეხვედრაზე ბავშვებმა ფერადი ქაღალდებისგან გააკეთეს წიგნის სანიშნეები.

შემდეგი შეხვედრა გაიმართება ოთხშაბათს,17:00 საათზე. ნებისმიერ მსურველს შეუძლია მობრძანდეს და ერთი საათით ჩაერთოს კლუბის კრეატიულ მუშაობაში.

კალინინოს საჯარო სკოლის მოსწავლეების შეხვედრა გარდაბნის გამგეობაში

29 ოქტომბერს გარდაბნის მუნიციპალიტეტის სოფელ კალინინოს საჯარო სკოლის სამოქალაქო კლუბის წევრები და მეურვე გარდაბნის მუნიციპალიტეტის გამგეობის ინფრასტრუქტურის, მშენებლობისა და სივრცითი მოწყობის სამსახურის წარმომადგენლებს შეხვდნენ. შეხვედრა ჩატარდა სიქა - საგანმანათლებლო ინიციატივების ქართული ასოციაციის ორგანიზებით, პროგრამა „მომავლის თაობა“ ფარგლებში. შეხვედრას ესწრებოდნენ აღნიშნული სამსახურის უფროსი ჯანსუღ დადეშქელიანი, ინფრასტრუქტურის მშენებლობის განყოფილების უფროსი ბექა ჟღენტი, მთავარი სპეციალისტები გიორგი ჭეილიძე და ირმა მამედოვი, წამყვანი სპეციალისტები შალვა მუშკუდიანი და ნინა გაბრაშვილი. შეხვედრა გარდაბნის მუნიციპალიტეტის გამგეობის ადმინისტრაციულ შენობაში ჩატარდა. სამოქალაქო კლუბის წევრები გამგეობის წარმომადგენლებს ესაუბრნენ მათ სოფელსა და თემში არსებულ პრობლემებზე. მათ ყურადღება გაამახვილეს სკოლის მიმდებარე ტერიტორიაზე მოძრაობის შემაფერხებელი ბარიერებისა და ასევე სატრანსპორტო გაჩერების კეთილმოწყობის აუცილებლობზე. შეხვედრის ბოლოს მოსწავლეებმა გარდაბნის მუნიციპალიტეტის გამგეობის ინფრასტრუქტურის, მშენებლობისა და სივრცითი მოწყობის სამსახურის უფროსისგან პირობა მიიღეს რომ მათ მიერ წამოჭრილი პრობლემები ახალი საბიუჯეტო წლის განმავლობში აუცილებლად მოგვარდება. შეხვედრაზე გარდაბნის გამგეობის წარმომადგენლებმა სტუმრებს გააცნეს 2016 წლისათვის მათ სოფელში დაგეგმილი პროექტები. ასევე მადლობა გადაუხადეს აქტიური მოქალაქეობისა და ჩართულობისათვის. 

სიქას დელეგაციამ მონაწილეობა მიიღო საერთაშორისო ტრენინგ-კურსში „ICT ABC Technology Plan“

17-23 ოქტომბერს პოლონეთის ქალაქ ვროცლავში ჩატარდა Erasmus + ტრენინგ-კურსი „ICT ABC Technology Plan“, რომელშიც მონაწილეობდა სიქა-ს დელეგაცია პავლე თვალიაშვილისა და ეთერი პაიჭაძის შემადგენლობით. ტრენინგის მონაწილეებმა ჩეხეთიდან , ლუქსემბურგიდან, რუმინეთიდან, ლიტვიდან, უკრაინიდან, სომხეთიდან და საქართველოდან შეიმუშავეს არასამთავრობო ორგანიზაციების ისტ გარემოსთვის ტექნოლოგიური გეგმები, განიხილეს პროექტის დაგეგმვისა და განხორციელების ეტაპები, გაეცნენ ქალაქ ვროცლავში არასამთავრობო ორგანიზაციების მუშაობის სპეციფიკას. ტრენინგს მასპინძლობდა Centrum Inicjatyw UNESCO. 

სიქაში იწყება გერმანული ენის კლუბი

სიქა გაძლევთ უნიკალურ შანს შეისწავლოთ გერმანული ენა სრულიად უფასოდ. კლუბს გაუძღვებიან ჩვენი გერმანელი მოხალისეები. 

კლუბში მონაწილეობა შეუძლია ნებისმიერ მსურველს, ასაკის შეუზღუდავად. არ გამოტოვოთ ეს შესაძლებლობა, გაიუმჯობესეთ გერმანული ენის ცოდნის დონე. მობრძანდით ყოველ სამშაბათს 5 საათზე სიქას მეგობრულ ოფისში. ქ.რუსთავი, მეგობრობის 12-56.

დებატების ტრენინგები ქეშალოსა და თელეთის საჯარო სკოლის მოსწავლეებისთვის

22 და 27 ოქტომბერს სიქას წარმომადგენლებმა, გამოცდილმა მოდებატეებმა და ასევე დებატების ტრენერ-მსაჯებმა, ანი ციცქიშვილმა და მარიამ კოშაძემ, მარნეულის მუნიციპალკიტეტის სოფელ ქეშალოს და გარდაბნის მუნიციპალიტეტის სოფელ თელეთის საჯარო სკოლების მე-9 მე-10 კლასის მოსწავლეებისათვის დებატების ტრენინგები ჩაატარეს. 

ტრენინგი ჩატარდა სამოქალაქო განათლების პროგრამის „მომავლის თაობა“ ფარგლებში.

მოსწავლეები გაეცნენ ზოგადად ფორმალური დებატის არსსა და პრინციპებს, კონკრეტულად შეისწავლეს კარლ პოპერის, იგივე ფასეულობათა ფორმატის დებატები. ტრენინგები მონაწილეთა მაღალი ჩართულობის ფონზე მიმდინარეობდა.

სამოქალაქო განათლების პროგრამა "მომავლის თაობა" ხორციელდება ორგანიზაცია PH International-ის მიერ ამერიკის შეერთებული შტატების საერთაშორისო განვითარების სააგენტოს (USAID) დაფინანსებით და საქართველოს განათლებისა და მეცნიერების სამინისტროს მხარდაჭერით. 

სიქა - საგანმანათლებლო ინიციატივების ქართული ასოციაცია წარმოადგენს პროგრამის პარტნიორს ქვემო ქართლის რეგიონში.

სიქას დელეგაციამ მონაწილეობა მიიღო საერთაშორისო ახალგაზრდულ პროექტში "Sounds of Music"

12-23 ოქტომბერს სიქას დელეგაციამ 6 აქტიური ახალგაზრდის შემადგენლობით მონაწილეობა მიიღო იტალიაში ორგანიზებულ საერთაშორისო ახალგაზრდულ პროექტში "Sounds of Music". პროექტის განმავლობაში ახალგაზრდებმა ევროპის 5 ქვეყნიდან - იტალია, რუმინეთი, ლატვია, სომხეთი და საქართველო არაფორმალური განათლების მეთოდებით აიმაღლეს სამოქალაქო ცნობიერება, გაეცვნენ სხვადასხვა ქვეყნების კულტურას, ერთად შექმნეს სიმღერა, რომელიც გავრცელდება სხვადასხვა ევროპულ ორგანიზაციებში. საქართველოდან პროექტში მონაწილეობდნენ 18-25 წლის ახალგაზრდები სხვადასხვა ქალაქებიდან - რუსთავიდან, თბილისიდან და ხაშურიდან.

სიქას UWC DILIJAN საერთაშორისო კოლეჯის სტუდენტები ესტუმრნენ

20 ოქტომბერს, სიქას საერთაშორისო UWC DILIJAN კოლეჯის სტუდენტები ესტუმრნენ. სტუდენტების ჯგუფი შედგებოდა სხვადასხვა ქვეყნების წარმომადგენელი 17-18 წლის ახალგაზრდებისგან, რომლებიც უკვე მეორე წელია სწავლობენ აღნიშნულ კოლეჯში. 

სიქას წარმომადგენლებმა სტუმრებს გააცენს ორგანიზაციის მისია, მიმდინარე და განხორციელებულ პროექტები. 

სტუდენტთა ჯგუფი განსაკუთრებულად დაინტერესდა რეგიონში არსებული ეთნიკური მრავალფეროვნებით და ორგანიზაციის საქმიანობის იმ ასპექტებით, რომლებიც ეთნიკური უმცირესობების ჯგუფებთან მუშაობას ეხება. სიქას წარმომადგენლება სტუმრებს გაუზიარეს ეთნიკურ უმცირესობებთან მუშაობის გამოცდილება და უპასუხეს მათ შეკითხვებს. მოგვიანებით უცხოელ სტუდენტებს მიეცათ შესაძლებლობა თავად შეხვედროდნენ და ესაუბრათ საქართველოში მცხოვრებ სომეხ და აზერბაიჯანელ უფროსკლასელებს გარდაბნის #4 საჯარო სკოლაში. ახალგაზრდებმა ინტერაქტიული მეთოდების გამოყენებით ისაუბრეს ეთნიკური უმცირესობების საჭიროებებზე, სხვადასხვა ეთნიკური ჯგუფების ურთიერთობებზე, გაუზიარეს ერთმანეთს სამომავლო გეგმები სწავლის გაგრძელებასა და მომავალი პროფესიის არჩევაზე. 

შეხვედრას ინტერკულტურული ხასიათს ატარებდა, მასში მონაწილეობდა 15 სხვადასხვა ეროვნების წარმომადგენელი. მოსწავლეებს მიეცათ ინგლისური ენაზე საუბრის შესაძლებლობა, შეხვედრის სამუშაო ენა ძირითადად ინგლისური იყო.
შეხვედრას ესწრებოდნენ გარდაბნის # 4 სკოლის აზერბაიჯანელი და სომეხი ეთნოსის უფროსკლასელი მოსწავლეები.

მოსწავლეთა დებატ-კლუბი დაიწყო!

სიქა-ში დაიწყო მოსწავლეთა დებატ-კლუბი. პირველ შეხვედრაზე კლუბის მონაწილეებმა, ერთმანეთის გაცნობის შემდეგ, ფორმალური და არაფორმალური დებატის მსგავსება და განსხვავებაზე იმსჯელეს, განიხილეს დებატების ტიპები და საბასიზოდ გაეცნენ კარლ პოპერის ფორმატის დებატს.

მეორე შეხვედრაზე ახალგაზრდები აღნიშნულ ფორმატს დეტალურად შეისწავლიან!

შეხვედრა მარნეულის მუნიციპალიტეტში

9 ოქტომბერს სიქას ორგანიზებით მარნეულის გამგეობის საკონფერენციო დარბაზში მოეწყო მარნეულის მუნიციპალიტეტის გამგეობის ხელმძღვანელებისა და სოფელ კაჩაგანის, ილმაზლოსა და ყულარის სამოქალაქო კლუბების შეხვედრა. მარნეულის გამგებლის მოადგილემა ზაურ ტაბატაძემ და ინფრასტრუქტურის განყოფილების სპეციალისტმა გიორგი ბერიძემ მოსწავლეებს გააცნეს მარნეულის მუნიციპალიტეტში მიმდინარე და დაგეგმილი სამუშაოები. სამოქალაქო კლუბების წევრებმა გამგეობის წარმომადგენლებს გაუზიარეს სოფლებში მათ მიერ გამოკვლეული პრობლემები: - ილმაზლოს მოსწავლეებმა ისაუბრეს სოფელში შიდა გზებისა და გაზიფიცირების პრობლემაზე, ყულარში სკოლასთან და ცენტრალურ გზაზე მოძრაობის შემაფერხებელი ბარიერების საჭიროებაზე, კაჩაგანის მოსწავლეებმა ისაუბრეს სოფლებში ახალგაზრდული ცენტრებისა და სპორტული მოედნების მოწყობის აუცილებლობაზე. ადმინისტრაციის წარმოადგენლებმა მოსწავლეებთან ერთად დასახეს ამ პრობლემებზე სამუშაოდ შემდგომი სტრატეგია.

შეხვედრა მოეწყო სამოქალაქო განათლების პროგრამის "მომავლის თაობა" ფარგლებში. პროგრამას USAID-ის დაფინანსებით ახორციელებს  PH International, სიქა წარმოადგენს პროგრამის პარტნიორს ქვემო ქართლის რეგიონში.

ქართველმა ახალგაზრდებმა მონაწილეობა მიიღეს სიქა-ს პარტნიორობით ორგანიზებულ საერთაშორისო ტრენინგ-კურსში

სიქა-ს პარტნიორობით ორგანიზებულ საერთაშორისო ტრენინგ-კურსში ორმა ქართველმა ახალგაზრდამ თორნიკე ქირიამ და თათია ბჟალავამ მიიღო მონაწილეობა. ტრენინგი 

ჩატარდა ქ. კიშინიოვში პროგრამა Erasmus+ის ეგიდით. 35-მა ახალგაზრდამ ევროპიდან და მეზობელი ქვეყნებიდან გაიღრმავებეს მეწარმეობის უნარები, განიხილეს საერთაშორისო პროექტების ფარგლებში სამეწარმეო კომპეტენციების განვითარების შესაძლებლობები.

ხელნაკეთი ნივთების კლუბის მორიგი შეხვედრა

7 ოქტომბერს სიქას ხელნაკეთი ნივთების კლუბის ახალ წევრებმა სიქას გერანელი მოხალისეების დახმარებით სურათების ჩარჩოები დაამზადეს.

ხელნაკეთი ნივთების კლუბის შეხვედრები სიქას ოფისში ყოველ ოთხშაბათს, 17 საათზე გაიმართება. კლუბს უძღვებიან სიქას ევროპელი და ქართველი მოხალისეები, რომლებიც ქართველ მოზარდებს სხვადასხვა რესურსების გამოყენებით სახალისო და სასარგებლო ნამუშევრების შექმნას ასწავლიან.

სიქა-ს ორგანიზებით სოფელ ჯანდარის საჯარო სკოლისმმოსწავლეები რუსთავის საგანგებო სიტუაციების სამსახურს ესტუმრნენ

28 სექტემბერს სიქა - საგანმანათლებლო ინიციატივების ქართული ასოციაციის ორგანიზებით გარდაბნის მუნიციპალიტეტის სოფელ ჯანდარის საჯარო სკოლის IX-X კლასების მოსწავლეები რუსთავის საგანგებო სიტუაციების სამსახურს ესტუმრნენ. 

შეხვედრაზე მოსწავლეები გაეცნენ სამაშველო სამსახურის მუშაობის სპეციფიკას, მიიღეს ინფორმაცია რა შემთხვევებში შეიძლება მიმართონ სამაშველო სამსახურს და როგორ ისარგებლონ მათი მომსახურებით. 

მოსწავლეებმა დაათვალიერეს სამაშველო აღჭურვილობა, და პრაქტიკული გამოცდილებაც მიიღეს. 

ვიზიტი შედგა სამოქალაქო განათლების პროგრამა „მომავლის თაობა“ ფარგლებში.

პროგრამა „მომავლის თაობას“ -ს აფინანსებს USAID - აშშ საერთაშორისო განვითარების სააგენტო, ახორციელებს PH International, პარტნიორები: კონსულტაციისა და ტრენინგის ცენტრი, სამოქალაქო განათლების პედაგოგთა ფორუმი; სიქა - საგანმანათლებლო ინიციატივების ქართული ასოციაცია წარმოადგენს პროგრამის პარტნიორ ორგანიზაციას ქვემო ქართლის რეგიონში. პროგრამის მხარდამჭერია საქართველოს განათლებისა და მეცნიერების სამინისტრო

სიქას ორგანიზებით მარნეულის მუნიციპალიტეტის სკოლის მოსწავლეები ილიაუნის სამეცნიერო პიკნიკი 2015 -ს ესტუმრნენ

სიქას ორგანიზებით მარნეულის მუნიციპალიტეტის სოფელ კაჩაგანის #1 და #2 სკოლის მოსწავლეები ილიაუნის სამეცნიერო პიკნიკი 2015 -ს ესტუმრნენ. სამეცნიერო პიკნიკი ერთდღიანი ღონისძიებაა, რომელიც ყოველწლიურად ღია ცის ქვეშ ტარდება ილიას სახელმწიფო უნივერსიტეტის ორგანიზებით, და რომლის მიზანია მეცნიერების სხვადასხვა დარგისა და მიმართულების წარმოჩენა ყველა ასაკის ადამიანისთვის სახალისო და მიმზიდველი ფორმით. მოსწავლეებმა მოინახულეს მეცნიერების სხვადასხვა დარგის 65 პავილიონი, გაეცვნენ ახალგაზრდა გამომგონებლების ნამუშევრებს და თავად მიიღეს მონაწილეობა მრავალ საინტერესო ექსპერიმენტში. ვიზიტი განხორციელდა პროგრამა "მომავლის თაობა" ფარგლებში.

სიქას მოხალისეებმა ჩაატარეს ტრენინგი "როგორ მოვიქცეთ სტიქიური მოვლენების დროს"

17 სექტემბერს სიქას ახალგაზრდულმა მუშაკმა მარი კოშაძემ და გერმანელმა მოხალისემ ლეა ეიჩლერმა აზერბაიჯანელი მოსწავლეებისათვის კალინინოს, ჯანდარისა და გარდაბნის #4 სკოლებიდან ჩაატარეს ტრენინგი "როგორ მოვიქცეთ სტიქიური მოვლენების დროს". ტრენინგი მოიცავდა 4 სტიქიურ მოვლენასა და კატასტროფას: მიწისძვრა, წყალდიდობა, მეწყერი და ხანძარი. მონაწილეებმა შეიძინეს ცოდნა, თუ როგორ უნდა მოიქცნენ და როგორ არ უნდა მოიქცნენ თითოეული მათგანის შემთხვევაში. 

ტრენინგის დასასრულს მონაწილეებისათვის მოეწყო სახალისო ვიქტორინა, რომელზეც მონაწილეებს მიეცათ ტრენინგზე მიღებული ცოდნის გამოყენების შესაძლებლობა. 

სიქაში მოეწყო სამაგიდო თამაშების კლუბის პირველი შეხვედრა

11 სექტემბერს სიქაში მოეწყო სამაგიდო თამაშების კლუბის პირველი შეხვედრა. სიქას გერმანელმა მოხალისემ ლეამ მონაწილეებს გააცნო სახალისო თამაში "Jungle Speed"-წესები. კლუბში კომუნიკაცია ინგლისურ ენაზე მიმდინარეობს, რაც მონაწილეებს ეხმარება უცხო ენაზე კომუნიკაციის უნარების განვითარებაში.

კლუბის ერთ-ერთი მიზანია სხვადასხვა თამაშების საშუალებით ქართველი ახალგაზრდები გაეცნონ მსოფლიოს სხვადასხვა ქვეყნების კულტურას.

სიქა ახალ ინგლისურენოვან კლუბს იწყებს

სიქა მოხარულია გაცნობოთ ახალი, ინგლისურენოვანი კლუბის შესახებ. 

შემოგვიერთდით 11 სექტემბრიდან, ყოველ პარასკევს, სამაგიდო თამაშების კლუბში. ეს არის თქვენი შანსი ხალისიანად გაატაროთ დრო, გაიცნოთ ახალი ადამიანები და გაიუმჯობესოთ ინგლისურ ენაზე კომუნიკაციის უნარი. 

თუ ხართ 13 წლის და ზემოთ, მაშინ გელით 11 სექტემბერს, 16:00 საათზე, სიქას მეგობრულ ოფისში. მისამართი: ქ. რუსთავი, მეგობრობის ქუჩა 12/56.

"ხელნაკეთი ნივთების კლუბის" ახალი სეზონი დაიწყო

9 სექტემბერს სიქაში გაიმართა "ხელნაკეთი ნივთების კლუბის" ახალი სეზონის პირველი შეხვედრა. კლუბს სიქას ახალი გერმანელი მოხალისე ლეა გაუძღვება ყოველ ოთხშაბათს, 16 საათზე. დღევანდელ შეხვედრაზე მონაწილეებმა დაამზადეს სასკოლო ნივთების შესანახი საკიდები, რომელსაც აქტიურად გამოიყენებენ ახალ სასწავლო წელს.

სიქა იწვევს გრაფიკული დიზაინის პროგრამების მცოდნე ახალგაზრდებს

სიქა თანამშრომლობისთვის იწვევს ახალგაზრდებს, რომლებსაც აქვთ გრაფიკული დიზაინის პროგრამების გამოყენების ცოდნა და გამოცდილება, უყვართ ინოვაცია, Pop Art და Vintage სტილი. შემოქმედებით ახალგაზრდებთან სიქა მომავალშიც გააგრძელებს თანამშრომლობას. დაეხმარება მათ კვალიფიკაციის ამაღლებასა და ახალი გამოცდილების შეძენაში. 

დაინტერესებულმა პირებმა მოგვწერეთ მოკლედ თქვენი გამოცდილების შესახებ და მოგვაწოდეთ თქვენი რამდენიმე ნამუშევარი (თემის თავისუფალი არჩევანი) ელექტრონულ ფოსტაზე siqa.org@gmail.com  ველით თქვენს გამოხმაურებას 20 სექტემბრამდე.

სიქა აგრძელებს ცნობილ “ხელნაკეთი ნივთების კლუბს”

მოგესალმებით მეგობრებო,

გვიხარია გაცნობოთ, რომ სიქა აგრძელებს ცნობილ “ხელნაკეთი ნივთების კლუბს”. ხართ დაინტერესებული, რომ შექმნათ გამოსადეგი ნივთები? გსურთ რომ ძველ საგნებს შესძინოთ ახალი სიცოცხლე? მაშინ გახდით ჩვენი კლუბის წევრი.

გელით სიქას მეგობრულ ოფისში მისამართზე ქ. რუსთავი, მეგობრობის ქ. 12/56, ოთხშაბათს 9 სექტემბერს 16:00 საათზე. 

ახალი სასწავლო წლის დაწყებასთან დაკავშირებით, გვსურს კლუბი დავიწყოთ საინტერესო პროექტით - შევქმნით აქსესუარებს, რომლებიც დაგემხარებათ სკოლისთვის საჭირო ნივთების ორგანიზებაში. კლუბს შემოუერთდება სიქა ახალი EVS მოხალისე გერმანიიდან ლეა, რომელიც მოუთმენლად ელის თქვენთან ერთად მუშაობას. 

გაატარეთ საზაფხულო არდადაგების ბოლო კვირა სასიამოვნოდ და შემოგვიერთდით, გელით ყველა მსურველს. 

სიქა აცხადებს კონკურსს ოჯახურ ძალადობაზე გრაფიტის ტექნიკით შაბლონის შესაქმნელად

სიქა აცხადებს კონკურსს ოჯახურ ძალადობაზე გრაფიტის ტექნიკით შაბლონის შესაქმნელად; კონკურსზე შესაძლებელია წარმოდგენილი იყოს ნახატი, მოკლე მოწოდება/სლოგანი, მნიშვნელოვანია საკონკურსო ნამუშევრის შინაარსობრივი დატვირთვა (ტექნიკურ დახვეწაზე მოგვიანებით გრაფიტის ოსტატები იმუშავებენ). ნამუშევრები შეგიძლიათ მოგვაწოდოთ ელექტრონულ ფოსტაზე: siqa.org@gmail.com . გამარჯვებული ნამუშევრის ავტორს სიქა დაუფინანსებს ოქტომბრის მეორე ნახევარში პოლონეთში დაგეგმილ საერთაშორისო პროექტში მონაწილეობას.

კონკურსის მიზანია ოჯახური ძალადობის ფაქტების გაზრდილი რაოდენობის ფონზე ხელი შევუწყოთ მოსახლეობის ცნობიერების ზრდას ოჯახური ძალადობის შესახებ.

ნამუშევრების მიღების ბოლო ვადაა 2015 წლის 3 სექტემბერი.

სემინარი "კოსმეტიკური საშუალებების შერჩევის კრიტერიუმები"

18 აგვისტოს სიქაში პროექტის "ცხელი აგვისტო სიქასთან ერთად" ფარგლებში მორიგი სემინარი გაიმართა, რომელზეც პოლონელმა მოხალისემ ულა ვოზნიაკოვსკამ მონაწილეებს გააცნო კოსმეტიკური საშუალებების შერჩევის კრიტერიუმები. სემინარზე წარმოდგენილი იყო თანამედროვე კოსმეტიკის პროდუქტების წარმოებისას გამოყენებული ძირითადი ინგრედიენტების ჯგუფები და მათი გავლენა ადამიანის ჯანმრთელობაზე. მონაწილეებმა მიიღეს რჩევები - რას უნდა მიაქციონ ყურადღება პროდუქციის შეძენისას, რათა თავიდან აირიდონ კოსმეტიკისა და ჰიგიენური საშუალებების გვერდითი ჩვენებები. სემინარი ინტერაქტიულ რეჟიმში მიმდინარეობდა, მონაწილეებმა ერთმანეთს გაუზიარეს სხვადასხვა ალტერნატიული თავის მოვლის საშუალებების დამზადებისა და გამოყენების გამოცდილება. სემინარის დასასრულს მოეწყო სახალისო ლატარეა, სადაც მონაწილეებს მიეცათ საშუალება მოეგოთ სხვადასხვა თავის მოვლის კოსმეტიკური პროდუქტები.

სიქას დელეგაციამ მონაწილეობა მიიღო საერთაშორისო ტრენინგ კურსში "Restart the game"

6-14 აგვისტოს სიქას დელეგაციამ მონაწილეობა მიიღო საერთაშორისო ტრენინგ კურსში "Restart the game", რომელიც ესტონეთში გაიმართა. ტრენინგში მონაწილეობას იღებდნენ მასწავლებლები და არაფორმალური განათლების მუშაკები 8 ქვეყნიდან. ტრენინგის მიზანი იყო მონაწილეთა არაფორმალური განათლების ინსტრუმენტებით აღჭურვა. შეძენილ ცოდნას მონაწილეები აქტიურად გამოიყენებენ სამშობლოში ახალგაზრდებთან და მოზარდებთან მუშაობისას.

სემინარი თემაზე "როგორ ვიმოგზაუროთ იაფად"

13 აგვისტოს სიქას ოფისში მოეწყო სემინარი თემაზე "როგორ ვიმოგზაუროთ იაფად". მონაწილეები გაეცვნენ მინიმალური დანახარჯებით საინტერესო მოგზაურობის ორგანიზების შესაძლებლობას. პოლონელი და ქართველი ახალგაზრდებისაგან, რომელთაც მოგზაურობის დიდი გამოცდილება აქვთ, მიიღეს საინტერესო და საჭირო ინფორმაცია, ონლაინ რესურსების მისამართები და პრაქტიკული რჩევები მინიმალური დანახარჯებით საინტერესო მოგზაურობის დასაგეგმად.

სიქას ახალგაზრდული დელეგაცია მონაწილეობს საერთაშორისო გაცვლით პროექტში "European Folk Variation under Polish Sky"

სიქას 7 ახალგაზრდისაგან შემდგარი დელეგაცია მონაწილეობას იღებს საერთაშორისო გაცვლით პროექტში "European Folk Variation under Polish Sky", რომელიც იმართება პოლონეთში, ქალაქ ლოძში. პროექტის მიზანია ხელი შეუწყოს ახალგაზრდებში კულტურული გამომხატველობისა და მეწარმეობის კომპეტენციების განვითარებას. სხვადასხვა აქტივობების მეშვეობით ახალგაზრდები იუმჯობესებენ გუნდური მუშაობისა და ლიდერობის უნარ-ჩვევებს, ეცნობიან ევროპული ქვეყნების ფოლკლორს, ტრადიციებს, კულტურას. პროექტში მონაწილეობენ ახალგაზრდები იტალიიდან, საქართველოდან, პოლონეთიდან, სომხეთიდან და მაკედონიიდან.

ცხელი აგვისტო სიქასთან ერთად - Hot August with SIQA

აგვისტოს ცხელი დღეების სასარგებლოდ გასატარებლად, 11 აგვისტოდან 26 აგვისტომდე ყოველ სამშაბათს და ხუთშაბათს საღამოს 5 საათზე სიქაში, სასიამოვნოდ გრილ გარემოში, სიქას ევროპელი მოხალისეები გიწვევენ საინტერესო შეხვედრებზე.

სიქას გერმანელი და პოლონელი მოხალისეები რუსთაველ (და არა მხოლოდ რუსთაველ) დაინტერესებულ პირთ (ასაკის შეუზღუდავად) გთავაზობთ სემინარებს შემდეგ თემებზე:

• ჯანსაღი ცხოვრების წესი: დიეტების სამყარო, როგორ მოვიშოროთ ზედმეტი წონა, უკეთ ვიგრძნოთ თავი , გამოვიყურებოდეთ უკეთესად;

• როგორ ვიმოგზაუროთ უფულოდ - რჩევები და რეკომენდაციები იაფი/უფასო მოგზაურობისათვის;

• მთელი სიმართლე კოსმეტიკის შესახებ - რომელი შამპუნი და კრემი ნამდვილად აგვარებს თქვენს პრობლემებს და რომელია უბრალოდ ფულის ფლანგვა, პოპულარული კოსმეტიკური საშუალებების შემადგენლობის ანალიზი . როგორ შევარჩიოთ საუკეთესო კოსმეტიკა ჩვენი კანის, თმისა და მოლოდინების შესაბამისად.

• ხელსაქმისა და გერმანული ნაციონალური ცეკვის ვორკშოპები;

• როგორ გავხდეთ მოხალისე უცხო ქვეყანაში - ცხოვრებისეული გამოცდილება და თავგადასვლები EVS და სხვა მოხალისეობრივი პროექტებიდან.

სიქა-ს ორგანიზებით რიგით მესამე "წუწაობა ფართი" მოეწყო რუსთავში

30 ივლისს რუსთავის კულტურისა და დასვენების პარკში გაიმართა "წუწაობა ფართი". აღნიშნული ღონისძიება უკვე მესამე წელია ტარდება სიქას ახალგაზრდა ლიდერების ინიციატივით. "წუწაობა ფართი" დატვირთული იყო სახალისო თამაშებით და წამახალისებელი პრიზებით. წლევანდელ წუწაობაში მონაწილეობას სხვადასხვა ასაკით 30-ზე მეტი ადამიანი იღებდა. იხილეთ ფოტოები.

სიქა გიწვევთ წუწაობა ფართზე

ყველას! ყველას ! ყველასს!!!

ვინც დაიღალა ცხელი ზაფხულის სიცხით, ვისაც სურვილი აქვს დრო მხიარულად და გრილად გაატაროს! ეს თქვენთვისაა! თქვენ გელით გამაგრილებელი, სახალისო თამაშები. მსურველებმა თან იქონიეთ საწუწაო იარაღი (ვისაც არ გაქვთ ბოთლები). ეცადეთ ჩაიცვათ ფერადი ტანსაცმელი.

სიქა-ს ორგანიზებით წუწაობა ფართი მესამე წელია წარმატებით ხორციელდება და მასში რუსთავის ახალგაზრდები აქტიურად ერთვებიან.

წუწაობა ფართი - რუსთავის კულტურისა და დასვენების პარკში 30 ივლისს 4 საათზე!
ღონისძიებას ახორციელებს სიქა-ს ახალგაზრდული გუნდი.

სემინარი თემაზე "როგორ მოვიქცეთ საგანგებო სიტუაციების დროს"

18 ივლისს სიქას ახალგაზრდულმა ლიდერმა ნათია შუკაკიძემ მარნეულის მუნიციპალიტეტის სოფელ თაქალოს სამოქალაქო კლუბის წევრებს ჩაუტარა სემინარი თემაზე "როგორ მოვიქცეთ საგანგებო სიტუაციების დროს". აზერბაიჯანელმა მოსწავლეებმა მიიღეს ინფორმაცია, თუ რა უნდა გააკეთონ სხვადასხვა კატასტროფებისა და ბუნებრივი მოვლენების დროს. სემინარის მონაწილეებს ასევე გადაეცათ ბროშურები აღნიშნულ თემაზე. სამოქალაქო კლუბის წევრებმა გადაწყვიტეს, სემინარზე მიღებული ინფორმაცია გაუზიარონ სკოლის სხვა მოსწავლეებს და თემის წევრებს, რისთვისაც გადაცემული მასალის საფუძველზე მოამზადებენ პრეზენტაციების კატასტროფების შემთხვევაში ქცევის შესახებ, ჩაატარებენ სემინარებს სკოლაში. შედეგად - მეტი მოქალაქე იქნება ინფორმირებული კატასტროფების პრევენციისა და საფრთხეზე შესაბამისი რეაგირების შესახებ.

სემინარი ჩატარდა სამოქალაქო განათლების პროგრამის "მომავლის თაობა" ფარგლებში, რომელსაც ახორციელებს PH International აშშ საერთაშორისო განვითარების სააგენტოს (USAID) დაფინანსებით. სიქა წარმოადგენს პროგრამის პარტნიორს ქვემო ქართლის რეგიონში.

სტაჟირების პროგრამის მონაწილეთა დაჯილდოება მარნეულის იუსტიციის სახლში

სიქას მხარდაჭერითა და ხელშეწყობით სამოქალაქო განათლების პროგრამა "მომავლის თაობა" სამიზნე სკოლების 8 მოსწავლემ მარნეულის მუნიციპალიტეტის სოფელ კაჩაგანისა და თაქალოდან გაიარეს სტაჟირების პროგრამა მარნეულის იუსტიციის სახლში. ოთხი კვირის განმავლობაში აზერბაიჯანელი მოსწავლეები იუსტიციის სახლის თანამშრომლებს ეხმარებოდნენ მოქალაქეებთან ურთიერთობაში, რათა მათ სრულად ესარგებლად იუსტიციის სახლის სერვისებით. 15 ივლისს მარნეულის იუსტიციის სახლში მარნეულის იუსტიციის სახლის მენეჯერმა გიორგი გოგალაძემ მოსწავლეებს მოხალისეობისათვის სიგელები გადასცა. სიქამ ასევე დააჯილდოვა აქტიური მოხალისეები პროგრამის მაისურითა და სხვა სამახსოვრო საჩუქრებით.

სიქა-ს ევროპელმა მოხალისეებმა მოაწყვეს გამოფენა "საქართველო - ჩემი მეორე სამშობლო"

სიქა-ს ერთ-ერთმა მოხალისემ გერმანიიდან, ლუსი ტელემანმა დაასრულა გრძელვადიანი ევს პროექტი რუსთავში, სიქასთან ერთად. მას და სიქას კიდევ ერთ მოხალისეს პოლონეთიდან ულა ვოზნიაკოვსკას გაუჩნდათ იდეა მათ მიერ გადაღებული სურათებით ეჩვენებინათ საქართველო - მათი მეორე სამშობლო. 9 ივლისს რუსთაველებს შესაძლებლობა მიეცათ ფოტოგამოფენაზე ენახათ მათ მიერ საქართველოში გატარებული მხიარული, ძვირფასი და უბრალოდ - დასამახსოვრებელი დღეების ამსახველი ფოტოები.

თუკი გამოტოვეთ გამოფენა რუსთავის პარკში, თვალი ადევნეთ ჩვენს გვერდს, გამოფენა მალე განმეორდება.
მშვიდობიან გზას გისურვებთ, ლუსი!